الموضوع: دفتر توفير البريد!!

ميزة البوسطه ممكن تسحب فى أى وقت وتودع فى اى وقت بس لما فائدة البنك بتنزل الفائدة فى البوسطه برضه بتنزل
لكن فى الشهادات القيمه بتفضل ثابته طوال مدة الشهاده
لو معاك مبلغ كبير ومش محتاجه يعنى ممكن تستغنى عنه لمدة 3 سنوات تعمل شهادة بلاتينيه فى البنك الأهلى المصرى أو بنك مصر والعائد بتاعها 10.5% فى السنه
الكلام ده من 1/5/2008
مثلا:
معاك مائة ألف 100000
العائد السنوى 10500
العائد يصرف كل 3 شهور يعنى 2625
أرجو أن أكون قد أفدتك

نسيت أقولك حاجه عن الشهادات أنك ما تقدرش تسحبها قبل مرور 6 شهور
وبعد كده لو حبيت تسحبها قبل 3 سنوات حيتخصم الفرق بين 10.5% والفائده السائده فى وقت السحب من قيمة الشهاده

البوسطة مشكلتها انك لو حتسحب مبلغ كبير ممكن يقول لك المبلغ مش متوافر الان

بلاش يا جماعه حد يذكر الربا بلاش كل واحد مقتنع برايه وكل واحد مننا عنده تفكيره الى بيعرفه الحلال من الحرام بلاش نتكلم فى الموضوع ده

المشاركة الأصلية كتبت بواسطة tears

بلاش يا جماعه حد يذكر الربا بلاش كل واحد مقتنع برايه وكل واحد مننا عنده تفكيره الى بيعرفه الحلال من الحرام بلاش نتكلم فى الموضوع ده

انا هرد على حضرتك من كلامك انت

دلوقتي حضرتك قولت كل واحد مقتنع برايه وكل واحد عنده تفكيره

طيب ليه حضرتك معترض على راي واحد مقتنع بكلامه وبيقوله
ما هو لو حضرتك مش عاوزه يقول كلامه ورايه
يبقى حضرتك من باب اولى انك متقولشي كمان رايك
مش كده ولا ايه

وبعدين مسألة الحلال والحرام
فده ليس راي شخص او وجهة نظر قابلة للصحة والخطأ
وانما اجماع من كبار العلماء والمشايخ
وديننا بيدعو الى الامر بالمعروف والنهي عن المنكر والدين النصيحة
فمش معقول عاوزني ابقى انا عارف ان ده ربا خصوصا انه من الكبائر
ومش عاوزني اقول حاجه زي كده
فميش حاجه في الدين بتقول كده
انا انصح واقول
صحيح محدش يقدر يلزم احد بشئ ولكن ده شئ بينك وبين ربك ولكن انا برضه بيني وبين ربي اني ابين الحق من الباطل ولا يوجد لأحد سلطة ان يمنع احد من قول الحق او نقله
ولما بنقول حرام فاحنا مش بنقول راينا ولا وجهة نظرنا
والمشايخ والعلماء كذلك وانما الموضوع محسوم من ايام الرسول ان ده ربا ومن يعلم ما هو الربا الذي كان ايام رسول الله صلى الله عليه وسلم فسيعلم يقينا انه كل هذا هو من الربا وليس هناك ادنى شك ولكن دي سنة ربنا في كونه ان يكون للحق محاربين وان يكون للباطل مؤيدين
فأيام رسول الله صلى الله عليه وسلم قالوا انما البيع مثل الربا
حاولوا برضه يلفوا بالقضية للتضليل

وشكرا

وان كنت لا تقبل كلام الاخر فلماذا تريده ان يقبل كلامك

قال الله تعالي ,,
بِسْمِ اللَّهِ الرَّحْمَنِ الرَّحِيمِ
(وذَكِّرْ فَإنَّ الذِّكْرَى تَنفَعُ المُؤْمِنِينَ)