الموضوع: البنزين بيخلص بسرعة ؟؟ اية السبب

المشاركة الأصلية كتبت بواسطة me_medoo

انا قعدت أقرى المقالة دي ثلاث مرات ... بس مفهمتش حاجة ... أيه ياعم الكلام الكبير دهو ... ياسيدي ياسيدي . صحيح العلم النور بس لو ممكن تبسطهولنا اكتر من كده ... علشان نقدر نفهمو ونهضمو ... ولك جزيل الشكر والتقدير . وتحياتي

لا مؤاخذة يا أستاذ me_medoo
مش القصد والله, بس هى كده.. من غير تعقيد ولا حاجة..؟؟!!!
وعلى فكرة أنا على قدى خاااااااااالص, بتعلم يعنى.. العلم مالوش آخر, وفيه ناس هنا فـ المنتدى ماشاء الله عليهم.. ادينا بنتعلم.

المشاركة الأصلية كتبت بواسطة l0new0lf

نسبة الانضغاط حاجه و الاوت بوت باور حاجه تانيه خالص

يعنى انت عايز تقولى ان الـCompression Ratio مالهاش علاقة بالـPower Output؟؟؟!! طب أزاااااااااااى.
اذا كانت الـRule of Thumb فـ تصميم وصناعة المواتير بتقولك:
Increasing Compression-Ratio by One point, Increases the Power Output by 2-3%.. أيه الكلام بقى..؟
بس الـLimitation دايما بتبقى انه يخلى الـKnocking مايحصلش, أو يستخدم High-Octane.

نسبة الانضغاط (ابعاد و مقاسات غرفة الحريق) بتتحدد عن طريق عوامل كتير منها الكالوريز اللى المفروض بيطلعها نوع البنزين المعين اللى الموتور اتصمم عليه و ضغط الخليط اللى داخل بيه للموتور

برضه الكلام مش علمى,
يافندم الـFactor رقم 1 فى تحديد نسبة الأنضغاط هو الـPistons وتصميم الـCylinder-Head
دى A-B بتاع الـTuners لما يحبوا يغيروا الـCR.. بيغيروا الـPistons بـHigher أو Lower..؟؟!!!

اللى انت بتتكلم عليه "الرصة" السابقة, دى كلها عن الـThermal Efficiency بتاع الـAir-Fuel Mixture داخل غرف الحريق..

انما باقى الرصه اللى حضرتك اتكلمت عليها مسئوله عن ازاى اقدر أخد اكبر نسبة باور و اقلل الفاقد من اللى ممكن غرفة الحريق توصل له
انما مش بتزود باور
بتقلل الفاقد من الباور اللى بيطلع من غرفة الحريق
افتكر ان الفرق بين الجملتين واضح

هههههههههههههه
تانى, يعنى عايز تقوللى ان تصميم الصبابات والبروفايل بتاع الكامات مش بيأثر على الباور Output..؟؟؟!!!

أمال يعنى تقليل الـintake-Air Temperature/ Charge-Temperature بيبقى كأنك زودت درجة كاملة Octane أزاى؟؟
وبالتالى تقدر تستخدم CR أعلى.. وتطلع باور أعلى.
BTW: دى قاعدة معروفة برضه..
أصل انت كده بتقول ان الـCoated Piston-Heads والصبابات الـSodium-Filled مالهاش لازمة..؟؟؟!!
طب سيبك من دى, المواتير الكورى (هيونداى-كيا) الأقل تكنولوجيا.. لما حطوا VVT وبعديه D-CVVT طلعوا هورسباور زيادة ولا لأ؟؟!!! ولا استهلاك البنزين قل بس. (زى مانت عايز تقول)..!!

لو حضرتك مهندس (أو فـ كلية).. راجع الـOtto Cycle كويس, هتلاقى الحاجات دى Fundamentals...!!

لو المصنع منزل مكنه واحده عاديه و التانيه نفس المكنه بس تربو هتلاقى فى التربو لازم ابعاد غرفة الحريق اكبر (نسبة الانضغاط اقل) تكون مثلا المتسوبيشى منزل ال 4B11 منزله منه مكنتين واحده تربو (9:1) و واحده عاديه (10:1) طب ليه؟؟؟ لأن ببساطه فى الحاله العاديه بيكون الخليط داخل للاسطوانه بضغط مقارب للضغط الجوى انما فى التربو الخليط بيكون داخل للاسطوانه بضغط اعلى و كميه اكتر, فلازم فى المواتير التربو تقلل نسبة الانضغاط عشان فى النهايه (مع ضغط التربو) توصل لنفس نسبة الانضغاط التشغيل الفعليه للمكنه العاديه او قريب منها لأن التربو بيزود نسبة الانضغاط الفعليه عن طريق زياده الكفاءه الحجميه للمكنه

كل ده يتلخص فى:
الـintake-Charge بتبقى داخلة Compressed الى حد ما, فـ مش محتاج أرفع الـCR, بالعكس ممكن نقللها عشان الـDetonation.

لأنك لو بصيت على العربيات القديمه هتلاقى اكبر نسبة انضغاط فى مواتيرها 9:1

لأ معلش,
كان فيه عربيات قديمة (أوروبى وأمريكانى) الـCR بتوصل لـ13:1, بس ده أيام الـHigh-Octane Leaded Fuel
دلوقتى مفيش, فـ بقت الشركات بتحاول ترفع الـCR قدر الأمكان.. قبل نقطة الـdetonation, مع الأخذ فـ الأعتبار الـOctane المتاح..؟؟!!!
ليـــــــــــــــــــــه؟ ؟؟
عشان يطلع Power Output أعلى,
والا ليه كان هيوجع دماغه.. ويعرض الموتور للـknocking..؟!! ما يقلل الـCR وخلاص.