هو الفتيس الايزي ترونيك بيتغرله الزيت امتى ؟

**Omar_H** · 26-01-2012 01:50 AM

السلام عليكم يا رجالة
أنا كنت عايز أعرف هو الفتيس الايزي ترونيك بتاع الفيكترا c بيتغر الزيت بتاعه امتى ؟
أصل والدي عنده الصيانة بتاعت ال 30 ألف و مش عارفين نعملها في التوكيل ولا بره ؟ هي الحاجة اللي هتفرق موضوع الفتيس ده هل بيتعمل فيه حاجة في ال 30 ألف ؟

و سؤال تاني هو فلتر الهوا والبوجيهات لو ماتغيروش في معادهم ممكن يتسببوا في اضرار ؟ أنا عارف آه إنهم بيأثروا عالسحب و استهلاك البنزين بس هل فيه ضرر عالموتور لو متغيروش في المعاد ؟

**احمد فهمى** · 26-01-2012 08:41 PM

لا بيتغير مع الكتينه والدينمو على 50 الف وبتاخد 2 كيلو atf320 موبيل بتاع الباور العادى وهتلاقى الطبه بتاعتو تحت عند العجله الشمال وبتزمد بعد كده من فوق فى طبه سوده كده جنب البطاريه وال30 الف اعملها بره غير فلاتر وبوجيهات بس ال50 الف اعملها فى التوكيل مبتفرقش كتير عن بره واحسن من برخ ودى بتتعمل كل 50 الف يعنى مش مستاهله توفير

**ahmedmaklad** · 27-01-2012 02:20 AM

انا لسة عامل صيانة ٥٥ الف في توكيل الهرم عشان نفس موضوع زيت الفتيس ده سالت المهندس زيت الفتيس بيتغير امتى قالي مش دلوقتي خالص و واحد تاني قالي برده على ١٠٠ الف او مع تغيير الاسطوانة و الديسك لو اتغيروا قبل ١٠٠ الف مع ان في الكتالوج بيقول ٣٠ الف و خالد ايمن مغيره على ٦٠ الف انا ما غيرتوش بصراحة مش عارف بقى.

**KHALED AYMAN** · 27-01-2012 02:33 AM

منصور شغال فتاوى جامده اوى
يخرب بيوتهم
انا غيرت الزيت على 60 الف
و بيتغير معاه جوان الفارغه لانه بيفك الفارغه !

**HASSAN SERRY** · 27-01-2012 04:52 AM

ولا انا غيرتوا لحد دلوفتى اخر مره روحت التوكيل قلى متغيروش زودوا بس !!!!!!
انا عموما قررت على ال 100 أغيروا

**dr_medoo** · 27-01-2012 08:15 PM

المشاركة الأصلية كتبت بواسطة ahmedmaklad

انا لسة عامل صيانة ٥٥ الف في توكيل الهرم عشان نفس موضوع زيت الفتيس ده سالت المهندس زيت الفتيس بيتغير امتى قالي مش دلوقتي خالص و واحد تاني قالي برده على ١٠٠ الف او مع تغيير الاسطوانة و الديسك لو اتغيروا قبل ١٠٠ الف مع ان في الكتالوج بيقول ٣٠ الف و خالد ايمن مغيره على ٦٠ الف انا ما غيرتوش بصراحة مش عارف بقى.

مبروك يا عم على صيانه ال55 بس ممكن سؤال
عملوا ايه فى الصيانه وغيروا ايه واتكلفت كام علشان انا عاوز اعرف ايه الى بيتعمل فيها

**Omar_H** · 28-01-2012 03:23 PM

ألف شكر يا رجالة .... طب ماحدش عنده معلومة أكيدة عن امتى الزيت المفروض يتغير بالضبط بدل فتي منصور ده ؟ عشان الواحد مش عايز يتأخر عن المعاد المظبوط فالفتيس يجراله حاجة و في نفس الوقت الواحد مش عايز يغيروا بدري عالفاضي ... والكتالوج مكتوب فيه معاد تغير الزيت عند 30000 بس ده للأوتوماتيك العادي متهيألي مش الايزي ترونيك
و يا ريت حد يؤكد على نوع الزيت هل هو فعلا زيت الباور زي ما أستاذ احمد قال

**dr_medoo** · 30-01-2012 06:25 PM

محدش قالى برده صيانه ال50 الف بيتعمل فيها ايه وايه اسعارها

**احمد فهمى** · 02-02-2012 01:33 PM

50 الف كيلو ويفضل اقل وايوا زيت الفتيس ده موبيل atf320 وانا جبتو من منصور وموجود بره فى كل محطات موبيل

الموضوع: هو الفتيس الايزي ترونيك بيتغرله الزيت امتى ؟

LinkBack

أدوات الموضوع

عرض

-

-

-

-

المواضيع المتشابهه

يا جماعه انا عاوز اجرب الايزي ترونيك قبل ما اشتريه

كمبيوتر نقلات الفتس الايزي ترونيك.

كمبيوتر نقلات الفتيس بتاع الايزي ترونيك

الفتيس الايزي ترونيك

بص علي الايزي ترونيك

الكلمات الدلالية لهذا الموضوع

المفضلات

المفضلات

ضوابط المشاركة