أحسن حاجة عملتها A1
عرض للطباعة
أحسن حاجة عملتها A1
اوعوا تركبوا حد فى الشارع متعرفهوش
حصل مع والدى زمان انه ركب واحدة كبيرة ومعاها رضيع على ايدها وقفته وقالتله
و النبى يابنى ودينى المستشفى الفلانية
المهم وهما فى الطريق و فى حته معينة قالتله نزلنى هنا فلما وقف لقى تلات رجالة واحد ركب العربية و طلعه مطواه و التانى حل التسجيل والتالت سرق الاستبن من الشنطة
و كل ده فى عز النهار
وانا من ساعة ما عرفت القصة ديه وانا لو مين وقفنى ما ركبش حد فى العربية معرفوش
و بتحصل كتير الاقى واحد واقف على عكاز على الطريق و بيشاورلى علشان اقفله وانا طبعا عمرى ما هقفله
اه الواحد نفسه يعمل خير بس الزمن مبقاش مضمون و الناس مش لاقية تاكل
منه لله بقا اللى خلى البلد حالها كده
انا من زمان واهلي علموني ماتكلمش حد وانتا ماشي
مثلا كنت اروح الدرس اهلي يوقولوا لي روح وماتكلمش حد ولا حد يكلمك
وكتير جدا ناس يسالوني عن طريق كذا او كذا وانا اقولهم ماعرفش لان عرفت من اصحابي كتير بتكون اخرها السرقة
كنت قبل كدا واقف انا واحد صاحبي ومعانا بتاع 5 او 6 بنتكلم عادي دخل علينا واحد في نص الكلام وسلم علي واحد صاحبنا وكانة يعرفة اوي من زمان واحنا طبعا مانعرفش اذا كان يعرف صاحبنا ده ولا لاء المهم سلم علية بالحضن وبتاع فجاة جري
قولنا لصاحبنا تعرفة قالنا لاء قلنا له امال مالة جري كدا لية بسرعة قال ماعرفش ولسة بيحط ايدو في جيوبة وقال الموباااااايبل كلنا جرينا ورا الواد ونقول حرامي وجبنا الواد واخدنا الموبيل وبلغنا البوليس والواد اضرب وطلع وشة كله دم
صدقني هو ده الصح ........ انا كذا مرة اكون ماشي في شارع مظلم و الاقي واحد طلعلي مش عارف منين و عاوز يسال عن مكان او محل معين و الصراحة ولاد الحرام ما خلوش لولاد الحلال حاجة فعلشان كده لو رديت عليه بيبيقي من بعيد و غالبا باقوله مش عارف علشان اقصر في الكلام و ااخد بعضي و امشي بسرعة..........
مرة كده يوم في عز النهار كنت ماشي في شارع و كان الشارع هادي اوي طلعلي واحد وشه باين عليه انه سوابق قالي عاوز جنيه علشان يروح ....... طبعا الجنيه مش مشكلة بس توقع السيء انه ممكن وانا بطلعله الجنيه يطلعلي مطواة ويثبتني بيها .......... رحت رادد عليه من بعيد شوية و عملت نفسي اني بدور في جيوبي و قلتله للاسف نسيت الفلوس في البيت و خدت بعضي و مشيت بسرعة
للاسف الشوارع ما بقاش فيها امان خالص علشان كده مش باشيل معايا فلوس كتير و يوم ما باخرج بالليل ما باخدش موبايلي الغالي معايا باخد موبايلي القديم اللي مابقاش يساوي حاجة دلوقتي
thegoodhacker
تمام كدا في ناس بتاخد معااها المحفظة كلها وخبطة واحدة هوب مش هتلاقي ولا مليم معاك ..