دفتر توفير البريد!!

**Islam_galal** · 29-05-2008 03:43 PM

المشاركة الأصلية كتبت بواسطة tears

بلاش يا جماعه حد يذكر الربا بلاش كل واحد مقتنع برايه وكل واحد مننا عنده تفكيره الى بيعرفه الحلال من الحرام بلاش نتكلم فى الموضوع ده

أنا رديت علي الموضوع و لم أنصح أحد بشئ و إنما ذكرت حقيقة للعلم و التذكرة
سيادتك مش من حقك تعترض لأن المواضيع دي مفيهاش اقتناع و لا كل واحد عنده تفكيرة
( وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًاأَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضلالا مُّبِينًا ).

إذا كنت مسلم فاتق الله و لاترد و تبين لان ما قلته يسمي الفحش في القول
و ان كنت غير مسلم فليس لك أن تقول ما قلت لأن المعلومة بالتأكيد لا تخصك

يا جماعه نتقي الله شوية يا نقرأ في كتاب الله و نفهم يا نسكت

**NaderNabil** · 29-05-2008 03:47 PM

ايه يا جماعة!!!! الموضوع مش مستاهل!!!!

و انا أصلا ماطلبتش حد يتكلم في الموضوع ده في سؤالي...ليه الناس بتتكلم في حاجات خارج الموضوع!!!!

كل اللي سألته كان عن تجارب الناس في دفتر توفير البريد و لم أسأل في أي شئ اخر!

شكرا لكل من ساهم بالرد في صلب الموضوع:)

**Islam_galal** · 29-05-2008 03:49 PM

للأسف يا نادر في ناس بتتلذذ بحرق دم بعض
أعتذر عن الخروج عن صلب الموضوع بس بصراحة أفقدني اعصابي

**NaderNabil** · 29-05-2008 03:49 PM

المشاركة الأصلية كتبت بواسطة ehab08

بس لما فائدة البنك بتنزل الفائدة فى البوسطه برضه بتنزل

هيه فعلا كانت 10.5% من شهر و نزلت ل 9.5% بس في جميع الأحوال أحسن من البنك

**M_HaFeZ** · 29-05-2008 03:59 PM

أبو عبدالله ربنا يبارك لك ويبارك فيك
إسلام نبيل انا بقرأ الموضوع ده وباشوف مين هيذكر الجزئيه اللى انت اول واحد قولتها
ربنا يبارك فيكم جميعا

**solycar** · 29-05-2008 04:16 PM

طب ازاى انتوا عاوزين تسالوا الناس ف حاجة عليها اختلاف (حرام ولا حلال)

اقل واجب نتكلم عشان الناس المشوشة تعرف فلوس الفايدة حلال ام حرام

اعتقد ان الموضوع دة هيكون كده افيد من الكلام ف انك تحط فلوسك ف البوسطة ولا البنك

**NaderNabil** · 29-05-2008 04:19 PM

المشاركة الأصلية كتبت بواسطة solycar

طب ازاى انتوا عاوزين تسالوا الناس ف حاجة عليها اختلاف (حرام ولا حلال)

اقل واجب نتكلم عشان الناس المشوشة تعرف فلوس الفايدة حلال ام حرام

اعتقد ان الموضوع دة هيكون كده افيد من الكلام ف انك تحط فلوسك ف البوسطة ولا البنك

ما هو السؤال اللي انا سأله يخصني...و انا اعرف ايه اللي يفدني و مايفدنيش...

لو عندك معلومة في الموضوع يبقي شكرا...لو معندكش يبقي ملهوش لازمة الكلام :)

**alaa_dash** · 29-05-2008 04:30 PM

نادر باشا ....فيه دفتر توفير للبريد يستثمر المال في البورصة ...و ده بيبقى له فوايد 10% حد ادنى + المكاسب التي تتحقق من خلال البورصة و ممكن توصل لـ 30%
هيه ليا مشكلة صغيرة انك مش مسموح اك تسحب المبلغ قبل مرور 5 سنوات على ايداعها ..بس من الممكن انك تسحب الارباح اسبوعيا على ما اتذكر ...
بس في المقابل مضمون لك ابراح 10% كحد ادنى من الحكومة المصرية ..
سمعت عنها ديه.؟

**Ghamrawy** · 29-05-2008 04:31 PM

المشاركة الأصلية كتبت بواسطة Islam_galal

البوسطة نظام عقيم بس بدأ يتحسن و خصوصا ان بنوك كتير دلوقتي بقت معاملاتها متفرقش كتير عن البوسطة

أنا عن نفسي لا أتعامل مع البوسطة لإعتقادي التام أن نظامها نظام ربوي ( حرام)

حضرتك تعرف صناديق الاستثمار بالبورصة ؟
يا ريت اعرف رايك فى الموضوع ده
و شكرا

**NaderNabil** · 29-05-2008 04:32 PM

المشاركة الأصلية كتبت بواسطة alaa_dash

نادر باشا ....فيه دفتر توفير للبريد يستثمر المال في البورصة ...و ده بيبقى له فوايد 10% حد ادنى + المكاسب التي تتحقق من خلال البورصة و ممكن توصل لـ 30%
هيه ليا مشكلة صغيرة انك مش مسموح اك تسحب المبلغ قبل مرور 5 سنوات على ايداعها ..بس من الممكن انك تسحب الارباح اسبوعيا على ما اتذكر ...
بس في المقابل مضمون لك ابراح 10% كحد ادنى من الحكومة المصرية ..
سمعت عنها ديه.؟

Intresting:)

حلو الموضوع ده قوي....بس هل فيه مخاطر ان الفلوس تضيع؟؟؟يعني هل هايضمنلي ان فلوسي ماتروحش في شربة مياه؟؟؟

و سؤال تاني...ايه أقل مبلغ افتح بيه الحساب؟

الموضوع: دفتر توفير البريد!!

LinkBack

أدوات الموضوع

عرض

-

-

-

-

-

المواضيع المتشابهه

“335 ألف جنيه” في دفتر توفير «متسوّل» مات على رصيف بالقليوبية

فوائد دفتر توفير البريد

استفسار بخصوص دفتر توفير / شهادات استثمار لابناءنا الصغار ؟

ايداع الاموال فى دفتر توفير البريد المصرى؟؟

دفتر استثمار البريد

الكلمات الدلالية لهذا الموضوع

المفضلات

المفضلات

ضوابط المشاركة