الكاوتش البريدجستون اتقطع و هو لسه جديد .. اعمل ايه ؟

**ahmad--ezzat** · 26-01-2012 12:03 PM

يا جماعه نصيحه
حطوا نيتروجين وسيبكو من الهواء
النيتروجين بيقلل الصدمات كتير وافضل خصوصا فى الجنوط الكبيره

وبالنسبه لصاحب الموضوع
شوف تاريخ انتاج الكاوتش ايه !! لان ممكن يكون منتهى الصلاحيه او ما شابه ذلك

**Elawany13** · 26-01-2012 12:08 PM

ياساتر يارب
900 جنيه الفردة !!!
وجنط 17 (واضح من الردود انه مقاس متعب وغير مناسب )
ياجماعه مش كل حاجه بتتعمل فى أوروبا والخليج تنفع عندنا فى مصر
فيه حاجات كتير بنعملها فى نفسنا وبنعذب نفسنا بيها
وللأسف متنفعش مع ظروفنا فى مصر خالص
ومتنفعش مع الطرق الجميلة بتاعتنا

ربنا يعوض عليك

ربنا يخليلى جنط 13 الحديد الأصلى بتاع الشاهين
ويخليلى كاوتش ماكسيس أبو 230 جنيه
بلبس كتير فى نقر وبلاليع وكل حاجه
بقاله معايا سنة عمرة ما عمل معايا أى موقف أو حتى اتخرم
الحمد لله والشكر لله
يارب ديمها نعمه وإحفظها من الزوال

**Elawany13** · 26-01-2012 03:28 PM

المشاركة الأصلية كتبت بواسطة ahmed_nubira

ايه بعم انت داخل تذل الراجل

كل حاجه ليها عيوب ومميزات لو ركبت 17 هتعرف يعنى ايه ثبات دة غير الشكل بس العمليه عايزه حرص شويه
انا مركب 16 والحياه فل وكان عندى 14 قبل كده
ال 16 افضل بكل المقاييس بس تختلف من شخص للتانى

السلام عليكم ورحمة الله وبركاته
أعوذ بالله .... لا ذل ولا حاجه !!! ..بس كل اللى أقصده زى ما قال أخونا
Y2Y1500

المشاركة الأصلية كتبت بواسطة Y2Y1500

والاكيد ان الطرق هى اللى ما تستاهلش انك تشترى لا المقاس ده ولا الماركة دى .. ربنا يعوض عليك

إحنا فى دولة من دول العالم الثالث (ويمكن العاشر) ظروف هذه البلد إجتماعيا وسياسيا وإقتصادياً فى منتهى الصعوبة ... مش فى أوربا ولا فى الخليج !!!

ورغم هذه الظروف الصعبة اللى بنشتكى كلنا منها بنصرف مليارات على
كماليات سيارات وعلى الموبايلات وحتى نتائج السنة الجديدة
وبنصرف مليارات على قزقزة اللب والسودانى !!

الثبات الخرافى على السرعات العالية اللى حضرتك بتقول عليه
مش محتاجينها ولا تتناسب اطلاقا مع شوارع وطرق المحروسة

أنا أقصد النصيحة لنفسى أولا و لأخى صاحب الموضوع ثم لجميع اخوانى وأحبائى فى المنتدى
مفيش داعى نصرف فلوس على كماليات احنا فعلا مش محتاجينها ولا هنستفاد منها ...
بالعكس هتضرنا أكثر ما هتنفعنا !!!!

ولو صرفنا الفلوس ديه فى أوجهة الخير وللفقراء والمساكين واللى مش لاقى ياكل واللى مش لايقى يتجوز .... الخ هيكون أفضل لينا فى الدنيا والآخرة

هتلاقى ربنا مباركلك فى حياتك وفى فلوسك وفى صحتك وفى عربيتك أى كان نوعها ولو حتى كانت قديمة ومهكعه

تذكر ان الإسلام نهى عن الإسراف فى المباح والحلال
وتذكر ان ربنا هيسألك يوم القيامة عن مالك من أين إكتسبته وفيما أنفقته

وعلى عموم كل واحد حر ... يارب يكون كلامى خفيف عليكم ... ومحدش يزعل منى ... والسلام عليكم ورحمة الله وبركاته

**Elawany13** · 26-01-2012 05:21 PM

المشاركة الأصلية كتبت بواسطة ahmed_nubira

بهزر يا اخى :)

عارف يابشمهندس أحمد ... بس أنا قولت فرصة بقى مدام نكشتنى ....

**mohdamin18** · 27-01-2012 02:52 PM

low profile+bad streets = bad customer use

**Ghamrawy** · 28-01-2012 10:39 PM

هو الكاوتش كان بريدجستون ايه ؟
و صناعته ايه ؟
و كمان الجنط صناعته ايه ؟
فى جنوط الشفة بتاعتها مش معمولة صح لازم تقطع الفردة لو لبست فى مطب جامد
بس انا فعلا عايز اعرف اسم الفردة بتاعت الكاوتش دى ايه
و ربنا يعوض عليك خير

**nightmare_9595** · 29-01-2012 05:16 AM

ربنا يخليكو يا جماعه علي المشاركه .. انا فعلا رحت للفردوس قالي ده سوء استخدام و سوء طرق و ان ممكن اي كاوتش و خصوصا لو كان low profile انه يعمل كده .. انا اقتنعت بكلامه بصراحه و هما ناس ذوق جدا و محترمين , بس ده مكافانيش بصراحه , قمت واخد الفرده و رايح توكيل بريدجستون و قلتله انا عايز ارفع بيها تقرير و استنه النتيجه و لو لصالحي هاخد فرده جديده و لو لا مش مشكله بس علس الاقل هيكون ناس متخصصه الي كشفت و قالت رايها , مش بالفهلوه يعني ... و ربنا يسهل , قالي تعالي اخر الاسبوع و ربنا يكرم يا رب ..

و بلنسبه لموديل الفرده .
Bridgstone , MY 01 (Sport tourer)

و نوع الجنط هو جنط المازدا 3 ال 17 الياباني ...

و اس اساله انا تحت امركو

-

-

الموضوع: الكاوتش البريدجستون اتقطع و هو لسه جديد .. اعمل ايه ؟

LinkBack

أدوات الموضوع

عرض

-

-

-

-

-

المواضيع المتشابهه

سوال عن الكاوتش البريدجستون

الكاوتش اتقطع منى من الرفرف :(

الكاوتش الميشلان اتقطع

الكاوتش البريدجستون

تغيير مقاس الكاوتش على نفس الجنط + البريدجستون بيعمل بقاليل!

الكلمات الدلالية لهذا الموضوع

المفضلات

المفضلات

ضوابط المشاركة