ألف ألف شكر يا أستاذ محمد ... بس مش الفيرنا فيفا دي برضة تتبع هيونداي غبور؟
عرض للطباعة
ألف ألف شكر يا أستاذ محمد ... بس مش الفيرنا فيفا دي برضة تتبع هيونداي غبور؟
اه :)
اي هيونداي تبعه
يعني برضة هاتروح توكيلة؟ ويمكن تعاني من نفس اللي بيعاني منه الفيرناوية؟ وانا في رأي الفيرنا أحدث وافضل شكلا من الفيفا ... وسعرها معقول وأظنها أيضا أحدث (تكنولوجي ) من الانوس مـــــــــــــــــــــــش كــــــــــــــدة:scooter:
لا شكر على واجب احنا كلنا هنا اخوات وبنحاول نفيد بعض ونحمى بعض بقدر الامكان من الناس الى معندهمش ضمير زمان كانوا اصحاب الورش والصنايعيه اليوم بقوا اصحاب التوكيلات والباشمهندسين بتوعهم وربنا يستورها ..............
شوف بقى يا باشا مفيش حاجه اسمها توكيل حلو وتوكيل وحش انا بقول لحضرتك اعتبرهم كلهم زى الزفت من الان .... ليه ؟
لان غبور اول ما بدا التوكيل كان 100% وكمان كان كل مصر بتغنيله وفضل كده شويه ثم بقى على الحال الى حضرتك شايفه وسامعه هنا وفى كل مكان فى مصر ............
معنى كلامى انه اى توكيل لوكان الان 100% اكيد بكره هيبقه زى غبور ومنصور وغيرهم
وده لان هيه ديه القاعده فى مصر (سلو بلدنا كده !)
وطبعا مش ممكن هتلاقى توكيل يفضل 100% علطول وده لعم وجود رقابه حقيقيه او قوانين حماية مستهلك مفعله وصارمه علشان كده متتعبش نفسك كتير وتدور على حاجه مش موجوده اصلا ولما تحب تشترى سياره اشترى السياره الى سمعتها جيده وقطع غيارها متوفره ورخيصه وانسى المقارنه بتاعت التوكيل علشان ميدحكش عليك
لو عايز تتكلم عن التوكيلات المحترمه والى هتفضل محترمه يبقى بقى اتكلم على العربيات الغاليه الى فوق ال150الف لكن الكورى او الموديلات الى ارخص من كده فديه اسمها سيارات شعبيه يعنى حلال يعملوا فى صحابها اى حاجه وكل حاجه ومفيش حد هيعملهم حاجه.......مش بقولك سلو بلدنا كده
على العموم انا شايف الفيفا بتحقق المعادله سعر مناسب / مستورده / شكلها حلو جدا خاصة من الامام / كابينه شيك / قطع غيار رخيصه / سحب رائع / اوبشن عالى.. وغيرها حجات تانيه كتير... واهم حاجه انها مش هتخليك تروح التوكيل خالص الا فى الصيانات فقط
ارجو ان اكون افدتك وتحياتى
م / محمد السيد
بص يا باشا حكاية العربيات كويسة جدا ووحشه جدا دي عملية نسبية وقدرات مادية
واللي يناسبك ممكن لا يناسب غيرك والعكس صحيح.:no:
وانا شايف في حدود قدراتك المادية انك تشوف تجيب ايه بالمبلغ ده من عربيات وتستخير ربنا ....واللي ربنا يهديك ليه اعمله لانك لو قعدت من هنا للسنة الجاية محدش هايجمع على عربية هي الافضل على الاطلاق
وثانيا فكر كثيرا في الشراء ومتستعجلش المهم ربنا يهديك لما هو خير لك
طيب اقترح تشوف الافيو , على الاقل لانوس جديد
ب 71900 جنيه !
م/ عمرو
حقيقى معاه حق فى الكلام اللى قاله
العربيه منهاش قلق خالص وجميله وعفشتها ناعمه وقويه وثبات حلو
بس عيبها التوكيل النيله
اهمال فظيع خلى الناس بتطفش منه
انما كل الناس بتقولى لما اشتريت العربيه
اهم حاجه صيانه الالف وبعدين انت برحتك اعمل اللى انت عايزة
لو مش عايز تروح التوكيل تانى بمزاجك لان كل الميكانيكيه عرفنها حته حته
يعنى مش لسه هيبتكر فى العربيه او يكتشفها
توكل على الله وهتالك واحده
وانا الحمد لله جبنا واحده وشغاله زى الفل وربنا يديمها نعمه
نصيحة قولتها و باقولها و هافضل اقولها..
انت شاري عربية زيرو.. يبقي دافع تمن صياناتها و ضمانها في التوكيل..
في ضمن سعرها..
يبقي مترميش فلوسك دي في الارض و تاخد حقك بيها..
يا اما لو عايز تجيب عربية و مش عايز تروح التوكيل.. اشتريها من غير ضمان..
هتبقي ارخص و هتعمل صياناتها مطرح ما تحب..
وبما ان الهيونداي مفيش منها خليجي ولا من غير ضمان.. (الله اعلم.. يمكن في وانا ماعرفش..)
يبقي تشوف ماركة تانية.. زي الكيا مثلا..
هي نفس الهيونداي بالظبط.. لأنهم نفس الشركة الام.. عشان هيونداي مالكة للكيا..
بس الفرق توكيل محترم بجد.. و توكيل بيبيع العملا بتوعه في اول صيانة..
خلو بالكم و احسبوها كويس..
انا متعاملتش مع تزكيل هيونداى قبل كده بس بيقولو انه زى الزفت ومش كل التوكيلات زى بعض مش معنى انك زحمه تبقى تنصب على الناس بس العربيه مسمعتش عن حد اشتكى منها غير انها ضيقه جدا من ورا و واطيه شويه ولو مش عاوز تجيب فيرنا عند اللانوس عربيه كويسه واوسع من الفيرنا