مواقف وطرائف وكانت هتقلب بكوارث

**المنسي** · 28-01-2012 02:35 PM

من عنوان الموضوع انا مش هقول غير انه مواقف بس من غير طرائف القصة على بعضها مشيت بالعربية وقربة المية غطاها مفتوح شفت احلى من كده لا والادهى مشوارين محترمين الاول من عند دريم بارك لغاية الطالبية هرم وركنت ساعتين ورجعت اخدت العربية ورحت مشوار فى كوبرى القبة على اعتبار خط السير كان كالاتى شارع الهرم - الملك الصالح - صلاح سالم - شارع احمد سعيد - واخيرا كوبرى القبة تفتكرو ايه اللى حصل واكتشفت الموضوع ازاى اولا وانا عند دريم بارك فتحت الكابوت ابص على قربة المية فتحت الغطا وبصيت لقيت المية تمام مفيش نقصان فيها ببص على البطارية لقيت كابل مملح جبت مية سخنة وحطيتها على الكابل عشان التمليح يروح المهم كان البواب بينظف العربية من جوة وانا مستعجل رحت بعد ماعملت كابل البطارية قفلت الكابوت وياله يابنى عشان مستعجل وجيت اقفل الكابوت مش راضى يتقفل والسبب القفل معلق قلت خلاص لما اروح مشوار كوبرى القبة ابقى ابص على القفل ودور وطير على الطالبية ونزلت وقعدت هناك ساعتين ونزلت ودورت تانى ومشيت رحت مشوار كوبرى القبة كل ده وانا فيا عادة انى وانا سايق لازم ابص على انوار التابلوه وابص على المؤشرات المهم عيني على مؤشر الحرارة الاقى يوصل ل 90 والمروحة تشتغل وتبرد وتفصل ومفيش ثوانى وترجع تشتغل تانى انا استغربت ومشيت على كده انا بسبب المية بتاعة العربية دى جوان وش سلندر ضرب منى قبل كده فعلطول موسوس المهم اول ماوصلت عند والدى فى كوبرى القبة قلت اشوف موضوع القفل بتاع الكابوت مش راضى يقفل ليه وكانت المفاجاة القربة مفتوحة والغطا محطوط على الصاج بتاع العربية انا شفت المنظر اتشاهدت ان محلصش حاجة الحمد لله ولقيت المية موجودة فى قاع القربة رحت مدور العربية تانى ومزود مية تانى وقفلت الغطا كويس وظبطت القفل والحمد لله انها جت على قد كده انا بحط مية خضرا ويمكن عشان كده المية نسبة تبخيره طبعا اقل من مية العادية فالحمد لله على كل حال

**EngAhmedSayed** · 28-01-2012 03:00 PM

الاول حمد لله على سلامتك
ثانيا اكبر غلط وتمشى و غطاء الكبوت مفتوح دة غلط قلى انتا عاملته ليه لانى مع السرعة العالية و تصدام الهوا ممكن يفتح غطاء الكبوت و بيقلب على البربيز وبيكسرو ومن هنا بتيبقى مش شايف حاجة و الخطة و الارتباك ممكن لا قدر الله يبقى فى مشكلة
الحمد لله انى هى جت سليمة
نصيحةمن اخوك بلاش تكررها تانى

موضوع المياة بتاعةالعربية انا الحمد لله لقيت ليها حل انى هى بتنقص لازم فى حاجة تقولك انى فى مشكلة فى دورة التبريد انا الحمد لله انتهيت منها نظرى وانا لسة طالع من عند العربية علشان كنت برفع مقاسات لانى قريبا هنفذها
لانى التشكيين او الالمان جم عند حتة كدة و استغبو جامد و هى انى ترومستات الحرارة مش على وش السليندر لا دة على المياة يعنى بتاخد درجة حرارتها من المياة طيب مفيش مياة يبقى مفيش حرارة يبقى مفيش حاجة تعرف بيها تعرف امتى بقى لما الدنيا تخرب اعوز بالله او عن طريق الصدفة ان شاء الله اول ما انتهى من التركيب و التجربة و اتاكد انى كل تمام هنزل بيها بموضوع مفصل و بالصور للاعضاء علشان نتلاشى العيب الخطير

صديقك و اخوك

يدعو لك
ان ربنا يحفظك من شر الطريق وكل سوق يارب العالمين

م / احمد سيد

**المنسي** · 28-01-2012 03:57 PM

المشاركة الأصلية كتبت بواسطة engahmedsayed

الاول حمد لله على سلامتك الله يسلمك
ثانيا اكبر غلط وتمشى و غطاء الكبوت مفتوح دة غلط قلى انتا عاملته ليه لانى مع السرعة العالية و تصدام الهوا ممكن يفتح غطاء الكبوت و بيقلب على البربيز وبيكسرو ومن هنا بتيبقى مش شايف حاجة و الخطة و الارتباك ممكن لا قدر الله يبقى فى مشكلة الغطاء مش مفتوح بالمعنى اللى وصل لحضرتك الغطاء القفل بتاعه مكانش قافل كويس يعنى حضرتك تحس ان غطاء الكابوت مفتوح بالبلدى موارب وانت عارف الكابوت لوحده كمان تقيل اد ايه
الحمد لله انى هى جت سليمة
نصيحةمن اخوك بلاش تكررها تانى
حاضر مش هكررها تانى ان شاء الله
موضوع المياة بتاعةالعربية انا الحمد لله لقيت ليها حل انى هى بتنقص لازم فى حاجة تقولك انى فى مشكلة فى دورة التبريد انا الحمد لله انتهيت منها نظرى وانا لسة طالع من عند العربية علشان كنت برفع مقاسات لانى قريبا هنفذها
لانى التشكيين او الالمان جم عند حتة كدة و استغبو جامد و هى انى ترومستات الحرارة مش على وش السليندر لا دة على المياة يعنى بتاخد درجة حرارتها من المياة طيب مفيش مياة يبقى مفيش حرارة يبقى مفيش حاجة تعرف بيها تعرف امتى بقى لما الدنيا تخرب اعوز بالله او عن طريق الصدفة ان شاء الله اول ما انتهى من التركيب و التجربة و اتاكد انى كل تمام هنزل بيها بموضوع مفصل و بالصور للاعضاء علشان نتلاشى العيب الخطير
المية الحمد لله مش بتنقص عندى كتير زى الاول لانى عملت دورة التبريد عندى بعد موضوع جوان وش السلندر ونظفت الردياتير وظبطت الدنيا وبقيت احط مية خضرا فدلوقتى المية كل فين وفين لما ازودها

صديقك و اخوك

يدعو لك
ان ربنا يحفظك من شر الطريق وكل سوق يارب العالمين
شكرا لدعوتك يابشمهندس وربنا يكفينا فعلا شر الطريق

م / احمد سيد

**EngAhmedSayed** · 28-01-2012 10:23 PM

المشاركة الأصلية كتبت بواسطة xmanx51

يااااااااااااه عملتها كتير اول ما بدأت اركب الفليشيا
وانا بردو في فكره في دماغي لسه عايز استشير فيها بعض الناس الي عندهم خبره في العربيات وهي عباره عن لمبه تنور اول ما الميه توصل للحد الادني في القربه

انا قربت اعملها قبل منك
واهخلصها و هيبقى اقولك عليها بس انتا استمر زى منتا
لانى هجرب والتجربةمش يوم وله اتنين لازم بتاع اسبوع علشان اتاكد من كفائتها
كل حاجة موجودة ناقص بس حاجة بسيطة هخلى الخراط يعملهالى علشان اركبها
وهقولكم عليها وهعملها فى موضوع منفصل و الشرح يبقى بالصور كمان
وربك المستعان

**atala** · 04-02-2012 01:24 AM

الاول حمد لله على سلامتك
ثانيا اكبر غلط وتمشى و غطاء الكبوت مفتوح دة غلط قلى انتا عاملته ليه لانى مع السرعة العالية و تصدام الهوا ممكن يفتح غطاء الكبوت و بيقلب على البربيز وبيكسرو ومن هنا بتيبقى مش شايف حاجة و الخطة و الارتباك ممكن لا قدر الله يبقى فى مشكلة

مرة كنت ماشي بالعربية والكبوت كان فعلا فيه مشكلة ما بيقفلش بس كنت في نفس اتجاه الريح وبعد ما خلصت المشوار وانا راجع عكس اتجاه الريح مرة واحدة الكبوت اتفتح ودغدغلي الزجاج الامامي المشكلة الكبري اني كنت بجري بالعربية ولما خبط الكبوت في الزجاج مرجعش تاني فمباتيش شايف حاجة غير الخضة طبعا هديت العربية لغايت ما وقفت وحمدت ربنا انا الطريق مكانش فيه لفات ومكانش فيه عربيات وإلا كنت بكلمكو دلوتي من العالم الاخر وبقيت دايما اتاكد ان الكبوت مقفول الحاجة الغريبة ان زجاج العربية كان اصلي الحمد لله يعني اتكسر بس موقعش منه حاجة خالص بس لما روحت لقيت نفسي متعور من ايه معرفش

**EngAhmedSayed** · 04-02-2012 06:54 PM

المشاركة الأصلية كتبت بواسطة atala

مرة كنت ماشي بالعربية والكبوت كان فعلا فيه مشكلة ما بيقفلش بس كنت في نفس اتجاه الريح وبعد ما خلصت المشوار وانا راجع عكس اتجاه الريح مرة واحدة الكبوت اتفتح ودغدغلي الزجاج الامامي المشكلة الكبري اني كنت بجري بالعربية ولما خبط الكبوت في الزجاج مرجعش تاني فمباتيش شايف حاجة غير الخضة طبعا هديت العربية لغايت ما وقفت وحمدت ربنا انا الطريق مكانش فيه لفات ومكانش فيه عربيات وإلا كنت بكلمكو دلوتي من العالم الاخر وبقيت دايما اتاكد ان الكبوت مقفول الحاجة الغريبة ان زجاج العربية كان اصلي الحمد لله يعني اتكسر بس موقعش منه حاجة خالص بس لما روحت لقيت نفسي متعور من ايه معرفش

دة قلى انا بقولة الكبوت ممكن يتفتح بفعل الهواء
وانا شارح نفس الموقف بتاعك
ربنا يستر