العنوان ده أروحه ازاي في القاهرة الجديدة

**hazememam14** · 26-01-2012 02:29 AM

ياريت يا جماعة حد يقوللي العنوان ده أروحه ازاي لو أنا في مدينة نصر ؟؟ وأروحه ازاي لو أنا جاي من مصر الاسماعيلية الصحراوي قبل ما أدخل القاهرة

S4 , Downtown Mall, Road 90, Kattameya, New Cairo

ده المفروض عنوان مقر شركة اتصالات الرئيسي

**mohamed_selim** · 26-01-2012 09:18 AM

من طريق الاسماعيليه: بعد المركز الطبى و قبل الكمين تلف يوترن و تخش مدخل الشروق 1 و تكمل طوالى لحد طريق السويس و تكمل فيه فى اتجاه القاهره ... هتعدى من تحت الدائرى و تاخد اول طلعه يمين (مش متأكد فى طلعه هناك ولا لأ بس لو مفيش تاخد اول يوترن و ترجع تطلع يمين قبل الدائرى) هتمشى على الدائرى و تنزل اول نفق ... تانى نفق من فوقه و تلف الصينيه 3\4 كأنك هتخش شمال .. كده انت فى التسعين ... كمل طوالى حوالى كيلو هتلاقى داونتاون على الشمال تلف يوترن و ترجعلها

من مدينة نصر هيبقى حسب انت فين ... ممكن تطلع طريق السويس من عند النادى الاهلى و تاخد الدائرى زى فوق
و ممكن تكمل فى شارع الحى العاشر(اللى فيه انبى و جامع السلام و سوق السيارات) هيطلعك على الدائرى فوق النفق الاول هتاخد يمين و من فوق النفق التانى زى فوق
فى كمان محور na من عند المقابر هيطلعك فوق النفق التانى و تكمل طوالى على التسعين (يعتبر امتداد التسعين من الناحيه التانيه من الدائرى)

**mohkhattab** · 26-01-2012 09:27 AM

بص يا باشا ن لو انت فى مدينة نصر ، فى كذا طريق :
- لو دخلت من جنب جامعة الازهر و تمشى على طول و تعدى امن الدولة و تمشى على طول لغاية لما تلاقى بنزينة وطنية على يمنيك ، هتدخل انت شمال تحت الكوبرى اللى بيبنى ، و تمشى على طول لغاية لما هتلاقى صنية ،تكمل على طول متدخلش يمين لان كدا كده وصلة الطريق الدائرى اللى طلعك على المعادى ، اول ما تلف الصينية نصف لفة ، هتلاقى شارع عريض دا شارع التسعين و هتلاقى اتصالات على شمالك .
- لو دخلت من جنب المنصة ، و تتطلع على شارع الطيران و تمشى على طول و تدخل من جني عمارات الفتح بتاعة الشرطة وتدخل من عند هيئة الاستثمار و تكمل على طول من عند ابراج زاهر و تكلم على المقابر ن هتلاقى صنية كبيرة هتدخل شمال مش هتمشى على طول و بعدين تكمل الطريق طوالى لغاية لما تلاقى صينية تلافها نصف لفة و هتلاقى شارع التسعين قدامك
اما طريق مصر الاسماعيلية الصحراوى انا مش متاك\ اوى ، بس على طلعت على الطريق الدائرى و كملت على طول لغاية لما تعدى نفق الزهراء مدينة نصر و كملت شوية قدام متنزلش النفق اللى بعديه و هتلف الطريق لانهم قفلوا الصنية و ترجع تانى هتلاقى التجمع قدامك .

**Land_Cruiser** · 26-01-2012 09:37 AM

لو تعرف توصل لمسجد السلام فى الحى العاشر ادخل من جنبه يمين و كمل على الطريق ده على طول لحد ما تلاقى صينيه قدامك تقوم داخل شمال و تكمل على طولهتبقى المقابر على ايدك اليمين و تفضل مكمل على طول و بعد كده تاخد شمال تانى هتبقى ماشى على طريق سريع عند الوفاء و الامل و اخر الطريق ده هتلاقى صينيه تلفها و كده هتكون فى اول سارع التسعين و هتلاقى اتصالات على ايدك الشمال

**hazememam14** · 29-01-2012 01:51 AM

ألف شكر يا جماعة .... استفسار بس : يعني بعد ما أوصل التسعين ان شاء الله أمشي فيه شوية هلاقي داون تاون مول واضح علي الشمال يعني ؟؟ ولا مش هاخد بالي منه ولازم أبقي عارف مكانه ؟؟ أصلي مش لاقيه علي خرايط الموبايل :)))

**mohamed_selim** · 29-01-2012 09:21 AM

هتمشى بتاع كيلو و هتلاقى عمارات عاليه الناحيه التانيه ... لو مخدتش بالك اسأل اى حد هيشاورلك عليهم

**amrlilo** · 10-04-2014 10:30 AM

طب دلوقتى انا من شبرا حد يقدر يفيدنى ازاى اروح بورتو كايرو مول اللى فى التجمع الاول؟؟ و شكرا

الموضوع: العنوان ده أروحه ازاي في القاهرة الجديدة

LinkBack

أدوات الموضوع

عرض

-

-

-

المواضيع المتشابهه

الى ساكنى القاهرة فى الدقى عاوز اروح العنوان ده من فضلكم

ازاي اروح سيتي ستارز من غير مادخل القاهرة

ازاي اروح العنوان ده في الدويقه ؟

من القاهرة ............. الي مطروح ازاي ؟

تغير العنوان وتغير المرور هل يغير النمر الجديدة ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة