الموضوع: يا رجالة افيدونى من فضلكم اشترى فلوانس ولا لا

المشاركة الأصلية كتبت بواسطة mohab.nabil

ههههه عندك حق و الله

و بيقولك ايش جاب لجاب يعنى مش عارف اقول ايه بصراحة ..

يعنى حتى لو شايف الفلوينس مش حلوة بس يعنى ايه متتقارنش بالسيراتو ؟؟

ربنا يهدى

متقولش حاجة يا استاذ مهاب كفاية ربنا يهدى

كيا سيراتو من صفر لـ 160 كيلو فى 36 ثانية... 100/100 :) حقيقى لاتقارن

المشاركة الأصلية كتبت بواسطة raedegypt

مش اى كلام يتقال ياعباس العربيه دة سامسونج كورى اصلآ متجمه فى تركيا وعليها علامه رينو مين فهمك انها اروبيه ؟؟؟؟؟ ولا هو اى كلام وخلاص

طبعآ السيراتو والالنترا افضل .. سحب الفلوينس تجميعه ضعيف وتابلوة ودواخل وصوتيات فقيره بالمقارنه بالالنترا والسيراتو اش جاب لجاب. انتشار افضل وقطع غيار متوفر اى ميكانيكى بيشتغل فيهم لو عايز غيار مقطع مستعمل موجود ومتوفر بالنسبه للرينو انسى الكلام دة خالص سكه توكيل فقط :b4_564:

تجميع الفليوينس بطء سنه بس هي مش ضعيفه انا بشد بيها مع عربيات كتيره والحمد لله مش بتكسفني

هي مشكلتها الكيك دوان استجابته مش فوريه زي عربيتي الاوبل بس فعليا هي مش ضعيفه

اما عن الكماليات فمن الواضح انك مركبتهاش هي زرايرها قليله مش زي راديو المازدا مثلا 400 زرار
السيراتو والالنترا مش وحشيين ابدا

ام موضوع انها كوري فده غلط هي بتتباع في كوريا باسم سامسونج وديه مجرد حاجات تجاريه لان رينو صاجبه العلامه ومن حقها تبيعها بالعلامه اللي تريحها .

لكن تصميمها من رينو وكان ظهر قبل كده في معرض مش فاكر اسمه بصراحه

وتجميعها في تركيا زيها زي الميجان لاسباب اقتصاديه بحته عشان السعر ميكونش عالي زي باقي الشركات اللي بتجمع في حتت كتير فولكس بتجمع في المكسيك عشان السوق الامريكي وغيرهم

يعني ممكن تقولي انها في رايك الشخصيه عربيه شكلها وحش او غير لكن الفروق التقنيه بتحكمها ارقام مش عواطف

المشاركة الأصلية كتبت بواسطة waleed_fathy

يا جماعة الله يخليكم بلاش تحيز للعربيات(الي هى حديد مش ذات صلة قرابه بحد)
يا ريت اللي بينصح ينصح لوجه الله
السائل هياخد قرار هيدفع بناءا عليه ما يقرب من 150 الف جنيه فا يا ريت اللي ينصح يتقي الله فى كلامه و يعرف انه مسئول امام الله عن هذا الكلام

بدون زعل انا ركبت السيراتوا زيرو مع واحد صحبي ياريت محش يقارنها بالفلوانس الموضوع مختلف و و الله ده كان رائي صديقي صاحب السيراتو ان لم يكن نص كلامه

الفلوينس نصيحه مني لوجه الله افضل من السيراتو في راحه الركاب وراحه اللي بيسوق ومقارنه سياره بسياره مش عيب طالما نفس الفئه (سياره سيدان عائليه صغيره)

كون ان شكلها احلي او اوحش ده راجع لذوق اللي بيشتري.

طيب ايه رأيكو فلوانس ولا لانسر شارك؟؟؟

المشاركة الأصلية كتبت بواسطة engtmk

الفلوينس نصيحه مني لوجه الله افضل من السيراتو في راحه الركاب وراحه اللي بيسوق ومقارنه سياره بسياره مش عيب طالما نفس الفئه (سياره سيدان عائليه صغيره)

كون ان شكلها احلي او اوحش ده راجع لذوق اللي بيشتري.

و الله انت راجل محترم و بتفهم بجد
حيث كده بقى اسمحلى اتجرأ و اسالك فلوانس ولا لانسر شارك هاى لاين و اظن دى بقى المقارنة اللى بجد

بص ياباشا علشان تعرف القيمه الحقيقيه للسيارة علشان تعرف تقارن
الفلوانس كورى ومتجمع فى تركيا والسيراتو والالنترا كورى
الفلوانس هنا فى السعوديه 52 الف ريال والسيراتو 58.5 الف ريال نفس الفئه ... خلى بالك السيراتو اعلى منها فى السعر واقوى منها فى حركه البيع زى الهيونداى ولاتقارن مع رينو بالمره
قطع غيار الرينو كله غالى وكله بيكون اصلى ومجمعلك حاجات فى حاجه واحده علشان تدفع مبالغ فى حاجه يمكن عايز منها مسمار ولا حته فقط بالمقارنه مع السيراتو والالنترا علشان منتشرين فتلاقى متوفر اصلى وصينى ومقطع من سيارات حوادث فالموضوع هنا بيختلف ...