مش بعرف أتعامل مع الصنايعية...!!
الســـلام عليكم ...
بإختصار .. مش بعرف أتعامل مع البنى آدم الصنايعى .. بكون حاسس ان اللى عمله مش مظبوط او مش كفاية .. وبتحرج اقوله شغلك وحش .. ولما بيطلب فلوس مش برضا أفاصل عشان لما يطلع فى شغله عيب أرجعله تانى عشان يصلح غلطه .. بس لما بيطلع شغله غلط انا بأرف منه ومش برجعله تانى .. وده بيحصل معايا على طوووووول .. وخصوصا فى المكنة والعفشة.
خبرتى فى العربيات مش كبيرة خالص .. ضعيفة جداا .. بس مفيش مرة روحت صلحت العربية والعيب اللى صلحته نسيته .. لازم العيب أعمله مرة واتنين وتلاتة .. عشان الاسباب اللى فوق .
انا من المنصورة .. حاسس ان كل الصنايعية اللى فى البلد عندى معندهمش ضمير .. أو انا اللى بروح للناس الوحشة .. او فلوسى انا بأه اللى حرام ..!!!
ايه الحل فى الكلام الكتير ده .. أفيدونى بالله عليكم ؟؟؟؟