اعمل عمرة ولا اشترى ماتور استيراد انقذونى من حيرتى

**wesam_salom** · 28-01-2012 12:48 AM

المشاركة الأصلية كتبت بواسطة lada2010

ممكن تشرح لى طريقة الاثبات ازى من ساعة شراء الموتور

الموضوع سهل جدا
ده باعتبار ان العربيه بأسمك فى الرخصه
هتروح تشترى موتور جديد ودى الزملاء بفبدوك فيها ان شاء الله وازاى تقدر تختاره واحسن الاماكن
هتجربه لو تمام هتروح للتاجر تديه صوره الرخصه وهيديك ورقتين
عقد منه بأسمك مختوم بختمه ومكتوب فيه بيانات الموتور ومختومه من المرور (معتمد من المرور التابع له المستورد) وحتى لو هو عمل لك العقد وختمه وانت رحت المرور هتختمه انت فى اقل من دقيقه لانه بيعتمد ان الختم مطابق عنده بس
هيديك صوره من الافراج الجمركى تتابع انت بيها الورق وهيطلب هو تحويل الورق من مروره الى المرور اللى فى الرخصه وده بيطلع من مروره لمرور الدراسه لمرورك
ده بياخد حوالى اسبوعين وهو ده وقت التأخير
تروح المرور عندك بعدها تسأل اول ما تعرف ان الورق وصل تاخد رقم الوارد وتروح الفحص هتفحص عادى ويكتب له رقم الموتور الجديد فى الفحص
ترجع المرور وتخش على الشباك ياخد الرخصه ويجيب الورق يحطه فى ملفك ويديك الرخصه الجديده فيها الرقم مثبوت
موضوع سهل جدا متقلقش

**misoalex** · 28-01-2012 04:21 AM

موتور استيراد

العمره زى القمار بتدفع فلوس وانت مش متأكد من النتيجه
الموتور الاستيراد زى البطيخه اللى على السكين

**misoalex** · 28-01-2012 04:26 AM

موتور استيراد

العمره زى القمار بتدفع فلوس وانت مش متأكد من النتيجه
الموتور الاستيراد زى البطيخه اللى على السكين

**Zazoksh** · 28-01-2012 08:05 AM

عزيزى

ركز معايا ... عمرة الموتور الناجحة تعتمد على 3 عناصر:

1- قطع غيار أصلية

2- ميكانيكى وخراط ماهرين ويراعوا الله فى عملهم

3 - فترة تليين ومتابعة كاملة

أعتقد يا عزيزى أن العنصرين الأول والثانى غير موجودان الآن (للأسف الشديد)

إذن .. ليس عليك إلا بإستخارة الله واشترى موتور استعمال وربنا يبارك لك فيه

موضوع إثبات الموتور الجديد على الرخصة .. ليس فيه مشاكل مطلقاً .. بشرط أن رقم الموتور وسعته واضحة وضوح تام فى الأوراق التى ستستلمها من البائع

مع أطيب تمنياتى للجميع بالصحة والسعادة والسلامة ،،،،،

Zazoksh - Cairo, EGYPT

**ahmmedbingo** · 29-01-2012 04:31 PM

الف مليون شكر لكل اللى ردوا بجد ريحتونى من حيرتى وان شاء الله قررت خلاص اجيب واحد استيراد

**koshary** · 30-01-2012 02:07 PM

المثل بيقول شرا العبد ولا تربيته وانتا عربيتك لو اتعمل فيها حاجه مش هتطلع حلوه

**SYD** · 31-01-2012 02:53 AM

اولا الموتور الأستيراد ضمانه شهر وليس اسبوع
ثانيا لا فائدة من الميكانيكي وانت بتشتري لأن الموتور زي البطيخة مش بيتعرف حلو من وحش غير لما يركب ويتجرب لمدة اسبوع
انت بس هتاخد ميكانيكي عشان يقولك دة ينفع ولا لاء
عشان يقولك انا عايز معاه كذا عشان بايظة عندك وبلاش تجيب كذا لأنها سليمة عندك
لا اكثر ولا اقل

نصائح بعد شراء موتور استيراد

1- تسيبه داير مدة ساعتين ولا تلاتة والعربية واقفة عشان يلين بعد ركنة السنين
2- تغير فلتر البنزين بعد اقل من 1000 كم
3- تغير زيت الموتور بعد اقل من 1000 كم (يستحسن 500 او أقل) وتغيير الفلتر ايضا
4- المتابعة الدورية كل يوم لمستوي الزيت ولونه لمدة اسبوع او اكثر
5- تغيير البوجيهات بعد تغيير الفلتر والزيت
6- المشي بسرعات منخفضة نوعا ما في اول يومين بعد التركيب (كنوع من التليين)

لا تقلق اذا لاحظت انه مش مظبوط بعد التركيب

لو انت من الهرم او تقدر تعملها في الهرم انا اعرف ميكانيكي فولكس كويس في اخر الهرم

والله المستعان
،
،

**mahmoudysf** · 22-07-2012 03:08 AM

انا كنت في نفس الحيرة بتاعتك دي في اوكنافيا a4
وتوكلت على الله واستريحت لميكانكيي حسيت انو فاهم
وشوفت عندو عربيات ما شاء الله اوكتافيا وجيتا وسيات وباسات
وعملنا العمرة وحاليا العربية دايرة بتلين عنده
والموتور ما شاء الله كان زي الفل
كل اللي اتعمل غيرنا الشمايز والشنابر
وغير كدة كل حاجة في الموتور كانت زيرو
رغم ان كان التوقع نعمل دلايل او نغير بساتم
لاكن بسم الله ما شاء الله كل حاجة كانت زيرو فعلا
باستثناء الشنبر والشمايز
وهو اكدلي ان الخراط اللي بيتعامل معاه نضيف جدا
وان خامة الشميز الماني مستوردة
فانا راي تفك عندك لو حاجة بسيطة
تعملها وخسارة متورك
ولو الموتور محتاج شغل كتير وهيتكلف
ممكن تجيب واحد استيراد

**mahmoudysf** · 22-07-2012 03:11 AM

شوف كمان الموضوع ده
انا رايح استلم العربية ان شاء الله يوم الاتنين
لو عايز تيجي معايا تشوف عربيتي وتشوف راية ايه في عربيتك عرفني
http://www.nilemotors.net/Nile/299871-a.html

الموضوع: اعمل عمرة ولا اشترى ماتور استيراد انقذونى من حيرتى

LinkBack

أدوات الموضوع

عرض

-

-

-

-

-

-

-

المواضيع المتشابهه

اعمل عمرة ولا اشترى ماتور استيراد انقذونى من الحيرة

اعمل عمرة ولا اجيب ماتور استيراد

اعمل عمرة ولا اجيب ماتور استيراد

اعمل عمرة ولا اجيب ماتور استيراد لعربية اونو

عمرة ام ماتور استيراد

الكلمات الدلالية لهذا الموضوع

المفضلات

المفضلات

ضوابط المشاركة