-
اشتريت فيرنا النهاردة
السلام عليكم
اشتريت النهاردة فيرنا 2005 من سوق الجمعة 1500 نصف كماليات لونها فضى ب 42000 جنية فبريكة دواخل ورشة من الخارج
بس هى عاوزة شوية مصاريف خفيفة يعنى الزجاج مشروخ والكاوتش الخلفى عاوز يتغير وبعض الاجزاء الخارجية محتاجة تترش عشان فيها تجاريح
اية رأيكم ؟
تانى حاجة المحرك فية زى صوت نحرة او ونة بتاعة بلية وانا مش عارف سببها اية وصوتة خشن اوى
وكمان عاوز اعرف هل ينفع اركب ليها عدادات فيها rbm لأنها مفيهاش و عاوز اعرف هى بتاخد كام كيلو زيت لأنى عاوز اغيرة
وشكرا ليكم جدا
-
الف مبرووووك
بالنسبة للعدادات كان ahmedcar قال ان انت ممكن تركب عدادات الفيرنا الكاملة عادى و توصيلاتها موجودة او حل تانى فى موضوع اسمه تقريبا " تعالوا ندلع الفيرنا " للدكتور fawzy عامل عداد rbm
بالنسبه للزيت : هى تقريبا بتاخد من غير الفلتر 3.00 لتر و بالفلتر 3.30 لتر و شوف نوع الزيت ايه ..مهم جدا
مؤقتا ده اللى اقدر افيدك فيه و انتظر راى من هم اكثر خبرة
و الف مليون مبرووك ... ربنا يكفيك شرها
-
اولا ألف مبروك العربية
سعرها غالي شويتين بس مبروك عليك
هي عدادها عامل كام كم؟!
عدادات الفيرنا الكاملة تركب عليها بدون اي مشاكل توصيلاتها موجودة ودا الافضل لو انت عاوز عداد آر بي ام لأن العدادات اللي بتركب مش بتأدي وظيفتها بصورة جيدة
بالنسبة للزيت الفيرنا بدون فلتر بتاخد 3.5 لتر وبالفلتر بتاخد 3.45 لنر
لو عداد العربية مش معدي ال 100000 كم يبقا حط زيت تخليقي
لو معدي ال 100000 كم يبقا حط زيت متعدد الدرجات
-
-
الف مبروووووك وربنا يباركلك فيها ..
-
الف مبروك وربنا يباركلك فيها
-
الله يبارك فيكم جميعا و1000 شكر على المقابلة الحلوة دى
طب بما انى بقى عضو جديد عليكم و اول مرة ابقى فى قسم الهيونداى هبقى رخم واسأل كام سؤال عالسريع
انا دلوقتى غيرت الزيت والفلتر وحطيت موبيل عشان العربية عاملة 91000 كيلو وزودت زيت الفتيس كمان ..... بس لسة صوت المحرك خشن جدا جدا وواحد صاحبى بيقولى ان الصوت دة جاى من ناحية طلمبة الباور .... حد عارف ممكن تطلع بكام لو الصوت فعلا منها ؟
تانى حاجة انا ركبت عربية صاحبى دى ولقيت الدبرياج بتاعة ملبن وانا دبرياج عربيتى هو و الشاهين واحد ..... حد عارف ممكن يكون العيب من اية ؟
اخر حاجة واهم حاجة انا سافرت النهاردة انقل رخصة العربية ولقيت ثبات العربية على السرعات العالية وحش اوى اوى انا كان معايا قبلها دايو وبصراحة مفيش الكلام دة وكمان انا جايبها بجنوط اسبور وكاوتش بريدجستون يعنى حاجة محترمة ..... اية الحل دى بعد ال 110 بتبقى عاوزة تطير من على الارض ؟
وشكرا مقدما لكل فيرناوى
-
ألف مبروك
حضرتك لازم تعمل صيانة سيور كاملة وتغيير 2 بلية سير كاتينة الثابتة والمتحركة
لسه عاملين الصيانة دى لفيرنا وجبنا قطع الغيار الأصلية سير باور وتكييف ودينامو وكاتينة و2 بلية سير كاتينة من موزع معتمد لأن فى التوكيل بيضيف 10% وعملوا فى حدود 500 وشوية تقريبا والعربية ظبطت وعاملة 100 ألف كم بس بصراحة كننا جايبنها جديدة ومحافظين عليها
وتغير زيت الباور وزيت الفتيس تنزله كلله وتستعمل موبيل أو شل 90 لأن ممكن تلاقى اللى فيها 140
وطبعا البوجيهات يفضل تكون الأصلية ngk
هترصص وتظبط زوايا والأفضل إنك تجيب 4 جنوط استيراد حديد زى ماعملنا عندنا وهما نفسهم بتوع الدايو بس تنقيهم وتفحصهم على جهاز ترصيص
وألف مبروك
-
الحمد لله انا عرفت العيوب دى كانت من اية و دى تجربتى يمكن حد يستفيد منها
اولا الصوت الخشن طلع فعلا من طلبمة الباور والميكانيكى جربها بأنة فصل السير بتاعها و شغل محرك العربية ولقيت فعلا الصوت اختفى واشتريتها ب 150 جنية استيراد و20 جنية تركيب
الدبرياج بيقولى ممكن يكون عاوز طقم دبرياج بس مش متأكد ومش عاوز ينزل الفتيس على الفاضى
اما بقى مشكلة اهتزاز العربية على السرعات العالية فأنا روحت لعفشجى محترم وغير 4 جلب مقصات و2 مسمار ميزان و 2 بيض دركسيون و ظبط زوايا وربط العفشة كلها والحمد لله العربيية بقت احسن من الاول بكتير جدا جدا واتكلفت 300 جنية بالمصنعيات
و 1000 شكر لكل من شرف موضوعى
-
الف مبروك ياباشا سعرها معقول وان شا الله ربنا يديك خيرها ويكفيك شرها والفيرنا معايا عربيه ممتازه واللون الفضي مالوش حل
Content Relevant URLs by
vBSEO 3.6.0 PL2