الموضوع: $$ إحسب قسط عربيتك الصني الجديدة بنفسك بكل سهولة $$

المشاركة الأصلية كتبت بواسطة bayoumisoft

هو عرض كويس , بس انا واحد صاحبى لسة شارى نيسان صنى .

ومخنوق من كذا حاجة فى العربية. استهلاك البنزين الرهيب . وصوت الموتور العالى

والكراسى الغير مريحة بالمرة . وتقفيل مصرى مش كويس

هو كان معاه اوبترا وكان بيقارن بينهم

بس فى نفس الوقت النيسان فيها حاجات كويسة .
عربية تقيلة على الطريق . مش خفيفة زى الحاجات الكورى.
وفرامل محترمة مش زى الكورى.

اهلا بيك يافندم .. بس ياريت تقول لصاحبك على منتدى نايل موتورز وقسم نيسان اللى فيه وتدعوه يدخل يقلب فى المواضيع بتاعة القسم هيلاقى الاتى:
1. تقرير استثنائى عن استهلاك البنزين للصنى على مدار سنة ونصف (مانيوال) و(اتوماتيك) بالاضافة على موضوع شارك فيه كل الاعضاء اللى بيعملوا اكثر من 180 كم / الصفيحة ... يعنى مفيش مشكلة بنزين ولا دياولوه
2. تقارير عن تركيب عازل فى ارضية العربية والابواب عند جينز كار بمبلغ معقول وتعديل فوم الكراسى كمان عشان موضوع الراحة وعزل الصوت داخل الصنى.
3. تقارير كتير جدااااااااا عن صيانات دورية فى اغلب مراكز خدمة نيسان بتفاصيل الفاتورة وكل حاجة قبل وبعد فى (مودرن - السبع - اوتوايجيبت - .. الخ)
4. مواضيع لا حصر لها سواء عن قطع الغيار الاصلية او المضروبة او الاستيراد واماكن بيعها واسعارها والاكسسوارات ومشاكل واعطال ميكانيكية وحلها ومشاركات اجتماعية ومقابلات وهدايا وجوايز وعروض وخصومات و.... الخ
يعنى الافضل له ولحضرتك قبل طرح اى تساؤل القراءة المتأنية للمواضيع المميزة والمثبتة والموجودة فى الفهرس وانا متأكد انه مش هتلاقى سؤال لحضرتك مالوش اجابة ..