الموضوع: اعمل عمرة ولا اشترى ماتور استيراد انقذونى من حيرتى

المشاركة الأصلية كتبت بواسطة syd

اولا الموتور الأستيراد ضمانه شهر وليس اسبوع
ثانيا لا فائدة من الميكانيكي وانت بتشتري لأن الموتور زي البطيخة مش بيتعرف حلو من وحش غير لما يركب ويتجرب لمدة اسبوع
انت بس هتاخد ميكانيكي عشان يقولك دة ينفع ولا لاء
عشان يقولك انا عايز معاه كذا عشان بايظة عندك وبلاش تجيب كذا لأنها سليمة عندك
لا اكثر ولا اقل

نصائح بعد شراء موتور استيراد

1- تسيبه داير مدة ساعتين ولا تلاتة والعربية واقفة عشان يلين بعد ركنة السنين
2- تغير فلتر البنزين بعد اقل من 1000 كم
3- تغير زيت الموتور بعد اقل من 1000 كم (يستحسن 500 او أقل) وتغيير الفلتر ايضا
4- المتابعة الدورية كل يوم لمستوي الزيت ولونه لمدة اسبوع او اكثر
5- تغيير البوجيهات بعد تغيير الفلتر والزيت
6- المشي بسرعات منخفضة نوعا ما في اول يومين بعد التركيب (كنوع من التليين)

لا تقلق اذا لاحظت انه مش مظبوط بعد التركيب

لو انت من الهرم او تقدر تعملها في الهرم انا اعرف ميكانيكي فولكس كويس في اخر الهرم

والله المستعان
،
،

انا سمعت كمان ان لو عربيتك كاربيتير فى ناس بتحط زيت موتور فى تانك البنزين حوالى ربع كيلوا على التفويلة

المشاركة الأصلية كتبت بواسطة ibnelfared

كلفتك كام العمرة أخى وهل هو ممكن يشتغل فى العربيات اللادا

هو واخد 3000 لغاية ما نتحاسب
وللاسف بيشتغل في فولكس بس

المشاركة الأصلية كتبت بواسطة ibnelfared

جزاك الله كل خير شكرا أخى وبارك الله لك فى سيارتك وكفاك شرها

شكرا جزيلا
وربنا يكرمك وتاخد القرار الصح لعربيتك