##مش عايز ادفع ,مش عايز ادفع##

**Ahmed Samy** · 29-05-2008 10:29 AM

انا اعمل في احدى الجامعات المصرية
و لظروف الدراسة و العمل الخاص كان لابد من أخذ اجازة بدون مرتب

المهم اني و انا بجدد الاجازة لاقيت مطلوب مني دفع 2500 جنيه مصري عن كل سنة اجازة

و المبلغ هايزيد كل سنة مع زيادة مرتبى المفترض

المشكلة بقى .........

اني مش قادر ادفعهم

فعلا

ضميري معذبني و حاسس ان دول اخر 2500 جنيه في حياتي

لأنها فلوس انا عرف انها رايحة و مش جاية تاني

(تأمينات و معاشات)

طبعا انا هادفعهم و رجلي فوق رقبتي

بس امبارح اتفرجت على الطبعة الأولى (مع اني و الله مبطله من زمااان) و شوفت فلوس التأمينات المعاشات بيحصلها ايه و ان سيادة العقل المدبر للحكومة نصب شباكه حواليها و قرا فاتحتها خلاص (هوا مش بيقرا الفاتحة عموما) بس ناوي للفلوس دي يعني...

و سمعت اكمان ان فيه 90 مليار جنيه من الفلوس دي (مش لاقيينهم) اي و الله

90 الف مليون من عرق الناس و شقاهم (الحكومة مش لاقياهم)

و أنا بقى مفروض اروح ازود ال 90 مليار دول 2500 جنية

اللي طلع عليا بقى ساعتها هيستيريا (مش دافع يا ولاد الـ........... مش دافع يا لصوص.. مش داااااااافـــــــــــــــ ـــــــــــــــــــــــــ ـــــــــــــــــــــــــ ــع)

انا بجد هاطق

**Islam_galal** · 29-05-2008 10:43 AM

ربنا يصبرك و يصبرنا

**Dr Ahmed** · 29-05-2008 10:59 AM

بص حضرتك اشترى مكنة تصوير ليزر أو حتى الديسك جيت العادية ألوان وإعمل عشرين ورقة ميت جنيه وكملهم بفلوس حقيقية ، وياللا

هم هيعلمونا الإجرام أنا عارف بس يستاهلوا

**Islam_galal** · 29-05-2008 11:42 AM

د/ أحمد
إنت قولتلي دكتوراة في إيه؟

**polo61** · 29-05-2008 11:43 AM

بلطجة وفردة وضع كل المسميات
بس لازم تدفع عشان امورك تمشى
حسبى الله ونعم الوكيل

**Dr Ahmed** · 29-05-2008 11:54 AM

المشاركة الأصلية كتبت بواسطة Islam_galal

د/ أحمد
إنت قولتلي دكتوراة في إيه؟

ههههههههههههههههههههههههه هههه
الأفكار الجهنمية مش محتاجة دكتوراة
فقط أن تعيش فى هذا البلد الجميل

المشكلة إن لو نجحت الفكرة الواحد ممكن يطمع ويعمل له كام ألف ورقة وينزه نفسه من غير سفر ولا وجع قلب لحد ما يخلصوا ويعمل غيرهم ، بس عايزين دكتور تخدير كويس يخدر لنا الضمير تخدير كلى لأنه الحاجة الوحيدة اللى تمنع تطبيق الأفكار اللى يستحقوها بجدارة.

**memo_hefnawy** · 29-05-2008 12:12 PM

شوفتوه إمبارح و أنا داخل البيت لقيته شغال و بيتكلم على ال 90 مليـــــــــــار (يا حسرة على التأمينات إللى بتتخصم منى إجبارى)

لأ و خلص الموضوع ده و أنا مبلم قدامه ماقومتش حتى أغير لبسى ولا أتغدى عشان يقول على خبر أنيل و أضل سبيلا .............. إن الحكومة المبجلة بتخطط لبيع نهر النيل

لا تعليق لأن أقل تعليق هايكون متنافى مع القواعد و مع الأدب و الأخلاق و مع كل حاجة

**Islam_galal** · 29-05-2008 12:25 PM

بيع نهر النيل
و د. أحمد بيتكلم عن بنج للضمير

هل يجوز شرعا أن نعطي لجثة بنج؟

لو حد شاف ضمير يقوللي نفسي أتعرف عليه ، أصلي من يوم ما وعيت علي الدنيا و بيحكوا عنه و عمري ما شفته

**Hassan Khalil** · 29-05-2008 01:51 PM

الموضوع مش موضوع ال2500 جنيه بس بتاعة الاخ احمد سامي ..
انا فيه استاذ جامعي ضامن ليا في احد الاقساط .. لما رحت اخلص الورق لقيتهم بيقولولي مينفعش نخلصلك الورق علشان الضامن ملهوش رقم تأميني !!!!!
قلتلهم .. ازاي يا حضرات .. الراجل بقاله داخل علي 20 سنة في الجامعة .. ازاي ملهوش رقم تأميني ؟؟؟؟!!! .. قالولي منعرفش ...
طيب الفلوس اللي بتتخصم من مرتبه شهريا لحساب التأمينات .. بتروح فين بقالها 20 سنة ... منعرفش ..
يعني الراجل لما يطلع معاش مش حيلاقي حاجة .. قالولي يطلع رقم تأميني جديد و حنديله فلوسه بأثر رجعي !!!
************
فنصيحة ..كل موظف حكومي من دلوقتي يروح للجهة اللي هو تابع ليها و يراجع علي رقمه التأميني .. لأنه ببساطة .. الفلوس حتتخصم حتتخصم .. المهم هو .. انك لما ييجي الوقت اللي تكون مستني فلوسك .. تلاقيها ..
و عجبي

**أبو عبدالله** · 29-05-2008 03:14 PM

والله قبل ما الكلام ده يظهر في الاعلام وانا كنت بقول للناس انا متأكد انه هيجي يوم ونلاقي الحكومة بتقول هنلغي فلوس المعاشات واللي دفع من زمان خلاص لأن مفيش فلوس ندفعهالهم

وبرنامج الطبعة الأولى ده بقالي كام يوم متابعه
بصراحه والله بعد ما تتفرج عليه وتخلص تحس انك عاوز جاز وسخ وتولع في البلد دي بجد
انا مش قادر استوعب كمية المهاترات اللي احنا فيها
احنا لو مسكنا بند بند يكفي لحله سنوات وقرون طويلة

الموضوع: ##مش عايز ادفع ,مش عايز ادفع##

LinkBack

أدوات الموضوع

عرض

##مش عايز ادفع ,مش عايز ادفع## - انشر الموضوع فى :

-

-

-

-

المواضيع المتشابهه

عايز اعرف ادفع كام للمحامي

عايز عربية اوتوماتيك بـ60 الف ها ادفع منهم 50%

عايز فيكترا 2003 أو 2002 قسط ادفع مقدم 40 و قسط 1500

عايز فيكترا 2003 أو 2002 قسط ادفع مقدم 40 و قسط 1500

عايز لنسر بومة ادفع ثلث ثمنها و اقسط الباقى على سنتين و نصف

الكلمات الدلالية لهذا الموضوع

المفضلات

المفضلات

ضوابط المشاركة