مساعده ضرورى بخصوص جهاز توم توم

**ramsisthethird** · 28-01-2012 10:36 AM

صباح الخير ياجماعه. انا عندى جهاز توم توم gps الجهاز جميل جدا بس مسجل عليه خريطه امريكا وكندا فقط ياريت لو عنده اى برنامج ملاحه يكون متوافق مع توم توم ويكون عليه خريطه مصر وشكرا ليكم

**ehab98** · 28-01-2012 03:15 PM

لازم يا باشا تقول نظام التشغيل بتاع الجهاز لو عايز تغير برنامج الملاحة يعني وندوز سي اي مثلا و اي صادار منة 5 ولا 6 ولا حاجة تانية

و بعدين انت شاري جهاز اوريجينال و ها تغير برنامج الملاحة لية؟ طيب كدة يبقي انت دفعت فلوس علي الفاضي

افضل تدور علي خرائط التوم توم بتاعت مصر و تركبها علي البرنامج

**ramsisthethird** · 28-01-2012 09:52 PM

بصراحه مش عارف ايه نظام التشغيل بتاعه ومش عارف اعرف ازاى نظام التشغيل بتاعه. وانا دخلت على الموقع بتاع الشركه ومفيش خريطه لمصر علشان كده انا فكرت لوينفع انى اغير برنامج الملاحه ببرنامج جهاز تانى يكون عليه خريطه لمصر. والجهاز انا مش اشتريته من هنا ده واحد صاحبى كان فى امريكا اشتراه هناك وكان بيستخدمه هناك وهو جاى جابه معاه واعطاه لى. وانا بصراحه مستخسر ان الجهاز يترمى لانه فعلا جميل جدا ولو التوم توم ده نزل مصر وعليه خريطه مصر هيكون تمنه غالى.
عموما شكرا ياغالى على ردك وانا هفضل محتفظ بالجهاز ولو مش لقيت له حل هشترى الجهاز اللى 385 جنيه ده اللى بتكلموا عليه هنا فى المنتدى
وياريت على حد عنده فكره عن التوم توم يقولى نظام تشغيله ايه واذا كان ممكن يشتغل مع برنامج تانى او خريطه لمصر