بمناسبة معرض الكتاب 24\1 - 6\2 .. ايه الكتب اللي قرأتها و عجبتك او ناوي تجيبها ؟

بسم الله الرحمن الرحيم
السلام عليكم و رحمة الله و بركاته

بمناسبة افتتاح معرض الكتاب في الفترة من 24\1 الي 6\2 ان شاء الله

عايزين كل واحد يقول احلي الكتب اللي قراها في اي مجال و نبذة عنه
و ينصح الناس باي كتب يقرأوها
عشان الناس اللي محتاريين يجيبوا ايه ممكن ندلهم و يدوروا في المعرض
حتي لو حاجة طريفة مش لازم حاجة تقيلة اي كتب قريتوها تقولوا عليها
او كتب ناويين تجيبوها

انا بالنسبة ليا عامة
مجالات التاريخ و العلوم و كتب القانون متنسوش اني حقوق :grrrr:
و طبعا مننساش ميكي و رجل المستحيل و ما وراء الطبيعة دول اهم حاجة :colsmil: ههههههههههههه


و بالمناسبة في المعرض القاعات بتبقي زاخرة بكم من الكتب يحول الواحد ميبقاش عارف يجيب ايه و لا ايه و ممكن تمشي متشتريش حاجة من كتر الحيرة :36_1_8[1]: لدرجة اني بقول عايز انزل بــ50 الف جنيه بس يا رب يكفوا :_Alshmokh11:
و فيه منطقة مخصصة للكتب القديمة اي كتاب بجنيه و ساعات مجموعة كتب بـ10 جنيه برده اللي يدور هيلاقي كنوز مستخبية وسط الكومة ديه

بالمناسبة نهضة مصر عامة شوية عروض للعايز
http://www.nahdetmisr.com/nahdetmisr/default.aspx

في انتظار تفاعلكم جميعا

مبحبش القراءه للاسف

لكن بنزل اجيب كتب طبية وبخلع


في كتب اعرف انها ممتازة

الرجال من المريخ والنساء من الزهرة

لا تحزن للشيخ عائض القرني

العادات السبع لستيفن كوفي

غير كده معنديش فكره

اقتباس:

---

المشاركة الأصلية كتبت بواسطة hm414

مبحبش القراءه للاسف

لكن بنزل اجيب كتب طبية وبخلع


في كتب اعرف انها ممتازة

الرجال من المريخ والنساء من الزهرة

لا تحزن للشيخ عائض القرني

العادات السبع لستيفن كوفي

غير كده معنديش فكره

---

تمام يا باشا و شكرا لأنك اول من تفاعل و شاركنا بالرغم انها مش هوايتك
و فيه قاعة جنب مكتبة مدبولي تقريبا بتبقي مليانة كتب طبية اشكال و الوان في كل قسم :)

بفكر انزل بكرة لو عرفت

احمد خالد توفيق وعلاء الاسوانى وميكى من الازبكيه وروايه فورتيجو لما انزل ان شاء الله

اقتباس:

---

المشاركة الأصلية كتبت بواسطة A.Saad

بفكر انزل بكرة لو عرفت

---

و انا و الله و كان ممكن اشوف حضرتك هنا بس للأسف بكرة مش فاضي و يوم الاحد هودعكم مؤقتا هههههههه عسكرية :_Alshmokh11: و المعرض هيقفل 6-2 ان شاء الله اتمني يمدوه

اقتباس:

---

المشاركة الأصلية كتبت بواسطة mazagngi2010

احمد خالد توفيق وعلاء الاسوانى وميكى من الازبكيه وروايه فورتيجو لما انزل ان شاء الله

---

احمد خالد توفيق كتبه حلوة فعلا يا ريت تقولنا لو نزله جديد
و طبعا ميكي غني عن التعرف كلنا قراء لميكي هههههههه

عاوز اشترى كتب تاريخيه
اجيب منين؟

دار الشروق ومؤسسة الاهرام والاخبار

اقتباس:

---

المشاركة الأصلية كتبت بواسطة axel

و انا و الله و كان ممكن اشوف حضرتك هنا بس للأسف بكرة مش فاضي و يوم الاحد هودعكم مؤقتا هههههههه عسكرية :_alshmokh11: و المعرض هيقفل 6-2 ان شاء الله اتمني يمدوه

---

ابعت لى رقمك يا غالى
لو هاروح هاكلمك
بس مش هيكون قبل 6 والمشكلة ان السرايات بتقفل 7

اقتباس:

---

المشاركة الأصلية كتبت بواسطة a.saad

ابعت لى رقمك يا غالى
لو هاروح هاكلمك
بس مش هيكون قبل 6 والمشكلة ان السرايات بتقفل 7

---

ليك رسالة ع الخاص يا ريس

لم يرد شيء حتى ساعته

تصدق معرفش اصلا ان معرض الكتاب اشتغل

عموماً انا اي معلومه عايزها باجبها من النت .. يعني مش محتاج كتب

فعايز اعرف .. ايه الجديد او ايه اللي في المعرض غير الكتب ..

اقتباس:

---

المشاركة الأصلية كتبت بواسطة dreamo

تصدق معرفش اصلا ان معرض الكتاب اشتغل

عموماً انا اي معلومه عايزها باجبها من النت .. يعني مش محتاج كتب

فعايز اعرف .. ايه الجديد او ايه اللي في المعرض غير الكتب ..

---

ده اكيد يا باشا ان اي معلومة نقدر نجيبها من ع النت
لكن القراءة من الكتب ديه متعة لوحدها
بالاضافة ان فيه كتب مش هتلاقيها ع النت :)
و عامة المعرض بيكون فيه سيديهات او عروض ع موسوعات يعني انزل و شوف بنفسك :)

ياريت لو نزلت حاجة لاحمد خالد توفيق بالنسبة للى راح المعرض ياريت يعرفنا

لقيت كتب حلوة اوي
كتاب بيحكي عن اردوغان وكتاب تاني بيحكي عن مهاتير محمد وكان نفسي اشتريهم
وقريت كتاب قديم بس شدني جدا اسمه تاريخ الاغتيالات وبيحكي عن عمليات الاغتيالات اللي حصلت لكل الشخصيات المهمة في القرن الماضي
وكتاب عن علامات الساعة وظهور الامام المهدي المنتظر
وكتب كتير بس الدورة دي معجبتنيش زي المرة اللي فاتت
وعايز اقولك حاجة يااكسل .. ال50 جنيه مش هتكفي حاجة ياصحبي :))

اقتباس:

---

المشاركة الأصلية كتبت بواسطة greenday

ياريت لو نزلت حاجة لاحمد خالد توفيق بالنسبة للى راح المعرض ياريت يعرفنا

---

و اضم صوتي لصوتك :)
لأني لسه هنزل ان شاء الله كمان يومين

اقتباس:

---

المشاركة الأصلية كتبت بواسطة eng f3lix

لقيت كتب حلوة اوي
كتاب بيحكي عن اردوغان وكتاب تاني بيحكي عن مهاتير محمد وكان نفسي اشتريهم
وقريت كتاب قديم بس شدني جدا اسمه تاريخ الاغتيالات وبيحكي عن عمليات الاغتيالات اللي حصلت لكل الشخصيات المهمة في القرن الماضي
وكتاب عن علامات الساعة وظهور الامام المهدي المنتظر
وكتب كتير بس الدورة دي معجبتنيش زي المرة اللي فاتت
وعايز اقولك حاجة يااكسل .. ال50 جنيه مش هتكفي حاجة ياصحبي :))

---

هههههههههههه يا ريس 50 جنيه مين ده انا بقول 50 الف مش هيكفوا
ده فيه كتاب لقيته في مكتبة مدبولي تقريبا الدورة الاخيرة لوحده معدي الــ500
قولت لنفسي بطل قلة ادب عشان تجيب ميكي و رجل المستحيل و ما وراء الطبيعة انا ليسانس حقوق اه بس عيل اوي ههههههههههه
و فيه حتة كتاب بقي هقولك عليه جامد برده اسمه فن الحرب لكاتب اسمه سون تزو
و فيه منه نسختين واحدة صغيرة و لا يحتوي ع الــ36 حيلة و التاني لونه احمر و فيه الــ36 حيلة مكتوبة ع الغلاف برة هيعجبكم اوي سيبكم من الأولاني و جيب التاني و مترجم طبعا و ديه صورته

http://www.neelwafurat.com/images/eg...127/127528.gif

و احلي حاجة انه جايب امثال لغزوات الرسول صلي الله عليه و سلم و المعارك وقت الفتوحات الاسلامية و من بعدها زي موقعة حطين و عين جالوت ..ألخ....الخ

و سعره ع ما اتذكر لما جيبته كان 10-12 جنيه

اشتريت مجموعة من كتب التعريف بالإسلام باللغة الإنجايزية..اصلي بدرس في ال britsh coucil فقولت بدال ما اقرأ في حوارات هبة وسمير اقرأ في حاجة استفيد منها مرتين 2ْx1 يعني
وده منهم تمنه 20ج بس من الدار العالمية للكتاب الإسلامي في الجناح السعودي وفيه كتب كتير مترجمة للغات اخري في السيرة والفقه والعقيدة والتفسير وفنون اخري .

https://fbcdn-sphotos-a.akamaihd.net...20380863_n.jpg

كتب السياسة هى الطاغية جدا هذا العام

مجموعة كتب سيد القمني

عندي شوية لا بأس بهم بس مش لاقي "رب الزمان" :/

احمد خالد توفيق نزل كتاب عن بنت عندها الحاسة السادسة قصة جامدة جدا

و انا قريت فن الحرب بجد تحففففة انا قريته من زمان انصح بجد الناس بيه الاسلوب بتاع sun tzu ده الماشية بيه الصين حاليا اقتصاديا

اقتباس:

---

المشاركة الأصلية كتبت بواسطة محمد محمد

اشتريت مجموعة من كتب التعريف بالإسلام باللغة الإنجايزية..اصلي بدرس في ال britsh coucil فقولت بدال ما اقرأ في حوارات هبة وسمير اقرأ في حاجة استفيد منها مرتين 2ْx1 يعني
وده منهم تمنه 20ج بس من الدار العالمية للكتاب الإسلامي في الجناح السعودي وفيه كتب كتير مترجمة للغات اخري في السيرة والفقه والعقيدة والتفسير وفنون اخري .

https://fbcdn-sphotos-a.akamaihd.net...20380863_n.jpg

---

شئ جميل انك تستغل لغتك في الكتب الدينية و هيكون عندك قدرة ع التحاور اكتر و المناقشات الدينية بلغة اخري

اقتباس:

---

المشاركة الأصلية كتبت بواسطة a.saad

كتب السياسة هى الطاغية جدا هذا العام

---

فعلا اصدقائي بيقولولي الكتب السياسية و العسكرية منتشرة في المعرض

اقتباس:

---

المشاركة الأصلية كتبت بواسطة DISCOVER

مجموعة كتب سيد القمني

عندي شوية لا بأس بهم بس مش لاقي "رب الزمان" :/

---

تمام يا ريس

اقتباس:

---

المشاركة الأصلية كتبت بواسطة askanas

احمد خالد توفيق نزل كتاب عن بنت عندها الحاسة السادسة قصة جامدة جدا

و انا قريت فن الحرب بجد تحففففة انا قريته من زمان انصح بجد الناس بيه الاسلوب بتاع sun tzu ده الماشية بيه الصين حاليا اقتصاديا

---

طب تمام ان شاء االله هنزل ادور عليه

و ايه رأيك في فن الحرب اظن كتاب رهيب بالرغم ان شكله بسيط و لا يدل ان فيه اي معلومات قيمة و رخيص
لكن يعتبر فعلا كنز

طيب مفيش كتاب شيق كده يجماعة فى معلومات عامة ومدن وقصص واقعية كده حاجة نقراها يعنى وانا فى كتاب كنت قريته اسمه استمتع بحايتك كان جامد جدا واستفدت منه

أنا رحت المعرض بالأمس بعد الشغل بس الوقت كان قصير اشتريت كذا كتاب:
كليلة ودمنة للأولاد 25 جنية.

العادات السبع للناس الأكثر فاعلية ؟( ستيفن آرز كوفي ) , كتاب ممتاز للغاية وانصح بية جداً انا كنت اخذت الكورس بتاعة لكن لقيت الكتاب موجود نسخة عربي , موضوعه عن كيفية تغيير الشخصية وتغيير نمط حياتك للاحسن سواء على المستوي الشخصي أو العملي 70 جنية.

الأيام الأخيرة لنظام مبارك 18 يوم 40 جنية.

كتب لـ أنيس منصور ( الذين عادو من السماء - الذين هبطوا من السماء - أرواح و أشباح ) 15 جنية لكل كتاب.

فاتني انني اشتري كتب من المعرض السنادي
مفيش مكتبه الكترونيه الاقي فيها حاجات كتير ؟