ربنا يباركلك فيها و شكرا لمجهودك:)
عرض للطباعة
ربنا يباركلك فيها و شكرا لمجهودك:)
مبروووووووك عليك ...
وشكرا لمجهوداتك
بس لو ممكن نتعبك شويتين و تكملنا التقيم من حيث
استهلاك النزين تقريبا قد ايه
نظام التعليق و العفشة مريحة ولا ناشفة
ثبات العربية لما بتجري بيها ايه .. حاسس انها ثابتة على الارض ولا خفيفة (عشان العربية عالية شووية )
و حضرتك سايق حاسس انك ملم بابعاد العربية يعني مثلا بتشوف حدود الكبوت ؟
وربنا يابركلك فيها يا ااااااااارب
و عقبالي لما احصل حضرتك قريب .. ادعلي
شكرا يا باشا على التعليق و فى انتظار الباقى و جزاك الله الف خير
انطباعاتي عن القياده ..
اولا .. صوت الموتور هادي جدا .. او نقدر نقول ان العزل جوه العربيه حلو اوي .. يعني مبسمعش صوت لموتور عموما .. بس من بره مش قادر لسه احدد ان كان هادي او طبيعي .. محتاج اقارن بعربيه تانيه .. عموما هجرب و اقولكم ..
العربيه ما شاء الله مريحه جدا في القياده .. الدواسات التلاته – البنزبن و الفرامل و الدبرياج – مريحين جدا .. و حساسين اوي .. يعني مش محتاج تدوس جامد عشان تبتدي تحس بالتأثير – او زي ما شوفتها في المنتدي هنا مش محتاج تقطع مشاويير طويله –
الفتيس ممكن نقول عليه ناشف شويه .. بس مش لدرجه مزعجه .. و يمكن عشان لسه جديد .. بس عموما عمليه النقل بين السرعات عاديه – بالنسبالي التحكم احسن مثلا من الفيرنا –
اللوجان عربيه عاليه اوي .. اعلي طبعا من الاخوات الحلوين اللانوس و الفيرنا و الافيو .. محسيتش باي مشكله مع المطبات و ده بصراحه شيء هايل في ظل حاله شوارعنا العظيمه .. و بعدين فعلا و انت واقف جنب باقي العربيات بتحس انك اعلي شويه ..
برغم موضوع العلو ده .. العربيه متزنه جدا .. انا قطعت بيها مشوار في الويك اند اللي فات حوالي 90 رايح و زيهم راجع .. صحيح اني عشان لتليين برضه مكنتش بمشي علي سرعات عاليه و بحاول بقدر الامكان مقرصش علي العربيه .. بس انا حسيت علي الطريق السريع بانها متزنه .. انا صحيح معدش ال 100 بس في المجمل اتزانها مقارنه بالفيرنا مثلا عند نفس السرعه يعتبر هايل .. عموما هانت .. لما اخلص التليين هرجع تاني للنقطه ديه ..
فاصل و نرجع نكمل .. :)
أحلى حاجة انك موضوعى فى كلامك، بجد بجد شكرا على أسلوبك الجميل و ربنا يكتر من أمثالك
ربنا يباركللك فيها والف شكر على التقييم
ربنا يباركلك فيها و مستنين الباقي.......
تقييم جميل و مشجع جدا
والعربية انا ملاحظ انها بتنتشر في الشارع بسرعة كبيرة
ربنا يطمنك زى ما طمنتنى ويباركلك فيها ان شاء الله
بس ياريت نعرف تقيمك من حيث استهلاكها للبنزين