تكلفة نقل عفش من الدور الأول للتامن كام؟

**shaddadfalcon1** · 26-01-2012 03:59 PM

السلام عليكم

انا ان شاء الله بكره عايز انقل عفش من الدور الأول للتامن من نفس العماره علي السلالم وعايز اعرف المفروض ياخد كام تكلفه

الشقه في سيدي بشر قبلي وهي صالون واوضة نوم ومطبخ بس

هل الأفضل اظبط مع الجماعه الصعايده ولا اشوف ناس متخصصه وتكلفة كل واحد كام

صاحب الشقه لسه منزل العفش بتاعه وقالي ناس كويسه ومخدوش اكتر من ساعه وبيغلفو العفش ونزلو الأوضه ب 200 جنيه وبيقولي مش عارف الطلوع بكام يعني الموضوع ممكن يدخل في 500 او اكتر وطبعا من غير نجار لانهم بينقول العفش مفكوك جاهز

دلوني الله يكرمكم عشان انا مش عايز ابهدل حد معايا - اهل مراتي كانو بيقولو في ناس كتير عايزين يجيو بس انا مستحرمها عشان حرام اجيب حد يخدمني واقطع نفسه المشوار ده كله ومفيش واحد فيهم هياخد مليم

ياريت تردو عليا بسرعه

**AhMeD EzZ** · 26-01-2012 04:08 PM

نصيحة مجرب
يا تشوف ناس متخصصة يا تنقلة بنفسك انت و ناس حبايبك و تردهلهم في اي حاجة و ابعد عن الصعايدة لانهم بينقولو بغشومية و حاجات كتير بتبوظ

**Dr_Mido** · 26-01-2012 04:35 PM

المشاركة الأصلية كتبت بواسطة ahmed ezz

نصيحة مجرب
يا تشوف ناس متخصصة يا تنقلة بنفسك انت و ناس حبايبك و تردهلهم في اي حاجة و ابعد عن الصعايدة لانهم بينقولو بغشومية و حاجات كتير بتبوظ

بيعاملو العفش معامله اشوله الاسمنت بالظبط يعنى تبيعه اكرلمك متنقله

انت ممكن تقفش اى معرض موبيليا جنبك وتتفق مع العيال اللى بتنقل فيه انهم يجلوك وانت اتفق معاهم عاوزين ايه وصدقنى لو اغلى شويه من الفواعليه انت الكسبان

**shaddadfalcon1** · 26-01-2012 04:38 PM

بس انا حاسس اني هبهدلهم جامد معايا لو جبت حد ينقلي
هو الموضوع كله يادورب الصالون واوضة النوم يعني

**shaddadfalcon1** · 26-01-2012 04:39 PM

المشاركة الأصلية كتبت بواسطة dr_mido

بيعاملو العفش معامله اشوله الاسمنت بالظبط يعنى تبيعه اكرلمك متنقله

انت ممكن تقفش اى معرض موبيليا جنبك وتتفق مع العيال اللى بتنقل فيه انهم يجلوك وانت اتفق معاهم عاوزين ايه وصدقنى لو اغلى شويه من الفواعليه انت الكسبان

يعني لو اوضة نوم وصالون ومطبخ وياخد 500 جنيه كتيير ولا شويه ؟

**Dr_Mido** · 26-01-2012 04:44 PM

فاصل معاهم طبعا بس احسن ماتدفع 200 وتجيب نجار يورنش اللى اتخبط

**shaddadfalcon1** · 26-01-2012 04:47 PM

المشاركة الأصلية كتبت بواسطة dr_mido

فاصل معاهم طبعا بس احسن ماتدفع 200 وتجيب نجار يورنش اللى اتخبط

ماهو ال 200 ده اللي الراجل لسه دافعهم في التنزيل اللي هو اسهل من الطلوع يعني انا متوقع اكتر
وعمره ماهيرضي باقل من كده بس الراجل بيقولي مخدش اكتر من ساعه وبيغلف العفش وكده

والله بفكر دلوقتي اكلم الناس اللي كانت عايزه تعمل معايا واجب واجيب عربيه واجيبهم وابقي اعزمهم علي العشاء واردلهم في اي مناسبه وخلاص

هما 3 واخو مراتي وانا يعني هنبقي 5 والنجار اصلا جوز بنت عمتي يعني معانا

**wa7d** · 26-01-2012 06:20 PM

بص الافضل انك تجيب حد بيفهم وحتي اصحابك واهلك مش حيبقي متخصصين برضوا والعفش حيدبهدل , جيب ناس متخصصة واديهم اللي هما عايزينه علشان لو حصل حاجة فى العفش تحاسبهم عليها

**Ahmed_lol2007** · 26-01-2012 06:24 PM

بص ياباشا
أنا رأى إن حضرتك وأصحابك تقومو بالليلة دى
والله العملية مش صعبة ممكن كل دورين واحد يقف وتبدلو مع بعض بدل ما كل واحد يأخد حاجة ويطلع بيها كل دة
ولو على موضوع إنهم مش هيأخدو حاجة إبقى ردهالهم ف أى حاجة أو ممكن تردها ف خروجة

**shaddadfalcon1** · 28-01-2012 01:59 PM

الحمد لله خلصت الموضوع
اخو مرات وولاد عمها وجواز اخوتها واخواتها البنات جم معايا وطلعنا العفش والموضوع مخدش اكتر من ساعتين والحمد لله الموضوع عدي بالرغم من اني مش فرحات بالشقه ولا حاسس باي سعاده ليها مش عارف ليه
جايز عشان مش الشقه اللي بحلم بيها

المهم الراجل صاحب الشقه كان قالي ان البوتاجاز لازم اجيب شركة صيانكو تركبه عشان غلط اركبه انت وبعدين لقيت اخو مراتي قام مركبه وعمله احتبار بالكبريت كمان

فهل كده قشطه ولا لازم اجيب حد فعلا ؟