ايوة .. الجهاز ده اسمه الكاتاليزر .. و دي تقنية موجودة في كل عربيات بروتون .
علبة سودا فيها فحم نشط .
عرض للطباعة
بص يا سيدي .. العربية دي موتور لانسر بوما 4g18
الفتيس ملهوش مشاكل و لو اني كنت افضل انك تاخدها تكشف عليها في التوكيل افضل لأنهم هيدوك تقرير حالة متكامل ب 220 جنيه
انا بردو لسة كاشف علي واجا من يومين ربنا يكرم فيها و قالولي كل القطط الفاطسة اللي فيها مع التكاليف .. و ده بيديك مؤشر العربية تمام ولا تصرف النظر عنها
نرجع للمفيد .. المساعد سعره 600 جنيه في التوكيل ، طقم الباركنج سنسور ب 400
ماكنة القزاز سعرها 1300 جنيه
لو العربية كاملة بريميم ( فيها ايرباجات و مرايات ضم و abs ) ممكن سعرها يوصل ل 60 ألف .
و لو العادية ( بدون ايرباجات بدون مرايات ضم بدون abs ) يبقي سعرها يوصل ل 55 ألف .
التقييم الموجود ده أقصي تقدير ( يعني متزيدش عنه ) و كل ماتنزل عنه انت كسبان .
لو العربية سليمة دواخل و مش عاملة حوادث .. جبها و انت الكسبان .. اسعار العربيات الجديدة بقت فلكية و اللي معاه عربية سليمة ياهناه و يا سعده بيها :)
تحياتي
نور المنسي
اسكندرية
شكرا لردك انا صرفت نظر عن العربية لان لما شوفتها تانى مرة لاقيت حجات فيها مكنتش باينة اول مرة زى العفشة لقيتها سايبة وهو بيقول انها عبارة عن جلد مقصات والتكييف مشتغلش مع العلم انة كان شغال اول مرة
ولكيت فيها توكيل مع انه كان بيقول مفيهاش والتوكيل فيه رقم الشاسية مكتوب غلط
فحسيت ان العربية فيها لعب كتير فصرفت نظر عنها
وشكرا ليك على تعبك معايا
ويا ريت لو قدامك واجا حالتها نضيفة ابقى بلغنى لانها عجبانى وبضور على عربيه نضيفة منها
محمد سمير
تليفونى 01220517202
انا كنت عايز اعرف مميزات وعيوب بروتون واجا وويرا والفرق بينهم و افضليه توافر قطع غيارهم و هما احسن ولا حاجه زي اوبل كورسا
وياريت لو بروتون ويرا و واجا 2004 - 2005 حالة جيدة يعملوا بتاع كام دلوقتي
استاذ نور شكرا لردك
انا قدامى دلوقتى واجا 2007 مانوال العربية فابريكة بره وجوة بس فيها خبطة فى غطاء الشنطة عند فانوس الفرامل وبها خبطة خفيفة عى الرفر الشمال قدام والاكصدام الامامى مفكوك ( شكل العربية واخدة ترييحة من الامام بس مش مقصرة على الشنب او خوض الماتور )
فكنت عايز اعرف ماكيتة الزجاج ثمانها كام ولو ينفع يركب لها ماكينة عاربية تانية ولا لأ والاكصدام الامامى لو هيتغير ثمنة كام
الماتور خالتة كويسة والعفشة مش بطالة التكييف يعمل بكفاءة
ماكينة الزجاج الشمال لا تعمل
العربية ماشية 111000 كم
مطلوب 45000 مع العلم ان الرخصة منتهية وهو قال هيجددها
فكنت عايز اعرف سعرها مدة كويس ولا غاليه
وهو بيقول ان العربية بها ايرباج وايه بى اس والمكنة بتاعتها ماكينة الجالينت
وشكرا لتعبك معايا
انا معروض عليا سيارة بروتون واجا 2006 ودي مواصفاتها
1600 سى سى |81,000 كم
السياره كامله مانيوال رشه بعض اجزاء من الخارج زجاج كهرباء سنسور بارك السياره بحاله جيده جدا كاسيت سى دى ثانى يد من الزيرو (ناقل يدوي – تكييف - سنتر لوك - باور ستيرنج - 4 باب - نظام ebd - نظام abs- زجاج كهربائية(
ولكنى لا اعلم اي شئ عن هذه العربية رغم ان مواصفاتها جميله جدا
فما هي عيوب هذه العربية؟
وما هي صعوبة صيانتها او بمعني هل الميكانيكية بيفهموا فيها ولا لا؟ وانهي ميكانيكي عربيات اللى يفهم فيها (لانسر ولا لانوس ولا تيويتا ... هكذا)؟
وما هي اسعار قطع غيارها ؟ وهل هي اغلى ام ارخص من قطع غيار اللانوس؟
وللامانة هل هي افضل لي ام اللانوس حيث معروض عليا لانوس 2005 ومش عارف اختار انهي عربية
مع العلم ان هذه العربية مطلوب فيها 50000ج
ومع العلم انى اسكن فى محافظة المنوفيه
برجاء الرد سريعا
السلام عليكم جميعا
انا معاي واجا 2005
وعندي مشكلتين كل مشكلة بسؤال
1- العربية بتقطع مني وان ماشي وبيكون التقطيع ده لما يبدأ مستوى البنزين بيقل وكل ما ييقل كل ما التقطيع يزيد لغاية ما تقريبا كده اكنها هاتبطل مع العلم دى حاجة جديدة ، وكمان بيبقى لسا لمبة البنزين منورتش
ده المشكلة الأولى والسؤال الميكانيكي قالي واكدلي ان ده طلبمة البنزين فهل فيه طلمبة بنزين تنفع غير بتاعتها لأن بتعتها ب 550 جنيه
2- المشكلة التانية عندي مكنة الزجاج الأمامي بجانب السواق تلفت تماما والمقصود هنا اللوح الفبر اللي بيحمل البكر بتاع الزجاج شقق من أماكن عدة وما عدش ينفع
السؤال هل فيه مكنة أخرى تنفع لأنه برده سألت عليها طلعت ب 550 مش عارف ايه حكاية الرقم ده
ارجو الإفادة لأني بدات اتعقد شويه وقربت ازهق من العربية رغم انها والله حلوة جداً
انا ويرا 2004 مانيوال بكل فخر
مطلوب واجا بريميم لون غير الأسود