عايز ابعت شكوى لوزير الداخلية و عايز ارفع عليه قضية !

**bmw3m007** · 28-01-2012 01:02 AM

الموضوع ممكن كتير يشوفو انه بسيط و مش مستاهل
انما بصراحه لو هنمشيها بالمنطق ده البلد عمرها ما هتتعدل

الموضوع عن استغلال ضابط شرطه لسيارة الشرطة في خدمة سيادته و زوجاته و اولاده
ده غير انه سيء السمعه

المهم الي يهمنا في الموضوع العربيه الي هو مش جايبها من جيبه علشان يشغلها لخدمة جنابه
و هو اصلا كان امين شرطة و ذاكر حقوق و اتحط في المسطحات المائيه
و اعتقد دي حاجه قليلة في الشرطة يعني
انما دايما بيتعامل مع الي ميعرفوش على انه من الامن العام !!!
المهم ان العربية دي ليل قبل النهار رايحة جاية توصيلات و توصيل طلبات و كمان مشغلها عربية نقل !
امال لو كان ضابط شرطة بجد يعني في القسم ولا مباحث كان عمل ايه ؟!!!

المهم انا بعت اكتر من شكوى على موقع الانترنت بتاع الداخلية بالصور و الفيديو و مفيش فايده و كبرت دماغي و قلت يلعن ابو المال العام انا عملت الي عليا و خلاص

الي حرق دمي و خلاني افتح الموضوع تاني مش استمراره في استغلال العربية لأ
انما لسببين :

الاول انه كتب على ازاز العربيه من قدام ( إفترا EFTERA ) بالانجليزي
طبعا انا لما شفتها اتصدمت افترا ازاي يعني هو العادلي ولا ايه !
و ازاي اصلا يفيم و يكتب عالازاز , ده ولا الملاكي !ّ!
الي زيه يستخبى و هو بيستغل سلطاته و بيستغل المال العام ده

المهم انا حاسس انه احنا السبب لو الناس حطت الموضوع ده في دماغها هنمنعه الى الابد
و على فكرة لو مثلا بيعمل حاجه واحده بالعربيه وخلاص مكنتش اهتميت كده
انما لأني اعرفه و لانه سمعته مش تمام بدون الدخول في تفاصيل ( هدخل فيها لو هبعت الشكوى للوزير طبعا )

المهم كمان اني واثق ان الوزير الجديد محترم و انه عايز يظبط جهاز الشرطه

و حاسس ان الشكاوى مش بتوصله او بتوصل لناس مش مهتمين او شايفين الموضوع هايف

المهم انا صورت الكلمة العجيبه الي كتبها دي و عايز ابعت شكوى جديده
للوزير بنفسه بس مش عارف ازاي ؟
هل ابعت جواب مسجل بعلم الوصول ؟
طيب ايه العنوان ؟

-----------------

اما عن اني عايز ارفع عليه قضية فالسبب هو وكلاء النيابة

اشمعنى ضابط المرور يسحب رخصتي و يسيب وكيل النيابة !
مع العلم اني عربيتي عليها فيميه لايت و ورا بس و الباشا معدي من نفس الكمين و انا اعرفه اتعظمله و عدى مع العلم انه عامل النمر نونو كده ( الارقام القديمة ) و الميزان طبعا هو الي واضح و عامل فيميه دارك للعربية كلها
المهم هو شاب زيه زيي معنديش مانع من الي هو عامله بالرغم انه المفروض انه الناس المنوط لها بتحقيق العدل بين الناس زي هيئة القضاء بوجه عام ميعملوش كده
و كده ده الي هو مخالفة قواعد المرور

المهم انا مش مشكلتي في وكيل النيابة لانه شاب زي ما قلت و ممكن يكون الشمس بتدايقه رغم ان احنا في الشتا يعني !
انا مشكلتي في ليه رخصي تتسحب طيب على حاجه ناس تانيه بتعملها عادي
ليه التفرقه دي
فين المساواه و العدل

ميخلوه مش ممنوع طيب !!

عموما انا ليا صديق وكيل نيابة ( مفيم برده بس لايت )

هتفق معاه هسجله العربية بأسمه و ارخص 3 سنين و اشتريها منه بتوكيل و اسيبها بأسمه
و هو هيوافق اكيد

و هفحم الازاز كله و الازاز الي قدام كمان البربريز الامامي نفسه
و هحط الميزان مكان النمر و هشيلها خالص
و مش دافع كارته
و هركب سرينه
و اي حد يقابلني هوقوله عربية ..... بيه
بس المشكله اني مش بحب الفيميه اوي كده يعني

بس هو كده وخلاص

و تحيا مصر و يحيا ... بيه حبيب قلبي

و هو بينصحني اكبر دماغي شويه و في نفس الوقت بيقولي لو مصر ييجي معايا و نطلع عالنائب العام
او ارفع القضية ( و في محامية بالفعل اسمع انها رافعة قضية بخصوص منع استغلال السيارات )

انا قلت اشارككم بالموضوع الاول
رأيكم ايه ؟

**opelawy** · 28-01-2012 01:06 AM

انتا تبقي ب 100 راجل لو عملتها !!!
متفق معاك قلبا و قالبا

**bakkarahmed** · 28-01-2012 01:10 AM

انا متفق معاك في ايجابيتك بس لازم تبقي اعصابك بارده شويه
الداخليه عندها بلاوي كتيره ومع مرور الوقت الحال هاينصلح ان شاء الله

**rompo10** · 28-01-2012 01:17 AM

فاااااااااااااكس لوزير الداخيله وبالنسبه للفاميه عليك وعلي الاعلام (تليفزيون وجرائد)

**Ghosts** · 28-01-2012 01:18 AM

أستنى شوية لحد ما نشوف هيحصل أية فى قضية مبارك ....
لو خد حكم عادل يرضينا أبقى أرفع قواضى على المسئول اللى يضايقك ....
ولو ماخدش يبقى الوضع هيفضل على ما هو علية و اللى مش عاجة يخبط راسة فى الحيط ....

**bmw3m007** · 28-01-2012 01:28 AM

المشاركة الأصلية كتبت بواسطة opelawy

انتا تبقي ب 100 راجل لو عملتها !!!
متفق معاك قلبا و قالبا

بصراحه اشكرك انت شجعتني اكتر و هعملها ان شاء الله

**bmw3m007** · 28-01-2012 01:29 AM

المشاركة الأصلية كتبت بواسطة bakkarahmed

انا متفق معاك في ايجابيتك بس لازم تبقي اعصابك بارده شويه
الداخليه عندها بلاوي كتيره ومع مرور الوقت الحال هاينصلح ان شاء الله

و الله يا فندم انا هادي و كنت نسيت اصلا رغم اني لما بشوف العربية يوميا بتنرفز جدا

و الي دايقني و خلاني اتكلم الكلمه الي كتبها دي
افترا ازاااااااااي يعني هو مين !!!!

**bmw3m007** · 28-01-2012 01:32 AM

المشاركة الأصلية كتبت بواسطة rompo10

فاااااااااااااكس لوزير الداخيله وبالنسبه للفاميه عليك وعلي الاعلام (تليفزيون وجرائد)

ان شاء الله انا نويت احط الموضوع في دماغي و لو عالفاكس بإذن الله هبعت كل يوم 2

انما بالنسبة للاعلام لو عند حضرتك طريقه اوصل بيها اكون شاكر ليك جدا لأني معايا امتر من 15 فيديو بكاميرا ديجيتال صوت و صوره عايز انشرهم

**bmw3m007** · 28-01-2012 01:34 AM

المشاركة الأصلية كتبت بواسطة Ghosts

أستنى شوية لحد ما نشوف هيحصل أية فى قضية مبارك ....
لو خد حكم عادل يرضينا أبقى أرفع قواضى على المسئول اللى يضايقك ....
ولو ماخدش يبقى الوضع هيفضل على ما هو علية و اللى مش عاجة يخبط راسة فى الحيط ....

هو للأسف انا مش مطمئن خالص لقضية مبارك و انا ضد محاكمتة مدنيا و المفروض يتعلق من غير اي حاجه اصلا هو و قبل منه العادلي بيه

الي فرحان بنفسه و بكابه و بنضارته

**rompo10** · 28-01-2012 01:39 AM

المشاركة الأصلية كتبت بواسطة bmw3m007

ان شاء الله انا نويت احط الموضوع في دماغي و لو عالفاكس بإذن الله هبعت كل يوم 2

انما بالنسبة للاعلام لو عند حضرتك طريقه اوصل بيها اكون شاكر ليك جدا لأني معايا امتر من 15 فيديو بكاميرا ديجيتال صوت و صوره عايز انشرهم

بالنسبه للجرائد هاتبعت الصور علي الجورنال وتكتب القصه وابعتها علي عنوان الحريده هاتجيبه من النت وممكن تنزل الفيديوهات علي اليوتيوب وهاتنتشر في ثواني وممكن تبعتها للبرامج زي العاشره مساء مثلا

الموضوع: عايز ابعت شكوى لوزير الداخلية و عايز ارفع عليه قضية !

LinkBack

أدوات الموضوع

عرض

عايز ابعت شكوى لوزير الداخلية و عايز ارفع عليه قضية ! - انشر الموضوع فى :

-

-

-

-

-

-

-

المواضيع المتشابهه

اقتراح وخطة متكاملة لوزير الداخلية لتطوير الميكروباص-خاص نايل موتورز

عايز ابعت جهاز كمبيوتر من بره مصر صعب ولا سهل وايه الخطوات

صورة مستفزة توجه رسالة لوزير الداخلية

رسالة لوزير الداخلية :أرحمنا من استهتار سائق النقل على الدائري

عايز ابعت رسالة موبايل جماعية لاصحابى ازاى؟؟

الكلمات الدلالية لهذا الموضوع

المفضلات

المفضلات

ضوابط المشاركة