استفسارات عن اكسنت rb قبل شراء ارجو مساعده

السلام عليكم احنا قررنا نجيب عربيه جديده تكون اتوماتيك و فيها كماليات وواسعه و مريحه
ففكرتا فى البيكانتو و نزلنا نشوفها معجبتناش و شوفنا كذا حاجه و ده كان فى سمير رايان و المصريه
المهم بعد لف و ركوب عربيات مثل بيكانتو و رينو سانديرو و هيونداى i10 و تيدا و سيراتو و غيرة
اتفقنا على اكسنت rb اول فئه ب 102 قسط ان شاء الله استفساراتى/
1-هل مصريه جيده و نتعامل معها اقصد عربياتها كويسه و مفهاش مشاكل لأنى فى معرض شوفت عربيات عرض اللى رأس فتيس مش موجوده و الباب مش بيقفل براحه فهل عربياتها جيده و لا اجيب منين بالقسط و فائدتهم كانت 7.5% من بنك قاهره و سمير ريان كانت تقريبا 9 مش متذكر عايز مكان مضمون و فائده قليله

2-هل عربيه واطيه و بتحك فى مطبات ام لا

3- هل فيها منها خليجى

5-انا عجبانى فئه تانيه بس غاليه ب111 الف فيها جنوط و مرايات ضم و فوجات و بلوتوث و كونصول امامى و انوار قراءة و جراب نظارة فهل تستحق و لا خلينى فى فئه اولى و خلاص

6-لو فئه اولى كويسه و مرضيه ينفع اركب فوجات و كونصول فى توكيل و لا فين بالضبط و ايه تانى ممكن اعمله فيها

7-هل فى رنج 100 الف ممكن اجيب حاجه زى اكسنت تنصحونى بأيه و طبعا سألت على ريو قولولى اسبوع جاى
انا فى انتظاركم و شكرا مقدما على مساعدتكم

1.أنا جبت من معرض واحد صاحبي ف مشيت في السليم الحمد لله.
2.مفيش أي حك غير لو 3 ورا و مطب غبي.
3.في خليجي بس هتخش ف 118 ألف هاي لاين.
4.تستحق أنا معاياه اول فئه اوتوماتيك الحجات ديه هتحس من غيرها بفرق.....وقت م اشتريت مكنش فيه غير أول فئه.
5.التوكيل عشان تركب فوج لايت بس ممكن تدفع مثلا الفين جنيه في حين كل الأوبشن ديه و فبريقه بفرق بسيط بالمقارنه لتركيب كل جزء لوحده.
6.بص في رأي الأكسنت أحسن عربيه في السعر ده من حيث الشكل الأداء والأداء و الأوبشن في الفئه العليا 111 ألف بس في رأي يعيبها الثبات على طرق السفر فوق 120 كم\س......العفشه وراه مع مطبات الهوا مراجيح.....الباور عالي الحساسيه بطريقه مزعجه في السفر.....لو عايز تعرف العربيه دي بجد google it مع مراعاه فارق الموتور بره أقوى من اللي ف مصر في أوروبا م أمريكا.
7.لو مش فارق معاك الشكل هات صني فكر ف تيدا بس صيانه التيدا غاليه شويه أو ب معنى أصح مبالغ فيه

ال rb عربية كويسة جدا بس رأيى لو هتشترى هات الفئة العالية لان وجود الكماليات فى العربية بيفرق كتييير
خصوصا لو نازلة فيها اوريجينال غير ما انت تركب كل حاجة لوحدها وده كان عيب النيو اكسنت اللى معايا
http://img707.imageshack.us/img707/2106/myaccent10.jpg

عموما انا ليا راى تانى متشوف الجين 2 او البرسونا (بروتون) بصراحة عربيات جميلة بس اسأل عن توكيلها عز العرب خدماته كويسة ولا لأ

http://img707.imageshack.us/img707/2106/myaccent10.jpg

انا متشكر ليكم بس بفكر اجيب سيراتو كسر زيرو فأيه رأيكم هل هى افضل من اكسنت و الفئه تانيه اللى ب 111 فى اكسنت توكيل الخليجى بكام

انا معايا rb جنوط فتحة سقف طارة مالتى قلونسول امامى بلوتوث فوج لايت وكيل العربية ممتازة جدا ثبات رائع انا جيبت 180 كم فى الساعة على طريق بلبيس الصحراوى وكان معايا 2 صحابى ثبات جيد إلى حد ما العربية رائعة ليس غفيها مشاكل المشكلة الوحيدة استهلاك البنزين الكمبيوتر فى العربية متوسطة 10 و 11 واحيناً بيدى 12 قليل جداً لما بينزل الى 9 او 8.7

توكل على الله وجبها انا معايه الفئه الاولى اوتوماتك الي ب 102
العربية مش بتحك خالص والي بيقول بتحك يبقا هو بيعدي على مطب غبي ودى معناه ان اي عربية غيرها حتحك
وخقلك حاجه وحده احنا في مصر يعني مطبات بالهبل غير طرق خربانه دى انت بتصحى الصبح تلاقي جارك عمله مطب
استهلاكها في البنزين تحفه خصوصا في السفر والمسافات والسرعات
ثبتها ممتاز لغايه 120 بعد كده بيبقا جيد حتى 180
الباور بتاعها هايل بيديك كل الي تحتاجه في المناوره والحركه بحريه في العربية بس خد بالك من مطبات الهواء
انا انصحك انك تجيب اول فئه وتوفر في الفرق خصوصا انك جيبها بالقسط وبعد متخلص اقسطها زود الي تزوده حتى كمان تكون خلصت من التقسيط
لاني انا بشوف موضوع الفوجات شكل وبس يعني اوبشن في العربيه بيديها شكل لاكن مش بيعيقك
موضوع التاره مالتي اوبشن برضه تقدر تعلي وتوطي من الكسيت الصوت وترد على الفون من على الفون
موضوع النظاره برضوا ابوشن يعني لو مش بتستعمل نظاره ايه فيدته ولو بتستعمل متحطها جنبك وخلاص
لو على موضوع الخليجي انا فكرت زيك بسجبت التوكيل لاني بقلق لان العربية حساسه وفيها كومبيوتر يعني العربية لو فيها مشكله مش حتدخل التوكيل والي بيقلك تدخل بيضحك عليك ولو وديتها برها حتلبس لاني جربت مع واحد صحبي لبس في كيا خليجي وفي الاخر بعها
اخر حاجة موضوع الجنط
العربيه نزله 14 والجنط الي بينزل في الاعلى برضوا 14 يعني الفرق قليل للعلم ولو في حد تعرفه حيقلك وفر فلوسك
وتبقا لما تيجي تغير العجل بعد 3 او 4 سنين تبقا تغير الجنط وتوفر فلوسك
لانك متنساش جيبها بالقسط دى الي تقلي لما اشتريت عربيتي وبالفعل دى الي مشيت عليه وانت حر بقا

ياباشا انت بتتكلم في ماركة عربيات بتعمل اعلى مبيعات في العالم واهم من ده كله سعر اعادت بيع فوق الممتاز وتنشاء الله متفكرش في بيعها وكمان شكل جديد وتقعد معاك على الاقل 5 سنوات متفكرش انك تعمل غير الصيانه العاديه انا بصراحه جبت النترا 2005 كامله اوتوماتك وبجد عربيه محترمه جدا الحمد لله ومغيرت فيها حاجه تذكر وليها معايا سنه والحمد لله وبالنسبه للمعارض شوف انت المعرض اللي يريحك وخد معاك حد فاهم في العربيات علشان يشيك عليها على الماشي كده .بالنسبه لاحسن نظام تقسيط خليك في بنك ناصر الاجتماعي مقدم 15% اقل حاجه وفايده 6% في السنه وممكن تقسط حتى 90 شهر ومفيش مصاريف ولا غيره شهريه ولا ربع سنويه ولا غيره هو كلها 100 مصاريف ملف العربيه وكمان وثيقه تأمين على الحياه لو سنك مكملش الاربيعين مش هاتعدي الالف وكل سنه بتاخذ جواب تجديد ترخيص ب 7 جنيه بس وانا شغال في البنك واي خدمه في اي استفسار

ال RB عربية كدة :Bravo: ....
توكل على اللة وهاتها ....

وانا بضم صوتى ان هية افضل حاجة فى فئتها

توكل على الله وهات ال rb بس انا عند رايى انك تجيب الفئة العالية وطالما جايبها قسط فالفرق فى القسط مش هيكون كبير

انا بشكركم جدا يا جماعه بس انا فى حيرة واحد صاحبى قال ليها تجيب اكسنت اول فئه ب 102 ما تجيب سيراتو كسر زيرو هيبقى كمالياتها اعلى من اكسنت و فتيس 6 سرعات و بنفس تمن او اقل ايه رأيك فى كلام ده انصحونى علشان انا خلاص فى حيرة

اقتباس:

---

المشاركة الأصلية كتبت بواسطة bassem_sams

انا بشكركم جدا يا جماعه بس انا فى حيرة واحد صاحبى قال ليها تجيب اكسنت اول فئه ب 102 ما تجيب سيراتو كسر زيرو هيبقى كمالياتها اعلى من اكسنت و فتيس 6 سرعات و بنفس تمن او اقل ايه رأيك فى كلام ده انصحونى علشان انا خلاص فى حيرة

---

صاحبك كلامه سليم جداااا
اولا الاكسنت عربية ضيقة من ورا ثانيا السيراتو سعرها وااااقع ممكن ب 95 الف واقل تجيب حاجة نضيفة فول اوبشن بس هية مشكلتها السرقة لازم تامنها ولازم تكشف عليها فى التوكيل قبل ما تشتريها

بس سيراتو في راي يعيبها .....منتشره بشكل بشع هتقولي أحسن عشان قطع الغيار و البيع أعتقد الهيونداي نفس الشئ
......سهله السرقه وربنا اللي بيستر
...... في رأي أحسن ميزه فيها ال6 سرعات ( طبعا أنت عارف أن موتور ال سيراتو و الأكسنت متطابقين بس مع 6 سرعات هيبقا أحسن ) بس خد بالك و أنت بتشتري الكسر الزيرو و اتأكد أنها غير معيبه و شوف شكل ال سيراتو أو الأكسنت أحلى بالنسبه لك )

اتكل علي الله واشتري الاكسنت rb
للاسباب الاتيه
1- قطع غيار ارخص
2- شكل جديد جدا (واحلي )
3- ان 40% من مبيعات السوق المصري هيونداي
4- نظام العفشه في الاكسنت الجديده متطور جدا عكس السيراتو (دبدبه )
5- ثبات الاكسنت اكتر من السيراتو (وده عن تجربه اللي راكبنها )
6- اعاده البيع اعلي بكتير من السيراتو ( السيراتو مرميه في السوق كلو عاوز يخلص منها بسبب كثره عيوبها )
7-الوكيل بتاع الكيا نفسه مش عارف يبيع العربيه لدرجه انه عمل تمويل مباشر (وماحدش برده بيشتري ) وعمل تخفيض 5000 جنيه وبرده المبيعات قليله بالنسبه للار بي
8- طالما انت عاوز ابشن يبقي هات الهاي لاين ب 110000 وريح دماغك
احسن لما تجيب عربيه معظم الناس بتبعها عشان تخلص منها
ومعلومه برضوا (الاكسنت ار بي مافيش منها كسر زيرو كتير مع انها من اول يناير 2011 & والسيراتو من اول لما نزلت كان في كسر زيرو : اكيد ده ليه تفسير )
9- ده غير موضوع السرقه المنتشر
اتكل علي الله واشتريها

الاكسنت ار بي تقفيل كوري ولا بلد تانية ؟ و هل الهاي لاين فيها Airbags & ABS ؟ ولا غبور منفضها

اقتباس:

---

المشاركة الأصلية كتبت بواسطة bassem_sams

انا بشكركم جدا يا جماعه بس انا فى حيرة واحد صاحبى قال ليها تجيب اكسنت اول فئه ب 102 ما تجيب سيراتو كسر زيرو هيبقى كمالياتها اعلى من اكسنت و فتيس 6 سرعات و بنفس تمن او اقل ايه رأيك فى كلام ده انصحونى علشان انا خلاص فى حيرة

---

http://www.nilemotors.net/Nile/266190-rb-2.html

ياريت تاخد فكرة كدة عن المقارنة دية انا عاملها يعنى للاطلاع ليس الا

اقتباس:

---

المشاركة الأصلية كتبت بواسطة bassem_sams

السلام عليكم احنا قررنا نجيب عربيه جديده تكون اتوماتيك و فيها كماليات وواسعه و مريحه
ففكرتا فى البيكانتو و نزلنا نشوفها معجبتناش و شوفنا كذا حاجه و ده كان فى سمير رايان و المصريه
المهم بعد لف و ركوب عربيات مثل بيكانتو و رينو سانديرو و هيونداى i10 و تيدا و سيراتو و غيرة
اتفقنا على اكسنت rb اول فئه ب 102 قسط ان شاء الله استفساراتى/
1-هل مصريه جيده و نتعامل معها اقصد عربياتها كويسه و مفهاش مشاكل لأنى فى معرض شوفت عربيات عرض اللى رأس فتيس مش موجوده و الباب مش بيقفل براحه فهل عربياتها جيده و لا اجيب منين بالقسط و فائدتهم كانت 7.5% من بنك قاهره و سمير ريان كانت تقريبا 9 مش متذكر عايز مكان مضمون و فائده قليله

2-هل عربيه واطيه و بتحك فى مطبات ام لا

3- هل فيها منها خليجى

5-انا عجبانى فئه تانيه بس غاليه ب111 الف فيها جنوط و مرايات ضم و فوجات و بلوتوث و كونصول امامى و انوار قراءة و جراب نظارة فهل تستحق و لا خلينى فى فئه اولى و خلاص

6-لو فئه اولى كويسه و مرضيه ينفع اركب فوجات و كونصول فى توكيل و لا فين بالضبط و ايه تانى ممكن اعمله فيها

7-هل فى رنج 100 الف ممكن اجيب حاجه زى اكسنت تنصحونى بأيه و طبعا سألت على ريو قولولى اسبوع جاى
انا فى انتظاركم و شكرا مقدما على مساعدتكم

---

باشا ساعتك بتقول ان العربيه ب 102..ممكن تقولى فين بالظبط؟؟ لأنى لفيت على كذا معرض شوية يقولولى 103 وشوية يقولولى 104....ياريت تقولى على المعرض اللى ب 102 ...أنا سمعت عن معارض بتقدم بفائده 7.5 بس بصراحة مش عارف فين بالظبط أتمنى ان حد هنا يقدر يفدنا ويكون المعرض ده عنده ذمه ويسلمنا علطول مش ننام جنبه

اقتباس:

---

المشاركة الأصلية كتبت بواسطة kh_alex2004

باشا ساعتك بتقول ان العربيه ب 102..ممكن تقولى فين بالظبط؟؟ لأنى لفيت على كذا معرض شوية يقولولى 103 وشوية يقولولى 104....ياريت تقولى على المعرض اللى ب 102 ...أنا سمعت عن معارض بتقدم بفائده 7.5 بس بصراحة مش عارف فين بالظبط أتمنى ان حد هنا يقدر يفدنا ويكون المعرض ده عنده ذمه ويسلمنا علطول مش ننام جنبه

---

كان من اسبوع روحت و كانت ب102 فى المصريه للسيارات فى مصر الجديده و كان عرض مش عارف خلص ام لا تبقى روحلهم او كلمهم و كانت فايده منهم بردوا 7.5 من بنك القاهرة

هو مينفعش تبقي مانيوال وكل الكماليات اللي في الهاي لاين؟

المانيوال فيها الكماليات العادية بس زى النيو اكسنت يزيد عليها بس المرايات الكهرباء
انت ممكن تجيب الفئة اللى قبل الهاى لاين فيها فوانيس الشبورة وفتحة السقف
ويبقى عليك تركبها السينسور او الكاميرا وتبقى زى الفل
http://img707.imageshack.us/img707/2106/myaccent10.jpg