تجربتى فى مرور فيصل -بعد الثورة

**aboomar22** · 28-01-2012 01:23 PM

بجد انا كنت ببقى شايل هم تجديد العربية خصوصا لما بيكون فيه فحص ودايما ببقى شايل هم اليوم ده المهم يوم الاربعاء توكلت على الله واخدت اخى معايا للمساعدة وذهب لمنطقة الفحص شاب اظن مجند لف حول العربية وقالى اتفضل ركنت ورحت الشباك وكان فاضى قلت يمكن لسه محدش موجود المهم لقيت نقيب اسمه تامر الحلو سال فين العربية شاورت عليها ختم الورق وبكل ذوق اتفضل يافندم لقيت واحد جه رفع البصمة وقالى واحد منكم يخرج العربية بره والثانى يروح يفحص الطفاية ويختم النموذج ايه ده خلاص كده ايوه الورق خلص فى 5 دقايق معقول شكرا للرجال المرور مع ان رئيس الوحدة زميل دراسة بس اتكسفت اخش اسلم لحسن تبقى محرجة وانا مبحبش المواضيع دى المهم رحت الشباك الخزينة فاضية ودى مش العادة ومفيش التهديد بقفل الخزينة كل شوية بس الزحمة كانت فى الشبابيك زحمة مفتعلة كل واحد واقف ومعاه اتنين وناس خلصت وبرضه واقفة مع ان اللى بتخلص رخصتة بينادوا عليه المهم الورق من تسليمه للشباك اخد حوالى 45 ذقيقة الى ساعة بس مكنتش مصدق الغريبة بقى محدش بيطلب حاجة والدنيا ماشية شكرا لرجال مرور فيصل شكرا المقدم باهر ابو رية رئيس الوحدة واتمنى ان يطبق نظام الارقام للشبابيك مثل البنوك كده - اه حاجة كمان نيابة المرور برضه مخدتش وقت نهائى بس المشكلة لازم تروح المرور وتجيب رقم العربية القديم ودى بتاخد 15 دقيقة باريت تكون عندهم قاعدة بيانات للارقام القديمة والجديدة

**movies** · 28-01-2012 01:33 PM

فين اخوانا بتوع "ادى اللى اخدناه من الثورة "

**نور القمر** · 28-01-2012 02:22 PM

الحمد لله اخبار مفرحة

**M.Al-Hefnawy** · 28-01-2012 02:23 PM

طيب ايه اخبار المخالفات هناك انا روحت اطلع شهادة مخالفات مرة طلعت روحي هناك

**Ralliart** · 28-01-2012 02:33 PM

سبحان الله هو رئيس الوحده ده جديد؟؟
انا جددت في شهر 11 وطلع عين اهلي في الزحمة بس لاول مررة في التاريخ الموظفين مطلبوش رشاوي الحمد لله
والمخالفات كانو ملبسني مخالفات معملتهاش في حتت مرحتهاش اصلاً

**Kareem.ElAraby** · 28-01-2012 04:12 PM

المشاركة الأصلية كتبت بواسطة movies

فين اخوانا بتوع "ادى اللى اخدناه من الثورة "

+1+1+1+1
سبقتني هتلاقيهم شافوها و عاملين ما شافوش حاجه :]

**aboomar22** · 28-01-2012 04:19 PM

والله يا جماعة ده اللى حصل معايا والزحمة كانت على الشبابيك فقط وصدقنى زحمة مفتعلة الناس بتسلم الورق المفروض تروح تقعد لا كل واحد برضه واقف بيزاحموا على شباك التسليم مع ان التسليم بينادو بالميكرفون انا اللى عجبنى اكتر معاملة الضباط هناك بجد مش متعودين على كده طيب اقول حاجة مكتبتهاش بتاع الطفايات قالى دى من 2007 والصلاحية 5 سنوات تبقى انتهت قلتله لا تنتهى صلاحيتها 2012 قالى ماهو 2007 تتعد رحت للضابط وريتوا الطفاية نادى عليه وقالة اقبل الطفاية ال5 سنوات لنهاية 2012