قول لنا بصراحة ... أية هى عيوب شخصيتك؟

**Ghosts** · 28-01-2012 02:11 AM

المشاركة الأصلية كتبت بواسطة ahmed ezz

معنديش ثقة في نقسي

يعني مثلا لو مع مجموعة شباب اول مرة اقعد معاهم احس انهم مش طايقني او بيتريقوا عليا في الخفاء

و عصبي عصبي عصبي لاكثر الحدود

مكسر في 2011 3 موبايلات

واحد صاحبي بعد ماتش بيتصل بيا يستفزني رزعت الموبايل في الحيطة و مرة تانية نفس الكلام

مرة تانية بتصل بواحد و عمال يكنسل عليا و انا عايزة ضروري رزعت الموبايل في الحيطة

مكسر كيبورد لسة بسبب تهنيجة في الجهاز

دة مش كويس على صحتك ....
مفيش حاجة فى الدنيا تستاهل العصبية دى كلها ....

**Mahmoud Nagieb** · 28-01-2012 02:13 AM

عندى كام عيب بحاول اصلحهم ومش عارف:

1-عصبى وبالذات لما بكون قدام واحد ذكائه اقل منى او مش فاهم اللى بقولهوله

2-عندى مشكلة مع البنات المستفزة .... والموضوع ده كان هيشيلنى مادة بسبب ان المعيدة كلمتنى بطريقة معجبتنيش روحت شايط فيها فى وسط السيكش ( لو كان راجل مكنتش عملت كده )

3-دماغى ناشفة وده بيشيلنى الغلط فى احيان كتير

4-باكل كتير جدااا (انا مش تخين بس هيا ده طبيعة جسمى) وبدأت احس ان الموضوع بدأ يقلب حسد وعيون وكده ... عاوز اقلل اكلى قدام الناس علشان بدأت اخاف بصراحة

**AhMeD EzZ** · 28-01-2012 02:16 AM

المشاركة الأصلية كتبت بواسطة Ghosts

دة مش كويس على صحتك ....
مفيش حاجة فى الدنيا تستاهل العصبية دى كلها ....

للاسف فعلا و دايما ضغطي بيبقي عالي بغباء بحاول اقلل منها دلوقتي و عمار اهري في Stress ball :)

**Ghamrawy** · 28-01-2012 02:20 AM

الخلق الضيق
سرعة الملل
عدم الرغبة فى الاختلاط بالناس احيانا

**Ghosts** · 28-01-2012 02:27 AM

المشاركة الأصلية كتبت بواسطة ghamrawy

الخلق الضيق
سرعة الملل

مع أن الناس فى أسكندرية رايقييييييييييين أوى ....
و سرعة الملل دة عيب خطير أوى وخصوصآ للسادة المتجوزين ....

**rompo10** · 28-01-2012 02:30 AM

فكرتوني بحاجه مهمه انا بزحق من الحاجه بسرعه يعني اي حاجه معايا اسبوعين واتخنق منها عشان كده خايف اتجوز اتخنق من مراتي بعد شهر ولا حاجه وهي مالهاش زمب

**Ghamrawy** · 28-01-2012 02:33 AM

المشاركة الأصلية كتبت بواسطة Ghosts

مع أن الناس فى أسكندرية رايقييييييييييين أوى ....
و سرعة الملل دة عيب خطير أوى وخصوصآ للسادة المتجوزين ....

فين الروقان ده بس ؟
اسكندرية بقت بشعة فى كل حاجة بداية من الناس لغاية الكلاب و القطط الضالة اللى فى الشارع

انا مش متجوز او كنت متجوز بمعنى ادق و مش بافكر اتجوز تانى كمان

انا كده زى الفل الحمد لله

**Ghosts** · 28-01-2012 02:38 AM

المشاركة الأصلية كتبت بواسطة rompo10

فكرتوني بحاجه مهمه انا بزهق من الحاجه بسرعه يعني اي حاجه معايا اسبوعين واتخنق منها عشان كده خايف اتجوز اتخنق من مراتي بعد شهر ولا حاجه وهي مالهاش ذنبب

أنا كدة بردو ....
أنا كل ما أفكر بس أنى هقعد مع واحدة باقى أيام حياتى بحس أنى هتجنن ....

**فتح الباب** · 28-01-2012 02:42 AM

المشاركة الأصلية كتبت بواسطة ghosts

أنا حسيت أن شخصيتنا متقاربة لما قريت أول مشاركة ليك ....
أة نسيت أقول على حاجة كمان ....

أنا معنديش وسطية ....
يعنى لما أحب بحب بجنون ولما بكرة بتبقى كراهيتى شديدة جدآ ....
أكيد أنت بتعانى من نفس المشكلة دى ....

تمام كده بالظبط (هو انت انا ولا ايه)ههههههههه اه النسيان كمان عندى بشده

**Ghosts** · 28-01-2012 02:50 AM

المشاركة الأصلية كتبت بواسطة tjp

تمام كده بالظبط (هو انت انا ولا ايه)ههههههههه اه النسيان كمان عندى بشده

دة مش نسيان عادى اللى عندى يا tjp ....
دة بعيد عنك الزهايمر لكن فى حاجات بحاول أنساها بس مبعرفش زى تجارب الحب الفاشلة و الظلم ....

بس أنا شايف أن النسيان وسط كل المتاعب و الضيقات اللى عايشين فيها مش عيب دة ميزة ....
السعادة هى صحة كويسة وذاكرة ضعيفة ....