الموضوع: هغير العفشة قريبا

سؤال رخم وغبي شويه يا جماعه بس ارجو حد يفيدني ........................... هيا اصلا ايه مكونات العفشه ؟؟؟؟؟ يا ريت حد يفيدني
سؤالي التاني العربيه اشتريتها من 3 شهور تقريبا والحمد الله ما فيش شكوه من العفشه بس اسمع انه العفشه مفروض تتربط كل فتره عشان المسامير احوارات التانيه اللي فيها بتسيب ؟؟؟ هل الموضوع ده صح ؟؟ طيب اربطها كل اد يه وعند مين ؟؟؟ وبكاااام ؟؟؟ ارجو الافاده

العفشة ببساطة و على حد علمى فى الانوس عبارة عن
1- المقصات و متصلة بجسم العربية عن طريق مسامير بتساعد على حركة المقص فوق و تحت و من الطرف الاخر بيض المقص و دا الى مساك المقص بالمساعد (الركبة)

2- الركبة, و راكب جواها المساعد و من تحت ممسوكة بى المقص و فيها كمان بلى و صرة و الممسوك بيهم الطنابير
و من فوق راكب فيها بارات الطرف الى بدورها ممسوكة بعلبة الدركسيون عن طريق بارات طويلة
و دى الى بتحرك العجل يمين و شمال

3- الميزان و دا عبارة عن عامود حديد واصل بين المقص و عامود اخر اعتقد بيسموة الشمعدان
و دا وظيفة الحفاظ على اتزان العربية بحيث انة بيعمل مقومة فى عكس اتجاة العربية فى الملفات من غيرة العربية هتتقلب

4- السوست و دى وظفتها انها بتشتغل عكس المساعد بمعنى ان المساعد لما بيمتص الصدمة بيقفل السوستة هنا هيا الى بترجعة لوضعة الطبيعى و ايضا بتمتص جزء من الصدمة

5- البطاحات و دى الة موجودة فى صدر العربية يتمنع خروج المساعد من مكانة و بطانة للمساعد لامتصاص صدمات المساعد علشان ميخبطش فى جسم العربية

6- الكوبيات او الاكواز و دة بين المساعد و البطاحة و دى وقاية للبطاحة على ما اعتقد

--------------------

العفشة فعلا بتحتاج تتربط كل فترة و دا بسبب الطرق بتعتنا الى مش محتاجة تعريف
خصوصا الميزان علشان دا من عيوب الانوس انة بيفك على طول و بيسبب صوت خبط
انا بربطها تقريبا كل شهرين

عند اى واحد بتاع عفشة هياخد حسب شطرتك من 10 الى 30 جم
بس يكون فى صحة :)

ارجو انى اكون قدرت افيدك على قد مقدرتى الضايعة فى الشرح :)

الف شكر يا شريف باشا .............. انته فعلا فدتني بشرحك الجامد ده ...... هوا فعلا في صعوبه في الشرح بس فهمت عليك ههههههههههههههه

هوا فعلا يلخبط و لازم يتشرح امام العربية علشان الواحد يتخيل الحاجات ازى وصلة ببعضها

بس على العموم عافشة الانوس من العفشات البسيطة و مش معقدة زى بعض العربيات

اعتقد انت معاك نبيرة و معتقدش ان هيبئا فى اختلاف كبير ان مكنتش هيا هيا مع اختلاف المقاسات

ظن فعلا انه ما فيش اختلاف كبير بين العفشتين بس انا لاحظت حاجه غريبه بينهم
عفشة النوبيرا ناعمه فوووووووووووووق الوصف وفوق كده ما شااااء الله العربيه معايا ثابته على الطريق بس بحس العربيه بتبقى خفيفه شويه على المنحنيات وانا على سرعه عاليه ..... اما الانوس اللي كانت معايا كانت موديل 2005 والعفشه كانت عفشة التوكيل كنت بحسها ناشفه جدا على المطباااات وكانت سبته على الطريق برضه بس مش قووووي زي النوبيرا ........................ تصدق سواقة الانوس وحشتني بس اللي زهقني منها انها كانت هاااف اوبشن ..... وكنت ناوي اجيب لانوس كامله بس لما شفت فرق السعر بينها وبين النوبيرا غيرت رأي للنوبيرا ....... وبصراحه العربيتين بعد ما جربتهم ................. حببوني في الداااايو قووووووووووووووي ..... وشكرا تاني يا اخ شريف

وعلى فكره طريقتك في الشرح مش وهشه قوووي انا كنت بس بهزر معاك ...................... وفهمت قوووووووي منك