الموضوع: يا رجالة افيدونى من فضلكم اشترى فلوانس ولا لا

لصاحب الموضوع......للتوضيح بس أنا مش بقولك أشترى فليونس أو غيرها........انا بس حابب أعرفك كويس بالشخص اللى بيمجد فى الألنترا و السيراتو.

أدخل أى موضوع ليه.............و اياً كانت المقارنة.........هتلاقيه بيقول إلنترا بغض النظر عن العربية اللى داخلة معاها فى المقارنة........لدرجة أنه من سنة او أكتر شوية كان بيهاجم كيا كمان ( بغض النظر عن العلاقة بين الشركتين ) و لما الناس مسكتها عليه أبتدى يمجد فى كيا مع هيونداى.

و بعدين هو بيتكلم على سوق السعودية.........انت ملكش علاقة بسوق السعودية.............ليك علاقة بسوق مصر..........يبقى الأوقع يكلمك على سوق مصر.........و الأفضل أنك متسمعش أصلاً لكلامه.....حضرتك أدخل على مختلف مواضيع قسم رينو و شوف أسعار قطع الغيار بنفسك للموديل الأقدم اللى هو الميجان.....و أنزل الحرفيين و شوف قطع غيار الميجان أستيراد عاملة أزاى.........و بالمرة تشوف قطع غيار للفليونس.

و برضه علشان تعرف أن مش كل الكلام صح.......أدخل على موقع أسمه درايف أرابيا......و بعد كده على حاجة أسمها التيمات كار باير جايد......شوف سعر السيراتو 1.6 هتلاقيه من 49 لحد 60 ألف درهم
و الفليونس 1.6 هتلاقيه من 53 لحد 64 ألف درهم

يعنى ممكن يكون بيقارن أعلى فئة فى كيا بأقل فئة فى الفليونس.

أخر حاجة..............موضوع التابلوه و الدواخل و الصوتيات ده موضوع.........أقل ما يقال عنه أنه كوميدى.

هتلاقى فى نفس الموقع تقرير عن كل عربية......و من ضمن عيوب السيراتو الأتى hard cabin plastics
فى الفليونس هتلاقى some hard cabin plastics يعنى بعض الأجزاء بس مش كل البلاستيك اللى فى الصالون كما هو الحال فى السيراتو............و ده كلام الموقع مش كلامى.

لو حابب قوى يتكلم على الإنتشار..خليه يجاوب على السؤال التالى

علل عدم إنتشار سيارات هيونداى فى الإمارات ؟؟؟؟

أنت كل اللى ممكن تعمله حالياً هو الأتى
1- أسال على قطع غيار كل عربية و صيانتها بتتكلف كام و بتتعمل كل كام كيلو............يعنى رينو هتلاقى صيانات 10 و 20 و 30 مدفوعة و 5 و 15 و 25 الخ مجانية.
2- أسال على قطع غيار الأتنين برة التوكيل
3- أطلب تست درايف و قرر بنفسك........و ده متاح فى الفليونس.......بس معرفش بالنسبة للألنترا أيه.....و اعتقد برضه بالنسبة للسيراتو هيكون متوفر لأنه نفس التوكيل بتاع رينو.


أنا مش بهاجم ولا هيونداى ولا كيا...........و لا أنا متحيز للفليونس..........انا بس فاض بيا و مليت :)

باشا ما إنت عارف الي فيها كل مشاركة بتمنها