الموضوع: تاخير دوارة فى النوبيرا يا رجالة الدايو

معانا عربية نوبيرا 2006 كانت مركونة فترة فى جراج لظروف صاحبها
ولما بدأنا نخرجها من الجراج لما رجع عملانوا كل السرفيس خصوصا وانه كامل بطيخة مش بيعمل حاجة فيها
غيرتلوا كلا من (فلتر هوا-بنزين-زيت-بوجيهات 2 شمعة-سير كتينة+ البلى بتاعها-وسير المجموعة- -وغيرنا زيت الماتور طبعا بزيت شيل 5000 كيلو وغيرنا زيت الفتيس الاتوماتيك فى شيل بردوا )

طبعا العربية اتغيرت تماما بعد ما كانت خارجة من الركنة فى كل حاجة
حاجة واحدة بس اللى لسه موجودة فيها ومش عارف احددهالوا صح عشان اغيرها
العربية بتغيب جدا فى التدوير الصبح او لما تتركن لمدة ساعة او اكتر

انا بخبرتى المتواضعة فى الدايو لانها كانت معايا لفترة قلتلوا العيب ده مش هيطلع من حاجتين
يا أما رشاشات الانجيكشن - او حساس الكرنك

بس انا قلتلوا اعتقد ان العيب فى حساس الكرنك للأسباب التالية
العربية سحبها حلو جدا ومش بتستهلك بنزين فوق الطبيعى ولا بترجرج ولا بتبطل ولا الهوا فى القيادة
والميكانيكى قالنا انه عايز يندف الرشاشات على الجهاز ب50 ج بس انا قلتلوا لا استنى لما نتاكد

فلو حد قابل العطل ده او عرفوا يقولى الخطوات واحد اتنبن تلاتة عشان احدد العطل
محدش يقولى بطارية لانى مديلوا بطارية عربيتى وبردوا نفس المشكلة وجربت بردوا اديلوا وصلة
من عربيتى وهى دايرة نفس المشكلة يعنى مش مشكلة بطاريات
وانا لاقيت عنده حاجة غريبة البطارية عنده مقاس 75 مع ان عربيتى النوبيرا القديمة كانت مقاسها 55
فهل ده عادى ولا ايه ؟