زجاج سيارتى اتكسر والحمد الله (اوبترا)

**wael333** · 29-05-2008 05:08 AM

الساعة 1:45 صباحا سمعت سوت خبطة وبعدين كلاب كتير قمت من النوم وعقبال منزلت بعد ربع ساعة كدة لقيت كام شاب وبيقولوا لى هى ديه عربيتك قلت ايوه قالوا لى الزجاج الخلفى اتكسر لقيت زجاجة سبرايت محدوفه وكاسرة الزجاج, قالوا لى احنا سمعنا ناس بتجرى وبعدين خبتطين لقيت ان فى واحد تانى سيارته شاهين راكن قبلى بكام عربيه هو كمان زجاجة مكسور الامامى, الحمد الله على كل شىء

لسه مش عارف الواحد يغير الزجاج فين. وبعدين عمال افكر كيف الواحد يحافظ على السياره بعد كدة ؟؟

**MoToRiZeR** · 29-05-2008 05:13 AM

لا يوجد طريقة لحماية السيارة حتي لو هتنام جواها صدقني
خليها علي الله و قدر الله ما شاء فعل

انت مش مأمن عالعربية؟

**wael333** · 29-05-2008 09:00 AM

لا يا باشا مش مأمن, الحمد الله

**mina_ramsis** · 29-05-2008 10:18 AM

ولا يهمك فداك شوف كده التوكيل بيبيعه بكام و برده بكام ( 90 % هتلاقيه بره التوكيل ارخص )

**iBiZa** · 29-05-2008 11:06 AM

طالما انت من سكان مدينة نصر يبقى تنزل على الحرفيين و تروح شارع جمال عبد الناصر و تسأل على الثلاثى بتاع الزجاج. عندة كل حاجة تقريبا.

**wael333** · 29-05-2008 11:08 AM

التوكيل قال لى ب 1111 جنيه والتركيب حوالى 200 جنيه وفى من اهلى اتصلوا بيهم قالوا لهم ب 1900 انا لسه مش متأكد اتصلنا بواحد فى شمبليون قال لنا ان فى زجاج استثمار! مش عارف بصراحة يعنى اية تمنه 350 جنيه حد يعرف يعنى ايه استثمارى؟؟

**iBiZa** · 29-05-2008 11:27 AM

استثمارى دة مصرى بس يعنى يعتبر صناعة نضيفة شوية.
المهم هو كام طبقة. فية طبقة و فية طبقتين {Duplex} و فية ثلاث طبقات {Triplex} و مهم بردة سيكوريت ام لا علاشان لا قدر الله وانت ماشى لو جت طوبة فى الزجاج ما يفرقعش فى وشك.

**lkkkj** · 29-05-2008 04:34 PM

عليك بالذهاب الى مصنع جريش فى مدينة 10 رمضان دول احسن و اوفر ناس

**walidtawfek** · 29-05-2008 09:23 PM

مش لازم تروح المصنع حاتلاقيه في الحرفيين
وفعلا شغل جريش حلو واغلب زجاج السيارات المجمعه في مصر من جريش
(عربيتي نوبيرا والزجاج من جريش )
وحا تلاقيه عند بتوع الزجاج متوفر
احا عندنا في اسكندريه موجود
واكيد ان شاء الله بتاع الابترا حا تلاقيه لا العربيه مشاء الله نزل منها كتير وده يشجع المصنع
انه يعمل الزجاج بتاعها
وبيفرق كتيييييييير عن التوكيل (السعر ) والجوده واحده المهم يكون تريبلكس
فداك يا باشا

**wael333** · 30-05-2008 01:12 AM

يا جماعة شكرا فعلا على وقفتكم جنبى انا رحت اليوم الى شارع شمبليون وركبته الحمد الله قبل ما اذهب الى هناك سألت جريش العاشر وقالوا لى انة غير متوفر, ثم ذهبت الى شامبلون وسألت كذه محل فعلا در جريش غير متوفر والمصنع موقف او قلل انتاجه المهم قالولى ان فى زجاج اسمه امان وانه احسن من جريش برده نفس السعر 350 توكلت على الله وركبته عند واحد اسمه (محمد حسن بكر) ت: 25754456 تركيبه نضيف ومعاملته للناس محترمه جدا
عايز اذكركم انى غيرت الزجاج الخلفى وليس الامامى والخلفى لا يوجد منه تريبلكس ولكن اعتقد اسمه (سيكوريت) واعتقد انه طبقه مش عارف او طبقتين يمكن المهم هو فى اريال طبعا مثل الاصلى والراديو شغال تمام الحمد الله
بس ربنا يحفظنا ويحفظ الجميع, ولا يريكم الله مكروها

الموضوع: زجاج سيارتى اتكسر والحمد الله (اوبترا)

LinkBack

أدوات الموضوع

عرض

زجاج سيارتى اتكسر والحمد الله (اوبترا) - انشر الموضوع فى :

-

-

-

-

-

-

المواضيع المتشابهه

زجاج الساجا اتكسر

الإكصدام اتكسر والحمد لله

زجاج السيراتو اتكسر

زجاج فج من الفجات اتكسر

الحمد الله زجاج السيارة اتكسر (اوبترا)

الكلمات الدلالية لهذا الموضوع

المفضلات

المفضلات

ضوابط المشاركة