اضحك مع الشرطة .. تركن عمودي تتكلبش تركن صف تاني العربية تتغسل :d

السلام عليكم يا اهالي المنتدى الكرام

موقف شفته من يومين كدا بس مالحقتش احكيهلكم بس قلت لازمن حتمن ولابد اقولكم عليه لأنها كانت حاجة مسخرة جدا جدا بصراحة

كنت في مشوار من يومين كدا في الدقي في برج ساريدار الطبي اللي في شارع التحرير للي عارفين المبنى دا فا الركنة قدامه دائما و ابدا عمودي و نادرا جدا ما الناس بتركن قدامه موازي للرصيف و حتى لو دا حصل بيبقى في صف تاني و تالت و ازمة كبيرة في الركنة دايما عند المبنى دا

المهم الناس كانت راكنة عمودي كالعادة عادي جدا و جه الونش و فيه الباشا الظابط و قام مكلبش كل العربيات اللي راكنة عمودي قدام المبنى و قدام شوية المبنى اللي بعدو علطول اللي فيه بنك ال cib العربيات راكنة موازي بكل ادب و احترام و ابص الاقي عربية لانوس واقفة صف تاني و قدامها باتنين تلاتة متر بالظبط البوكس اللي قاعد فيه الباشا الضابط اللي بيحصل قيمة المخالفة بتاعة اللي راكنين عمودي عشان يفك الكلبش

و العربية اللي واقفة صف تاني دي ماسكها البواب في عز البرد الساعة 11 او 11 و نص بليل تقريبا و هاريها غسيل باصابون و الرغاوي و اييييييييييه قلت اكيد العربية دي كمان متكلبشة و حبيت اتأكد مشيت من جنب العربية من على الرصيف و خليت اخويا يلف من الناحية التانية و اذا بالعربية واقفة زي الباشا و لا متكلبشة ولا في حد بيقولها انتي بتعملي ايه هنا

فا ياريت يا جماعة لما تيجو تركنوا بعد كدا ماتبقوش تركنو عمودي عشان في عرض من الشرطة اليومين دول اركن عمودي تتكلبش اركن صف تاني تتغسل :36_1_8[1]:

ههههههههههههههههههههههه :)))) بجد تحيا مصر
هم يبكي و هم يضحك يا دونزي

ممكن دي تكون عربيه الباشا

اقتباس:

---

المشاركة الأصلية كتبت بواسطة PeaceMan

ههههههههههههههههههههههه :)))) بجد تحيا مصر
هم يبكي و هم يضحك يا دونزي

---

اه والله عندك حق

انا اخويا فطسني على نفسي من الضحك ساعتها اصلا و قعد يقول ياريتني ركنت صف تاني ياريتني ركنت صف تاني و انا اقله يا خيبتك مش كنت تتابع الاخبار عشان تعرف العرض ايه نهاردة و رايح تركن في اخر الدنيا

خليك انت كدا مفوت عروض اولاد رجب و عروض الشرطة :Copy of majd(2):

اقتباس:

---

المشاركة الأصلية كتبت بواسطة mazher_m

ممكن دي تكون عربيه الباشا

---

هههههههههه يعني سايب الونش و البوكس و جايب عربيتو يوقفها صف تاني و يغسلها قدام المتكلبشين !!! دا عاوز يشلهم بقى

مش عارف بس مين فينا لو ليه حد قريبه ممكن ينجز له حاجة بيقول لا ؟
مش عارف بجد بس اعتقد اننا كنا هنعمل زيه ونستخدم الواسطة والسلطة لو كنا مكانه

اقتباس:

---

المشاركة الأصلية كتبت بواسطة elmkaneeki

مش عارف بس مين فينا لو ليه حد قريبه ممكن ينجز له حاجة بيقول لا ؟
مش عارف بجد بس اعتقد اننا كنا هنعمل زيه ونستخدم الواسطة والسلطة لو كنا مكانه

---

هوا مين ؟؟

اقتباس:

---

المشاركة الأصلية كتبت بواسطة donzi

هوا مين ؟؟

---

شكلى فهمت غلط ولا ايه

يمكن الكلابشات خلصت :)

انا مره كان معايا ايامها سيات 133 وملقتش ركنه فى الجراش العمومى بتاع محطه الرمل وكان فيه سايس واقف بره قاللى اركن هنا بره عادى وتقريبا مكانش فيه عربيه غير عربيتى اللى راكنه
روحت مشوارى ورجعت لقيت صف عربيات ادامى وورايا وكلهم كلهم متكلبشين الا عربيتى

وابص على ال 4 عجلات ادور على الكلابش مفيش كلابش مبقتش مصدق نفسى هههههههههههههههههه

تقريبا الظابط كان محترم وصعبت عليه عشان سيات قالك سيبه ده عاوز اللى يديله فلوس مش ياخد منه هههههههههههههههههه

والمره التانيه كنت راكن ادام سان استيفانو على الترام وكان فيه سايس برضه وقاللى عادى اركن هنا ورجعت ملقتش ولا عربيه راكنه على الصف الا عربيتى والظابط معرفش يركب الكلابش فى العجل اللى قدام عشان عندى كساحه وموطى العربيه فالكلابش مركبش
راح مركبه فى العجل اللى ورا ههههههههه ساعتها قولت يارتنى كنت ركبت كساحه فى الاكصدام اللى ورا مكانش عرف يكلبشها خااااااااالص
يومها قولتله انت كلبشتها ليه منا واقف موازى للرصيف ومش صف تانى قاللى لا الوقفه هنا ممنوع اصلا الرخص لو سمعت وطبعا دفعت زى الشاطر الغرامه :(

يمكن الكلابشات اللى معاهم خلصت فعلا و كان مستنى واحد يفضى علشان يكلبشها به و ممكن برضه تكون عربيه الضابط الخاصه

لو الموضوع ده بجد فيه عندهم كار كير ؟

طيب حلو ... العربيه واخده شويه تراب على صدرها لما مشخلل على الاخر .. اروحلهم الاسبوع الى جاى .. تشم شويه هوا وميه نضيفه

لا دى عربيه بنت الباشا الله يرحم البشوات

هههههههههههههه ...
زي مرات لمن أجي أدخل على لجنة والاقي الضابط يقولي رخص أقوم أسئلو عن أي عنوان قريب هو يعرفو فميبصش أساساً على الرخص ويقعد ويصفلي الطريق ههههههههههههههه . بلد هشك بشك .

بس بجد بجد المشكلة عندنا مش الي بيركن جمب الرصيف عمودي ولا عرضي المشكلة في الي يوقف صف ثالث ويجي واحد كمان جمبو عاوز ينزل الي معاه فيوقف في الحارة الرابعة ... والي يدحك لمن الناس تزمرلو يطلع راسو من الشباك ويزعق ويشتم ويقول أييييييييييييييييه معدش في صبرررررررررررررر . ههههههههههههههه

كنتي تصوري المنظر
وتبعتيه لموقع وزارة الداخلية.. وهو نفسه لما يشوفك بتصوريه
مش بعيد يعملها على نفسه

يمكن صعبت عليه عشان بتتغسل في الساقعه

انت بتقول البواب كان بيغسلها تبقى بالنسبة له ما كانتش راكنة دي كانت واقفة بتتغسل يعني اكيد البواب قاله ده انا هغسلها ومعيا مفتاحها ولا حاجة... او فعلا الكلبشات خلصت... عامة اصلاا لمفروض يعملوا مخالفات على الميه اللي بتتهدر في الشارع في غسيل العربيات وتغرق الشارع وما بنبقاش عارفين نمشي منين...ههههههه

لا الكلبشات ماكنتش خلصانة يا جماعة عشان كان في ناس واقفين مع الظابط اللي دفع المخالفة و راجع ياخد العربية و يمشي و اللي لسة مستني يدفع و كانو العساكر بيفكوا كلبشات من العربيات اللي صحابها دفعوا المعلوم

الاحتمال الاكبر انها تكون عربية الباشا فعلا بس مستفزة جدااااااااااااااا يعني

اقتباس:

---

المشاركة الأصلية كتبت بواسطة fbiahmed

لو الموضوع ده بجد فيه عندهم كار كير ؟

---

اقتباس:

---

المشاركة الأصلية كتبت بواسطة الغزالى

طيب حلو ... العربيه واخده شويه تراب على صدرها لما مشخلل على الاخر .. اروحلهم الاسبوع الى جاى .. تشم شويه هوا وميه نضيفه

---

والله لو عملوها هايكسبوا اكتر من لم المخالفات و اهم يبقوا مفيدين برضو

اقتباس:

---

المشاركة الأصلية كتبت بواسطة a7med_pharma

كنتي تصوري المنظر
وتبعتيه لموقع وزارة الداخلية.. وهو نفسه لما يشوفك بتصوريه
مش بعيد يعملها على نفسه

---

يا سيدي احنا هانقعد نصور ايه ولا ايه ما البلد مليانة مواقف هزلية كتير

و بعدين دي كانت هاتبقى عاوزة تتصور فيديو عشان كان في مسافة شوية بينهم و انا كنت بردانة و عاوزة اروح بصراحة و مفييش دماغ اقف اصور

اقتباس:

---

المشاركة الأصلية كتبت بواسطة rompo10

يمكن صعبت عليه عشان بتتغسل في الساقعه

---

هههههههههههههههه حلوة

تصدق ممكن

اقتباس:

---

المشاركة الأصلية كتبت بواسطة me_medoo

هههههههههههههه ...
زي مرات لمن أجي أدخل على لجنة والاقي الضابط يقولي رخص أقوم أسئلو عن أي عنوان قريب هو يعرفو فميبصش أساساً على الرخص ويقعد ويصفلي الطريق ههههههههههههههه . بلد هشك بشك .

بس بجد بجد المشكلة عندنا مش الي بيركن جمب الرصيف عمودي ولا عرضي المشكلة في الي يوقف صف ثالث ويجي واحد كمان جمبو عاوز ينزل الي معاه فيوقف في الحارة الرابعة ... والي يدحك لمن الناس تزمرلو يطلع راسو من الشباك ويزعق ويشتم ويقول أييييييييييييييييه معدش في صبرررررررررررررر . ههههههههههههههه

---

اااااااااااااااااااه شكللي هاتضرب انهاردة :grinder:

انا عملت الموقف بس مرة واحدة والله و برضو عند نفس المبنى برضو بس والله كنت مضطرة عشان ماما تيجي تركب و هي مش قادرة تمشي فا مكنش ينفع اركن بعيد بس مخدتش اكتر من دقيقة والله

و ساعتها كمان كان الونش واقف و جه سيادة الامين يقوللي اييييييييه يا حجة داااااااا سيادة الظابط بيكتبلك مخالفة فتحت الازاز بكل الاطة و قلتله طيب خلاص هوا مش كتب المخالفة انت عاوز ايه بقى مستنية والدتي تركب و قبل ما اخلص الجملة كانت ركبت والله و هوا لما شافها لم نفسوا و حط لسانو جوا بقوا و سكت و انا مشيت

انا نفس الحكاية بعاني لمن يكون معايه الحج ولدي 70 سنة ... بالذات لمن أودي عيادة ولا كده بتبقى مشكلة ... في أوروبا والبلاد المتقدمة بيخلو مكان للمعاقين وكبار السن والي عندو ذوي الاحتياجات الخاصة بس هنا مفيش خالص لازوق ولا انسانية .غير من رحم ربي .

تصورو النهردة الجمعة بالليل كنت ماشي نحية الزمالك وفوق الكبري أتفاجئ شوية شباب صيع ماشين على رجليهم فوق الكبري 25 يوليو ومشغلين مفرقعات ومعاهم لمض نيون قاعدين بيكسروها ومعطلين الشارع ... وقلت في نفسي أستغفر الله العظيم على دي مناظر وعلى دي أشكال ، دول قاعدين بيعملو أيه دول عطلو الدنيا ... ياترى بيحتفلو بالثورة ... ودي مناظر تحتفل بالثورة ... لو الثورة بالشكل ده انا مش عاوز ثورة ولا نيله شباب خالي من اي نوع من المسئولية ... أفرض يا أخي وحده حامل ولا حد عاوز يروح المستشفى ولاحد مزنوق عاوز يخش الحمام تقوم تقفل كوبررررررررررررري يعتبر من أهم شرايين القاهرة ، وتقلي ثورة ... ثوررررررررررررة أيييييييييه دي الي تعطل الناس وتدمر بلد علشانها وتوقف حال الناس .

وشوية كده نزلت رمسيس والكلام ده الساعه 10 بالليل ... بصيت لقيت شباب ماشين كمان في قافلة بس الحقيقه كانو محترمين ماشين على جنب ... بس فيهم كام واحد ماشين بلابيص بشورتات في عز البرررد وماسكين شوم وعصي ولمض نيون في اديهم وطالعين على التحرير ... ده منظر لبلد حضاري ... وثورة أذهلت العالم كلووو ... بسلميتها ...

ومرة تانية كنت فوق كبري أكتوبر والطريق زحمه في الاخر أكتشف شوية شباب عديمي المسئولية مجمعين نفسيهم وراكبين أمسيكلات صيني وعاملين قافله عاوزين يقلدو الامريكان بتوع شلل أومتسيكلات الهارلي الامريكية .... عملينلي عصابة على الكوبري ... ومش عارفين انو طريق حيوي للمطار ...

ده حتى في الافرااااااح والزفات وما أدراك مالزفات ... بيب بيب بيب ويقوم قفلك الطريق كلو وأنشالله ماعن حد عدى ولا حد روح .
ويطلعلك بأه الفزلوك الي فيهم ويكون مأجر عربية ويقعد يأمرك قدام موكب سمو الاميــــــــــــــــــــ ـر العريس ... ماهو محدش أجوز في العالم كلو غير شكلووو وسمووو ...

ده حتى التكاتك دلوقتي تطلع كده مواكـــــــــــــــــب زفـــــــــة وتقفل أم الطريق دون مراعاه لوجود بشــــــــر غيرهم في الشارع ، أو مراعات لظروف الناس ...

لذلك انا قررت أغير تربيتي لعيالي ... وابتدي اعلمهم وأشربهم البلطجة من صغرهم ... وأبتدي أأسسهم أنهم يبقو أطفال شوارع بجد وشمحطجية علشان يقدرو يتكيفو مع المجتمع الجديد ، وميطلعوش خيبين زي أبوهم الي بيحب يراعي مشاعر الناس ... والي متربي على حديث الرسول صلى الله عليه وسلم أيااااااااااااااااااااااا ااااااااكم والوقوف في الطرقات ....

تليفون صغير لشكاوي الداخلية من الموقع بتاعهم..تعلم ان تقول لا

مره برضو كنت راكن صف تانى هناك جى بيقولى اطلع يابنى قومت نازل شديت معاه وضربتو كان يوم زى الفل بصراحه وعدت على خير وبقينا اصحاب ف الاخر ( بس كلهم بتوع مصالح )

اقتباس:

---

المشاركة الأصلية كتبت بواسطة ecybrarian

تليفون صغير لشكاوي الداخلية من الموقع بتاعهم..تعلم ان تقول لا

---

عندك حق والله بس الموقف كان هزلي و مضحك و كنت نازلة من عند الدكتور و مش مركزة اني اشتكي حد دلوقتي خالص دا انا ما صدقت ضحكت عليهم شوية والله

اقتباس:

---

المشاركة الأصلية كتبت بواسطة koshary

مره برضو كنت راكن صف تانى هناك جى بيقولى اطلع يابنى قومت نازل شديت معاه وضربتو كان يوم زى الفل بصراحه وعدت على خير وبقينا اصحاب ف الاخر ( بس كلهم بتوع مصالح )

---

طيب ما انت راكن صف تاني يعني انت اللي غلطان !! بس برضو المفروض يكلمك باحتلرام

و فعلا فعلا هما معظمهم بتوع مصلحتهم و بسسسسسس و جبناء جدااااااا لو عندك واسطة اعلى من اللي بيكلمك بيقلب فرخة بصراحة

اقتباس:

---

المشاركة الأصلية كتبت بواسطة me_medoo

انا نفس الحكاية بعاني لمن يكون معايه الحج ولدي 70 سنة ... بالذات لمن أودي عيادة ولا كده بتبقى مشكلة ... في أوروبا والبلاد المتقدمة بيخلو مكان للمعاقين وكبار السن والي عندو ذوي الاحتياجات الخاصة بس هنا مفيش خالص لازوق ولا انسانية .غير من رحم ربي .

تصورو النهردة الجمعة بالليل كنت ماشي نحية الزمالك وفوق الكبري أتفاجئ شوية شباب صيع ماشين على رجليهم فوق الكبري 25 يوليو ومشغلين مفرقعات ومعاهم لمض نيون قاعدين بيكسروها ومعطلين الشارع ... وقلت في نفسي أستغفر الله العظيم على دي مناظر وعلى دي أشكال ، دول قاعدين بيعملو أيه دول عطلو الدنيا ... ياترى بيحتفلو بالثورة ... ودي مناظر تحتفل بالثورة ... لو الثورة بالشكل ده انا مش عاوز ثورة ولا نيله شباب خالي من اي نوع من المسئولية ... أفرض يا أخي وحده حامل ولا حد عاوز يروح المستشفى ولاحد مزنوق عاوز يخش الحمام تقوم تقفل كوبررررررررررررري يعتبر من أهم شرايين القاهرة ، وتقلي ثورة ... ثوررررررررررررة أيييييييييه دي الي تعطل الناس وتدمر بلد علشانها وتوقف حال الناس .

وشوية كده نزلت رمسيس والكلام ده الساعه 10 بالليل ... بصيت لقيت شباب ماشين كمان في قافلة بس الحقيقه كانو محترمين ماشين على جنب ... بس فيهم كام واحد ماشين بلابيص بشورتات في عز البرررد وماسكين شوم وعصي ولمض نيون في اديهم وطالعين على التحرير ... ده منظر لبلد حضاري ... وثورة أذهلت العالم كلووو ... بسلميتها ...

ومرة تانية كنت فوق كبري أكتوبر والطريق زحمه في الاخر أكتشف شوية شباب عديمي المسئولية مجمعين نفسيهم وراكبين أمسيكلات صيني وعاملين قافله عاوزين يقلدو الامريكان بتوع شلل أومتسيكلات الهارلي الامريكية .... عملينلي عصابة على الكوبري ... ومش عارفين انو طريق حيوي للمطار ...

ده حتى في الافرااااااح والزفات وما أدراك مالزفات ... بيب بيب بيب ويقوم قفلك الطريق كلو وأنشالله ماعن حد عدى ولا حد روح .
ويطلعلك بأه الفزلوك الي فيهم ويكون مأجر عربية ويقعد يأمرك قدام موكب سمو الاميــــــــــــــــــــ ـر العريس ... ماهو محدش أجوز في العالم كلو غير شكلووو وسمووو ...

ده حتى التكاتك دلوقتي تطلع كده مواكـــــــــــــــــب زفـــــــــة وتقفل أم الطريق دون مراعاه لوجود بشــــــــر غيرهم في الشارع ، أو مراعات لظروف الناس ...

لذلك انا قررت أغير تربيتي لعيالي ... وابتدي اعلمهم وأشربهم البلطجة من صغرهم ... وأبتدي أأسسهم أنهم يبقو أطفال شوارع بجد وشمحطجية علشان يقدرو يتكيفو مع المجتمع الجديد ، وميطلعوش خيبين زي أبوهم الي بيحب يراعي مشاعر الناس ... والي متربي على حديث الرسول صلى الله عليه وسلم أيااااااااااااااااااااااا ااااااااكم والوقوف في الطرقات ....

---

طيب ايه ذنب الثورة ؟؟ ليه محملها غلطات الشباب المستهتر دول ؟؟

عادي خالص
اي حد يروح عند اليوترن بتاع ميدان الدقي (تحت كوبري الدقي من ناحية شارع البطل احمد)
هيلاقي البيه اللي بيكلبش العربيات بدون ذكر اسماء الرائد أ.السعدني راكن هوندا سيفيك 2008 سوداء د ص ج 8.... في وسط اليوترن ومقتنع باللي هو بيعمله وشايف ان اليوترن واسع اهو ومفيش مشاكل رغم ان العربيات اللي هو مكلبشها راكنة صف اول والشارع واسع ومفيهوش اي زحمة ولو صورت عربيته زي ما انا عملت هياخدك مخالفة مع اني مكنتش متكلبش انا دخلت اليوترن لقيت عربية واقفة في وسطه ولما سألت قالولي عربية الباشا وان كان عاجبك
هي المخالفة متحسبتش في الآخر بس انا قلتله اعملي مخالفات بمليون جنيه هدفعهم وانا مستريح لاني عارف ان ربنا هياخدلي حقي
بلد ماشية بضهرها.........

ههههههههه هي دي مصر.. لما يركن صف تاني العربية تتغسل عارفة لو كان راكن في نص الشارع كانت اتعملت كار كير كامل بكيماوي كمان هههههه

اقتباس:

---

المشاركة الأصلية كتبت بواسطة Ralliart

عادي خالص
اي حد يروح عند اليوترن بتاع ميدان الدقي (تحت كوبري الدقي من ناحية شارع البطل احمد)
هيلاقي البيه اللي بيكلبش العربيات بدون ذكر اسماء الرائد أ.السعدني راكن هوندا سيفيك 2008 سوداء د ص ج 8.... في وسط اليوترن ومقتنع باللي هو بيعمله وشايف ان اليوترن واسع اهو ومفيش مشاكل رغم ان العربيات اللي هو مكلبشها راكنة صف اول والشارع واسع ومفيهوش اي زحمة ولو صورت عربيته زي ما انا عملت هياخدك مخالفة مع اني مكنتش متكلبش انا دخلت اليوترن لقيت عربية واقفة في وسطه ولما سألت قالولي عربية الباشا وان كان عاجبك
هي المخالفة متحسبتش في الآخر بس انا قلتله اعملي مخالفات بمليون جنيه هدفعهم وانا مستريح لاني عارف ان ربنا هياخدلي حقي
بلد ماشية بضهرها.........

---

هههههههههههه

اهم حاجة السرية و ان احنا مانذكرش الاسماء

بس انالما اروح تاني هابص عليها و لو لاقيت كدا هاصورها بس و انا ماشية على رجلي عشان مايخدنيش مخالفة :hlopaet_prv:

مشكور على النصائح .و فعلا حاجه تحير جدا

اقتباس:

---

المشاركة الأصلية كتبت بواسطة moha4tec

مشكور على النصائح .و فعلا حاجه تحير جدا

---

العفو

انا بس بحب ارفه عن الشعب :grinder: