الحمد لله ربنا وفقني واشتريت فليشيا 97 نضيفة

**madvoodoo** · 29-05-2008 10:04 AM

السلام عليكم ورحمة الله وبركاته
سبحان الله وبحمد ،سبحان الله العظيم
سبحان الذي سخر لنا هذا وما كنا له مقرنين وإن إلى ربنا لمنقلبون

انا الحمد لله ربنا وفقني واشتريت فليشيا 97 سليمة الحمد لله من يومين العربية سنتر وكاست وسماعات بيونير فبريكة جوه بالكامل رشه نضافة من الخارج اللون كحلي عملة 11000 كيلو فرش الفبريقة بالكامل حتى التبلوه 4 كوتش جديد بصارية جدية انا شريها بـ 32500 جنيه هل السعر ده كده كويس على العموم الحمد لله. المهم اخوكم ديه اول مرة اشتيري فيها عربية خالص وحتي انا لسه بتعلم السواقة ربنا ييسرلي الحال المهم انا عارف ان عيوب العربية انها ناشفة شوية بس ده مش هيفرق معايا علشان ديه اول مرة اركب عربية فا مش هلحظها والعيب التاني انها بتسخن وده عالجة اننا نباشرها بالمية على طول بس انا ملاحظ ان العربية حرارتها بتثبت عند 80 أو 90 والقربة ملاينه على اخرها كده فيه مشكلة ولا حاجه.
انا مستني نصيحكو ليه وجزاكم الله كل خير
صحيح فيه مشكلة اني اشتري جنوط مستعملة ولو عايز منين وبكام النضيف مقاس 14

**tears** · 29-05-2008 11:18 AM

مبروك على العربيه وسعرها كده مناسب انت بس كل يوم تابع المياه والزيت كويس وسوق بهدوء تام لحد متحفظ العربيه كويس بس هى مفيهاش تكيف يبقى عمرها متسخن معاك انت بس نظف دورة المياه كويس وحط مياه خضراء كله هيبقى تمام

**madvoodoo** · 29-05-2008 01:01 PM

تسلم ياباشا وربنا يبارك فيك

**eng_mkhalaf** · 31-05-2008 07:43 AM

إلف مبروك وسعر كويس - وبداية موفقة فى عالم العربيات - بالنسبة للجنوط أهدى دلوقتى لحد ما تاخد على العربية وبعد كدة لو هتخليها وهتريحك أصرف زى ما أنت عايز عليها لأن إى حاجة هتصرفها مش راجعة تانى - وأبعد عن المستعمل فى الأساسيات خدها منى نصيحة يا أبن الحلال

**madvoodoo** · 31-05-2008 09:51 AM

الف شكر يا باشمهندس وربنا يجزيك خير على النصيحة الغالية

**mohamed ibiza** · 31-05-2008 07:16 PM

الف مبروك العسر ممتاز براحة لو الحالة حاوة كده فعلا

**dr.hany** · 31-05-2008 08:50 PM

مبروووك العربيه الجديده.وسعرها معقول( على حسب كلامك على حالتها).وربنا يكفيك شرها ويديلك خيرها

**SEATLOVER** · 31-05-2008 08:53 PM

الف مبروك و عقبال الاوكتافيا إن شاء الله
ربنا يباركلك فيها يارب ويديك خيرها و يكفيك شرها

**اسلام المصرى** · 01-06-2008 08:30 PM

بسم الله الرحمن الرحيم
ألف مبروك يا أخ madvoodoo :) ربنا يباركلك فيها و يعطيك خيرها و يبعد عنك شرها. ان شاء الله أختيار موفق.

**amir** · 01-06-2008 08:43 PM

الف مبروك و ان شاء الله العربيه تبسطك
بص بقي ما دام جديد في العربيات ادخل علي قسم الاسكودا راجع المواضيع عن الفيليشيا هناك و هتلاقي حاجات ممكن تفيدك
و الف مبروك

الموضوع: الحمد لله ربنا وفقني واشتريت فليشيا 97 نضيفة

LinkBack

أدوات الموضوع

عرض

-

-

-

-

المواضيع المتشابهه

ربنا وفقنى واشتريت متسوبيشى لانسر 2008

الحمد لله ربنا وفقني فى 320i موديل 2006

الحمد لله ربنا وفقنى واشتريت نيسان صنى 2007

الحمد لله ربنا وفقني وجبت تيدا

ربنا كرمني واشتريت مازدا 323

الكلمات الدلالية لهذا الموضوع

المفضلات

المفضلات

ضوابط المشاركة