ازاي أشيل الاستيكر من علي الصاج ؟

**alaa7sh** · 27-01-2012 01:06 PM

عربيتي عليها ستيكر ماسك فيها جامد وشلت منه حرف بالعافية بضوافري. بس صعب هقدر أشيل الاستيكر كله
أنا ندمت اني حطيته وعايز أشيله كله بدون ما يأثر علي البوية أو اللمعة أو يتم خدش العربية ؟

أعمل ايييية ؟ :((

**aboomar22** · 27-01-2012 03:44 PM

محلات لصق الاستيكرز بيعرفوا يشيلوه انا رحت لواحد مره فى امبابة شالى القديم بحرفية جدا وركبت واحد جديد هو طلع طرفه وبداء يشيل بحرفيه وكان معاه فوطة مش عارف فيها ايه بيدعك بيها مكان القديم

**smsm_hamada** · 27-01-2012 04:53 PM

احسن طريقه المياه الساخنه او الهواء الساخن

**power** · 27-01-2012 04:55 PM

شويه بنزين

**Sherif Khalifa** · 27-01-2012 04:56 PM

بنزين
و ادعك جامد

**Eng.Geo** · 27-01-2012 06:04 PM

حط عليه wd-40 وسيبه شوية هتلاقيه باش

**me_medoo** · 27-01-2012 09:05 PM

فكرتني بالاستيكر بتاع 25 يناير على شكل نمر العربيات ... الناس زبلت عربيتها ولزقتوو عليها ، وانا أستغربت وقلت ولاد اللزينه هيطلعو الاستيكر ازاي ، وبالذات أنو بعد كم يوم تطلع عليه الشمس خلاص علم على العربية ... ويخلي العربية شكلها جربانه .

ومش بعيد جمال ولا علاء بعت للصين جاب شحنت أستيكرات وأعلام أيام الثورة وقال يالله نطلع من البلد دي بقرشين قبل ما نمشي ههههههههههههههههههه .

عامةً ... علشان تطلع الاستيكر من على القزاز بتاع العربية ميه سخنه + موس وتقعد تكحت كده براحة .

أما من على الصاج بتاع العربية في حاجه أسمها تينر فرن ... هتلقيه عند الي بيبيع بويات العربيات الاسكينز والكابسي وكده ... قطنه بلها شوية تينر فرن وأمسح بيها هتلقيها طلعت على طول ... وبعد كده هات قطنة مع شوية بوليش وأديها تلميعه خفيفة ... وتحياتي

**Veroman** · 27-01-2012 11:45 PM

المشاركة الأصلية كتبت بواسطة me_medoo

فكرتني بالاستيكر بتاع 25 يناير على شكل نمر العربيات ... الناس زبلت عربيتها ولزقتوو عليها ، وانا أستغربت وقلت ولاد اللزينه هيطلعو الاستيكر ازاي ، وبالذات أنو بعد كم يوم تطلع عليه الشمس خلاص علم على العربية ... ويخلي العربية شكلها جربانه .

ومش بعيد جمال ولا علاء بعت للصين جاب شحنت أستيكرات وأعلام أيام الثورة وقال يالله نطلع من البلد دي بقرشين قبل ما نمشي ههههههههههههههههههه .

عامةً ... علشان تطلع الاستيكر من على القزاز بتاع العربية ميه سخنه + موس وتقعد تكحت كده براحة .

أما من على الصاج بتاع العربية في حاجه أسمها تينر فرن ... هتلقيه عند الي بيبيع بويات العربيات الاسكينز والكابسي وكده ... قطنه بلها شوية تينر فرن وأمسح بيها هتلقيها طلعت على طول ... وبعد كده هات قطنة مع شوية بوليش وأديها تلميعه خفيفة ... وتحياتي

انا تعبت جدا عشان اطلعة من الازاز لا و كمان كنت شارى اتنين و فى اول واحد و انا بلصقها على الازاز الهوا طيرها ولاصقت منى على الصاج و تعب عشان اشلها وقتها و التانية هى اللى لاصقتها صح على الازاز بس تعبت انى اطلعها بعد فترة بعد مقشرت لوحدها

**me_medoo** · 28-01-2012 02:00 AM

المشاركة الأصلية كتبت بواسطة veroman

انا تعبت جدا عشان اطلعة من الازاز لا و كمان كنت شارى اتنين و فى اول واحد و انا بلصقها على الازاز الهوا طيرها ولاصقت منى على الصاج و تعب عشان اشلها وقتها و التانية هى اللى لاصقتها صح على الازاز بس تعبت انى اطلعها بعد فترة بعد مقشرت لوحدها

25 يناير برضو مش كده ههههههههههههههههههههه

ده الشعب كلو عربيتهم باظت بسبب الاستيكر دهو ... بس بجد نفسي أفهم مين أبن اللعيبة الي قدر بسرعة يطبع الكمية دي ويستوردها ويجيب كل الاعلام دي وصور للشهداء ، يعني أيمتى لحق يسافر ويرجع للصين بالسرعة دي ويستورد السلعه دي ويوزعها ويغرق السوق بيها بالشكل ده .

شوف كده الاستيكر ب 5 جنيه أضرب على الاقل في مليون يبقى عندك خمسة مليون جنيه ... وهوتمنو تلاته تعريفه ..

وعندك العلم الواحد ب25 جنيه في مليون ب خمسه وعشرين مليون جنية يامعلم ... ده انا لومكانو خلاص أعتزل وأطلع معا مبكر وأروح أقعد في شالية في مرينا مدى الحياة .

ده غير أستيكرات مصر أولاً ... وغير الشمسات بتاعت العربيات الي عليها علم مصر أرفع راسك أنتا مصري والدليات الي في المرايات .

طب بالزمة مش لو الفلوس دي اتجمعت كانو بنو بيها عشر مصانع أستيكر وكنا شغلنا الشباب كلها فيها هههههههههه

**alaa7sh** · 28-01-2012 04:38 AM

طيب أنا هجرب أشيلها بالبنزين لاني حاسس ان ده أنسب حل ومش هيأثرعلي اللمعة أو البوية :)
ادعولي :)) حاسس اني في مهمة صعبة :d

الموضوع: ازاي أشيل الاستيكر من علي الصاج ؟

LinkBack

أدوات الموضوع

عرض

-

-

-

-

المواضيع المتشابهه

ازاي اشيل الاستيكر من العربيه

ازاي اشيل الاستيكر من العربيه

أشيل أثار اللزق من الاكصدام ازاي ؟؟؟؟

ازاي اجيب الاستيكر

ازاي أشيل لوجو فسفوري من ع العربية

الكلمات الدلالية لهذا الموضوع

المفضلات

المفضلات

ضوابط المشاركة