اعمل عمرة ولا اشترى ماتور استيراد انقذونى من الحيرة

السلام عليكم ورحمه الله وبركاته
انا معايا عربية فولكس فاجن بولو موديل 97 معايا بقالها سنها
مشكلتى ان بحكم اكتر من ميكانيكى ماتور العربية خفيف وبتاكل زيت والدنيا غرقانه زيت الحيرة بقى فى الحل وانا خبرتى محدودة جدا فى اراء تقولى عمرة للماتور يرجع احسن من الأول ( ميبقاش ابنك على كتفك وتروح تدور علية ) واراء تانيه تقولى لأ العمرة مش بتنفع فى العربيات الألمانى بالذات الحديثة وهتفتح معاك فى الفلوس جامد الأحسن انك تجيب ماتور استيراد حالته كويسة ( شراء العبد احسن من تربيته ) فأنا بجد مش عارف اعمل اية وخايف اعمل عمرة متنفعش وتفتح معايا وأندم وخايف اجيب ماتور استيراد يطلع مش كويس مع ان الميكانيكى اكدلى انه بيتاعمل مع واحد ثقة وأكدلى ان الماتور هيبقى كويس لكن تبقى مشكله اثبات الماتور فى الرخصة امامى بدون حل لأن كتير قالى انها صعبة جدا ارجووووووووووووووووكم المساعدة

اشتري اريح واحد جديد استيراد عالاقل مش هيكون مفكوك قبل كدا وانت الغن ان عك الصنايعية خصوصا عن العط في الالماني لان معظمهم اخرهم دايو وهاينداي

ماتور استراد احسن واثباته مش صعب ولا حاجة

بص يا باشا من الاخر خد كلامى دة و متفتحش على نفسك فواتيح هتشترى الماتور استيراد بس (شورت بلوك) يعنى بدون دينامو و مارش و مناقول و ادوات التغزيه بيبقى موتور بس و هو دا الجزء اللى بايظ عندك انتا مش محتاج لحاجه تانيه طبعا الميكانيكى هيكركبلك الدنيا و يقولك لا هات موتور كامل بحاجته احسن عشان يدفعك مبلغ و قدرة 5000 جنيه و هيقلك بالفتيس كمان و انتا بسلامه نيه عاوز تشترى و تخلص من القصه دى ...... لا هات شورت بلوك ب 1500 جنيه من الحرفيين و تسقيطه ب 300 ج سواء موتورك 1000 سىسى او 1400 سىسى و اثباته سهل جدا مفيهوش اى مشكله دا مع التجديد _____ اما موضوع العمرة ماشى بس هتصرف اكتر و العربيه مش هتعجبك فى الاخر و على راى المثل شرا العبد و لا تربيته ليه توجع دماغك طالما الموتور موجود و منتشر ........ و لو عملت عمرة اوعى تقشط وش السلندر حط على الكلمه دى 100000 خط و الميكانيكى لو قالك هنقشط اعرف انو مبيفهمش و لا اشتغل فى العربيات دى قبل كدة

اشتري استيراد احسن
وانا مع رأي alzelafy هات شورت بلوك فقط
من غير فعلا اي ادوات تغذية سواء اسبراتير او مارش او دينمو اوبوابة اومانافولد او تكييف او باور او طرمبة مياة او شكمان بالحساس (لمبادا سنسور) او اي متعلقات تخص الموتور

انا عملت كدة وجيبت 1400 وكلفني بكل حاجة حوالي 2200 بس انا غيرت معاه مانافولد وشكمان وطرمبة مياة

مش هتحتاج تغير فتيس او كنترول او ضفيرة او اي حاجة

مجرد فك وركب

ربنا معاك ولو احتاجت اي حاجة انا عينيا ليك

والله المستعان
،
،

اشترى استيراد احسن بس متتسرعش اتفرج كويس وهات ميكانيكى ثقه

بص يا باشا انا معايا بولو 98 و كان فيها بردة نفس المشكلة بتااااااااكل زيت و ال4 liter بيفضل فى الماتور بضبض 1000 كيلو ... و قلت اعمل عمرة لما روحت للميكانيكى قالى دى عوزة جوان وش سلندر و كان فية بستم بايز بردة غيرتة ... و استلمت العربية و لينتها 1500 كيلو علشان البستم الغيرتة المهم بعديها العربية بقيد كويسة و مش بتاكل زيت كنت حاتيت زيت موبيل XHP لغايت 3000 كيلو و نازل كويس جداا و بعدها قولت اغير و احط موبيل 1 و هنا كانت المشكلة ان بعد 2000 كيلو لقيت مستوى الزيت اقل من الحد الادنى بكتير و حاليا بفكر اشترى واحد 1400cc او1600cc ... الاحسن بدل ما تعمل عمرة و هتدفع تقريبا 1500 مصنعية و قطع غيار و لسة لما الميكانيكى يفك انت وحظك و بعد كدة هترجع تفكر انك تغير الماتور فا وفر فلوسك و حطاها فى ماتور (شورت بلوك) هيكون احسن بكتييير

متشكر جدا ليكم على ردودكم ومساعدتكم