الموضوع: قول لنا بصراحة ... أية هى عيوب شخصيتك؟

عيوبى كتيييير جدا
بس الحمد لله بحاول اطور من نفسى.. كنت عصبى وحاليا قمة فى الهدوء وحتى لما باعمل نفسى متعصب ببقى تحت سيطرتى ومابقتش بتهرب منى زى زمان
العيوب
مدمن اغانى ومش عارف ابطلها..مدمن مدمن بمعنى الكلمة
خجول زيادة عن اللزوم اوى ووشى بيحمر من ابسط حاجة وممكن اجى على نفسى عشان ماجرحش اللى قدامى واكتشف فى النهاية ان دا غلط
والحكاية دى مأثرة جامد فى حياتى ومخليانى شخص انطوائى جدا جدا جدا
واللى يزيد الطين بلة مابثقش فى حد غير عيلتى ومابحبش حاجة اسمها صاحب انتيم لانى مؤمن بأن اسرارى لنفسى وبس

عقلى متفتح جدا جدا لدرجة لا تتخيلها الا فيما يخص حريم سيادتنا عقلى متحجر لاقصى درجة يعنى ماحبش حد يبصلهم ولا احب واحدة منهم تضحك بصوت عالى مثلا حتى لو غضب عنها ومافيش نقاش عندى فى الحاجات دى

المشاركة الأصلية كتبت بواسطة ghosts

و كأنى أنا اللى كاتب المشاركة دى ....
بس لية بتعتبر حب الأغانى عيب فى شخصيتك ؟؟!!

دة الموسيقى غذاء الروح ....
و بتفق معاك أنة غلط جدآ جدآ جدآ أنك تيجى على نفسك عشان متجرحش اللى قدامك ....
دة فعلآ عيب خطير ....

عارف ... أنا فى يوم من الأيام لقيت نفسى خاطب واحدة مبحبهاش خالص عشان مقدرتش أجرحها و أقولها حقيقة مشاعرى ....

حسيت أنها بتحبنى فمرضيتش أنى أجرحها وحاولت أوهم نفسى أنى بحبها ....
لكن معرفتش أكمل التمثيلية دى و فسخت الخطوبة بعد شهرين ....

ومش عايز أدخل فى تفاصيل فسخ الخطوبة اللى ملهاش أى لازمة دى ....
بس فعلآ أتبهدلت ....

وكل دة لية ؟!
عشان مقدرتش أجرح مشاعرها ....

مع أنى لو كنت صارحتها من الأول مكانش كل دة حصل ....
بس أنا الحمد لله أتغيرت خاااااااالص بعد اللى حصلى ....
بقيت بجح ....

من زاد عن حدة اتقلب ضده
ومدمن اغانى دى كلمة قليلة
ممكن تقول بقيت تحت تأثيرها بدرجة لا تتصورها

وخايف حكايتك دى تحصل معايا لانى لو اتحطيت فى موقفك ممكن ماعرفش انفد منها
انا من النوع دا فعلا
باوزنها بالعقل الاول ولو لاقيت اللى قدامى غرضه شريف مابقدرش ازعله
ودا عيب خطير وحكايتك مثال عليه ...معرفش علاجها ايه بس حاسس انها بالخبرة وخصوصا انى ماليش تحارب حياتية كتير وكل خبرتى تحليل مواقف غيرى مش اكتر :)