المشاركة الأصلية كتبت بواسطة rompo10
احنا طبعا عارفين ان اوكتافيا فيها عيب فتيس لو ماغيرتش الزيت بس في حاجه غريبه حصلت لسه مركز فيها دلوقتي البدايه انا شاري اسكودا a4 من سنه ونص تقريبا صاحب العربيه صاحبي وقالي الفتيس بايظ بيعمل الحركه الشائعه اللي كلنا عارفنها ان الفتيس بيفصل وانت ماشي وبعدين ياخد الغيار لوحده ويرزع المهم قالي انا هاغير الفتيس الاول وبعدين خد العربيه قلتله ماشي نزل فعلا غير الفتيس وجابلي العربيه وقالي الفتيس الجديد بيعمل نفس الحركه اتصل بالراجل اللي غير عنده الفتيس وهو نفسه الميكانيكي اللي غيره قاله تعالي بكره في المره دي رحت معاه وراح مغير زيت الفتيس والفلتر بتاعه والفتيس اتظبت وشغال زي الفل لغايه دلوقتي الحمد الله انا قلتله طيب انت ماعملتش كده ليه في الفتيس القديم وهي هي نفس الحركه قعد يلف ويدور عليا وقالي في الاخر دا شغلي وانا عارفه يبقي يا جماعه الفتيس مش بيحتاج يتغير هو بيحتاج تغير زيت فقط وفلتر ويرجع زي الاول تاني دا اللي استنتجته من اللي حصل حد عنده راي