وارشاشتاه- كلاكيت تاني طقم.. الحقني ياكبير
الحقني يا ممدوح بيه بالنصيحة النهاردة علشان مهلة ترجيع الرشاشات لحد بكرة بس :8_8_13:
انا تاني بتاع طقم رششاشات البي ام الي بيدخن في اول الدوارة بس بيظبط بعد كده لما العربية تسخن مع ترتيلة مستمرة في السلانسيه معلش استحملوني :Copy of majd(2):
المهم بعد تجربة بوجيهات 3 شمعة مع طقم الرشاشات اعلاه الترتيلة تحولت لتفتفة وبرجلة اكتر بس مع اداء صاروخي (ملحوظة الرشاشات دي مش 715 دي شكلها بتاعة مكنة 2000 سي سي) ..
رجعت للبوجيهات 1 شمعة لتقليل التفتفة والبرجلة ( الاستهلاك 280 كلم صفيحة لمسافة 100 كلم طريق السويس رايح جاي مدينة بدر مصر الجديدة قيادة معتدلة)
المهم ربنا كرم بقرشين قلت ادلعها واغير طقم الرشاشات لتاني مره :colsmil:
عنك والخوف راح من قلبي واخدت العربية الحرفيين انا وواحد صاحبي ولفينا الكرة الارضية علشان الاقي طقم البوش 0715 المعتمد من منتدنا الكريم لسيارات الدايو ... بالعافية لقيت مسطرة ونص عند المتحدة وبورسعيد ونقيت انضف اربع رششات وروقتهم بضغط سائل تنظيف الكرابراتير وبضغط الهواء لاقصي حد من حقنه 50ملم مع فتح وغلق الرشاش ببطارية العربية..
وطلعت اجرب العربية والملاحظ كالتالي:
1- الاداء انخفض قليلا عن الرشاشات الاكبر في السعة (مش مهم اوي)
2- الاستهلاك تحسن بصورة كبيرة ( نفس البيانات السابقة بس 312 كلم في الصفيحة) (حاجة تفرح)
3- الدخنة السوداء في بداية الداورة كما هي بس كميتها قلت عن الاول مع ثبات فترة التدخين (دقيقتان قبل التوقف) (حاجة تغم)
4- الترتيل زاد عن الرشاشات الكبيرة مع وجود رائحة ضعيفة لبنزين غير محترق حتي بعد سخونة السيارة (حاجة تجنن)
كل دا ممكن ابلعة لجل عيون الاستهلاك الي اتحسن كتير بس المشكلة هي عند التحرك بالسيارة من السكون تميل السيارة للتبطيل وبلحقها بالدبرياج لحد ما تقوم ... وعند الانتقال من نقلة لاخري العربية لازم تهدهد (الهدهدة والترتيل اخف سنة مع رششات البي ام الكبيرة) (حاجة مزعجة جدا)
المهم استحليت عملة التنظيف ونظفت رشاشات العربية الاصلية بنفس الطريقة وجربتهم اصلا قبل ما اجرب بتوع البي ام والعربية كانت 10/10 ولا ترتيل ولا هدهده وبتاستك بسهولة والانطلاق رائع وكلة تمام بس الدخنة السوداء موجود عند بداية الدوراة فقط بالاضافة لعلمي انهم مش هيعمرو كتير مهما اتنظفوا...
السؤال بقي ... الرشاشات الاخيرة الي انا جبتها 0715 بترتل طبيعي وتصرفاتها السابقة عادية ولا في مشكلة علشان الحق ارجعهم لان اطقم الرشاشات الثلاثة الي معايا لما اختبرت ضغطهم بهواء الحقنة وبالسائل لم تقوم بالتسريب ولو لقطرة واحدة او نفست اي هواء
ولو المشكلة مش من الرشاشات بتاعة البي ام تبقي من ايه تاني (مع ملحوظة ان رشاشات العربية الاصلية بعد التنظيف اصبحت خرافة ولا يوجد ترتيل او برجلة والحريق رائع) مع ملحوظة اني عايز احتفظ بطقم رشاشات احتياطي لان البضاعة شاحة من الحرفيين ولعلمي رشاشات العربية الاصلي هتبوظ هتبوظ
سؤال اخير لممدوح بيه .. انا لقيت طقم رشاشات روساش زي بتاع النوبيرا تبيكال بس بتاع اوبل فيكترا ونظيف جدا وبنفس السعر (200جم) ومالتي بوينت بس اربع اخرام بدل 6 زي النوبيرا... بس خفت اغير بيه ليكون قصير العمر زي اخواته ... تنصح بايه يا مستشارنا العزيز؟؟
ساعدو اخوكم بتبادل الرد وربنا ما يسيلكوش رشاش ولا يقطع معاكم بوجيه :affection:
