أوبا قدر الله ما شاء فعل التيدا الجديدة حكت مع لورى :(

السلام عليكم ورحمة الله وبركاته

النهاردة كده بعد الصلاة روحت اجيب شوية طلبات وانا راجع راح مزنق عليا
توكتوك جى فى الوش وعلى يمينى راكن لورى وقفت شوية دخل توكتتوك حدف عليا روحت
رايح بالطارة ناحية اليمين العربية حكت من قدام ال صاج فوق الكاوتش الامامى على اليمين ودخل لجوه (اطبق كده ):angry27::angry27::angry27:
بتاع حاجة طولها 6 سم وعرضها 2 ونص سم الغريب ان دهان الحمد لله لسه موجود ودى حاجة
بصراحة خلتنى ارفع القبعة للتيدا بصراحة حكة كانت جامدة شوية

الحمد لله قدر الله ما شاء فعل
مش عار ف بقى انا كملت 350 كيلو بالعربية كده اتصل بشركة التامين وأبلغهم
ولا لما اروح صيانة 1000 كيلو ابقى اعملها وبلغهم
انا مامن تبع اليانس
ياريت اللى مر بحاجة زى كده يقول

وانا هصورها قريب علشان تقوللوى هتكلف كام كده اعتقد انها محتاجة سمكرة مش رد بس

http://s16.postimage.org/iot7j4l3o/DSC01186.jpg


الصورة اهى يا جماعة
انا اتصلت بالتوكيل الموزع قاللى صحها من غير متبلغ التامين افضلك لو حاجة بسيطة
علشان السنة الجاية تامين بخصم10 %
وقاللى لو بلغت هدتفع 400 جنيه للتامين حاجة كده زى رسوم اخباره
فمشعارف ايه رايكم ؟
هتكلف كام بالتوكيل ؟ وهتاخد وقت اد ايه ؟
و لا اعملها تبع التامين وايه الخطوات علشان اعملها؟
ولا اعملها عند سمكرى شاطر افضل ؟ ولو كده حد يدللنى على حد كويس تعامل معاه
ولكم جزيل الشكر

الحمد لله

انا برضه مأمن مع الليانز اسأل على تصليحا بالتوكل وشوفها تتكلف كام لو 400 او 500 متبلغش ومش مستاهله لو هتغير الرفرف بلغهم عشان تغيره على حسابهم وممكن تبلغهم ومتعملهاش علطول ومعلش قدر الله وماشاء فعل انا مره وانا لسه مكملتش 1000 ك واحد كسرلي الاكصدام وحته من الشنطه

قول الحمد لله معلش خيييييييييييير ..

اقتباس:

---

المشاركة الأصلية كتبت بواسطة togo

انا برضه مأمن مع الليانز اسأل على تصليحا بالتوكل وشوفها تتكلف كام لو 400 او 500 متبلغش ومش مستاهله لو هتغير الرفرف بلغهم عشان تغيره على حسابهم وممكن تبلغهم ومتعملهاش علطول ومعلش قدر الله وماشاء فعل انا مره وانا لسه مكملتش 1000 ك واحد كسرلي الاكصدام وحته من الشنطه

---

هى تقريبا هتككلف فى حدود دى بس سمعت انها بد متترد هيرش الرفرف كله
هى بتبقى عين :b4_444:قوية ربنا يحرسك ويحرسنا

اقتباس:

---

المشاركة الأصلية كتبت بواسطة ahmazong

قول الحمد لله معلش خيييييييييييير ..

---

ابو حميد الحمد لله
معندكش اى خلفية عن موضوع الرفرف ده
وانت شايف ايه حالته محتاجة ايه بالظبت
وربنا يستر طريقنا

صحيح فيه خدش بسيط كده فى الاكصدام من نفس الجهة بس بسيط ده ممكن يتعمل ولا برده هيرش الاكصدام كله
لطفك يا رب

الحمد لله على كل حال ، قدر الله وما شاء فعل ، وده شيء طبيعي ما دامت العربيه جديده ، ممكن تعملها عن سمكري ما دام الدهان لم يخدش ، وبسيطه إن شاء الله

اقتباس:

---

المشاركة الأصلية كتبت بواسطة togo

انا برضه مأمن مع الليانز اسأل على تصليحا بالتوكل وشوفها تتكلف كام لو 400 او 500 متبلغش ومش مستاهله لو هتغير الرفرف بلغهم عشان تغيره على حسابهم وممكن تبلغهم ومتعملهاش علطول ومعلش قدر الله وماشاء فعل انا مره وانا لسه مكملتش 1000 ك واحد كسرلي الاكصدام وحته من الشنطه

---

متشكر جدا
و لا حول ولا قوة الا بالله العلى العظيم

اقتباس:

---

المشاركة الأصلية كتبت بواسطة AhmdDomar

الحمد لله على كل حال ، قدر الله وما شاء فعل ، وده شيء طبيعي ما دامت العربيه جديده ، ممكن تعملها عن سمكري ما دام الدهان لم يخدش ، وبسيطه إن شاء الله

---

متشكر لاهتمام حضرتك

اقتباس:

---

المشاركة الأصلية كتبت بواسطة togo

انا برضه مأمن مع الليانز اسأل على تصليحا بالتوكل وشوفها تتكلف كام لو 400 او 500 متبلغش ومش مستاهله لو هتغير الرفرف بلغهم عشان تغيره على حسابهم وممكن تبلغهم ومتعملهاش علطول ومعلش قدر الله وماشاء فعل انا مره وانا لسه مكملتش 1000 ك واحد كسرلي الاكصدام وحته من الشنطه

---

انا مع الرايي ده فعلا هو ده الصح اللي تعمله

قدر اللة ما شاء فعل.خير ان شا اللة.ممكن سمكرى نضيف يردهالك على البارد مش حتتكلف اكتر من 50 الى 80 جنية. ان شاء اللة.

اقتباس:

---

المشاركة الأصلية كتبت بواسطة peaceman

انا مع الرايي ده فعلا هو ده الصح اللي تعمله

---

هوا لو عملتها سمكرة بره التوكل ورشتها تطلع العربية بره الضمان؟

اقتباس:

---

المشاركة الأصلية كتبت بواسطة mirra

قدر الله ما شاء فعل.خير ان شا الله.ممكن سمكرى نضيف يردهالك على البارد مش حتتكلف اكتر من 50 الى 80 جنية. ان شاء الله.

---

أنا سمعت ان عربية لو اتردت على البارد ممكن ياثر على بقية الدهان اللى حوليها صح كلام ده؟
وانت شايف انها مش محتاجه رشة جراء الخدوش ؟
ولو اترشت هل لازم يرش الرفرف كله ؟
لو تعاملت مع سمكرى كويس قولى ينوبك ثواب

اقتباس:

---

المشاركة الأصلية كتبت بواسطة centon

هوا لو عملتها سمكرة بره التوكل ورشتها تطلع العربية بره الضمان؟

---

لألألألأ اطلاقا .. لو حابب تعملها بره التوكيل مفيش مشكلة خالص و مش هتطلع من الضمان و خلي اللي هيعملها لك يردها علي البارد و خلاص و مش لازم ترشها

محسود محسود يا قسمي

اقتباس:

---

المشاركة الأصلية كتبت بواسطة centon

ابو حميد الحمد لله
معندكش اى خلفية عن موضوع الرفرف ده
وانت شايف ايه حالته محتاجة ايه بالظبت
وربنا يستر طريقنا

صحيح فيه خدش بسيط كده فى الاكصدام من نفس الجهة بس بسيط ده ممكن يتعمل ولا برده هيرش الاكصدام كله
لطفك يا رب

---

بص أنا من رأي تسيبها شوية عشان تاخد العين ..

بعد كده تروح كده عند أي سمكري شاطر يعملهالك على البارد بإقل التكاليف

قدر الله وما شاء فعل .. والحمد لله انها جت على قد كده
نصيحة ليك ما ترشش اى حاجة فى العربية الا لو كانت خبطة كبيرة لا قدر الله (غير الاكصدامين فقط لو لزم الامر) حتى مرور 3 سنين على ترخيص العربية يعنى لو داخل على فحص
انما لو هاتقضيها كل حكة وكل خدشة تروح تردها وتمعجنها وترشها يبقى كمان سنة العربية هاتبقى كل حتة فيها بلون !!!
هى حاجة تضايق طبعا انها لسة زيرو وطبعا حضرتك استلمتها بعد عناء مع المعرض وتبديلها اكتر من مرة بس شوفت النصيب وربك لما يريد وسيبها عشان تاخد العين شوية

,

اقتباس:

---

المشاركة الأصلية كتبت بواسطة peaceman

لألألألأ اطلاقا .. لو حابب تعملها بره التوكيل مفيش مشكلة خالص و مش هتطلع من الضمان و خلي اللي هيعملها لك يردها علي البارد و خلاص و مش لازم ترشها

---

متشكر جدا ليك للتوضيح

اقتباس:

---

المشاركة الأصلية كتبت بواسطة fbiahmed

محسود محسود يا قسمي

---

اه والله الناس مش سايبه حد فى حاله والله استلمتها وسبتها تترب والعربية اللى يشوفها
من كتر التراب والطينة يقولك عربية قديمة و طلعت حاجة لله وبرده اتخبطت

اقتباس:

---

المشاركة الأصلية كتبت بواسطة y2y1500

قدر الله وما شاء فعل .. والحمد لله انها جت على قد كده
نصيحة ليك ما ترشش اى حاجة فى العربية الا لو كانت خبطة كبيرة لا قدر الله (غير الاكصدامين فقط لو لزم الامر) حتى مرور 3 سنين على ترخيص العربية يعنى لو داخل على فحص
انما لو هاتقضيها كل حكة وكل خدشة تروح تردها وتمعجنها وترشها يبقى كمان سنة العربية هاتبقى كل حتة فيها بلون !!!
هى حاجة تضايق طبعا انها لسة زيرو وطبعا حضرتك استلمتها بعد عناء مع المعرض وتبديلها اكتر من مرة بس شوفت النصيب وربك لما يريد وسيبها عشان تاخد العين شوية

---

متشكر جدا ولو الناس تعرف اد ايه الواحد بيعانى قبل ميشترى العربية وبيجيبها ازاى وحضرتك اكيد فاكر
انا كنت ناوى اجيب تيدا مستعملة بس بمواصفات خاصة كده اول يد و تكون ماشية كيلو مش كتير حضرتك قوللتلى صعب وفعلا لما لقيت ونزلت لقيت عربيات المستعملة متبهدلة جدا ونويت اجيبها جديدة وامرى لله

اقتباس:

---

المشاركة الأصلية كتبت بواسطة ahmazong

بص أنا من رأي تسيبها شوية عشان تاخد العين ..

بعد كده تروح كده عند أي سمكري شاطر يعملهالك على البارد بإقل التكاليف

---

بما انك عندك العربية طيب تعرف سمكرى شاطر انت اتعاملت معاه شخصيا
ويكون امين لو تقوللى على عنوانه وكده

قدر الله وما شاء فعل

اقتباس:

---

المشاركة الأصلية كتبت بواسطة centon

بما انك عندك العربية طيب تعرف سمكرى شاطر انت اتعاملت معاه شخصيا
ويكون امين لو تقوللى على عنوانه وكده

---

هسألك عليه إن شاء الله و هاقولك ..

عشان الصني بتاعتي لما اتخبطت .. اتعملت وانا مش موجود عشان كنت مسافر .. بس راحت لسمكري 100 100 بصراحة ..

إن شاء الله يعجبك قوي ...

اقتباس:

---

المشاركة الأصلية كتبت بواسطة ahmazong

بص أنا من رأي تسيبها شوية عشان تاخد العين ..

بعد كده تروح كده عند أي سمكري شاطر يعملهالك على البارد بإقل التكاليف

---

انا مع راى احمد

الف سلامه عليك
وربنا يؤجرك في مصيبتك ويخلفك خيرا منها يارب
انا برده مع رأي حبايبي لو تتلم من غير ما تبلغ يبقي حسن
علشان متتحسبش عليك مطالبة ويغلوا التأمين عليك السنة الجاية
انا عارف ان العرف بتاع التأمين لو معملتش مطالبة بيتخصم 10% من سعر العربية ..... شوف الي سعر اقرب ليك وتوكل علي الله واعملها .
مع ان لو سيبتها دلوقتي كده تاخد العين و نصيبها بدا ما ترشها ولا تغير رفرفرف وتتنش عين تاني ...و متركزش معاها وقدر الله ومشااء فعل