هل تذكرون موضوع كم اقصي سرعه وصلت ليها

لم اتخيل في يوم ان يمنعي الاحباط والزعل من ان امسك بالكيبورد لاعبر عن ما يجول بخاطري
اول ما تذكرت وانا اسمع صوت الفرمله القويه هيه تلك الحادثه القويه التي تعرضت لها من زمن بعيد ومازالت الذكريات وكانها اليوم الالم اصوات الزجاج وهو ينكسر الالم غير الطبيعي من كتفي بعد انخلعه (الحمد لله تجربه لا اتمني ان يشاهد ربعها اي شخص)
المقدمه دي كلها كتبتها علشان اطلع اللي جوايا كلنا عايزين نجري وكلنا عيزين نشد غير مدركين باللي ممكن يحصل ونتسبب في الم لغيرنا
صوت الفرامل مستمر والصوره اصبحت اكتر وضوح عربيتين بيشدو مع بعض واحده منهم عومت11 علشان تنحرف و بكامل سرعتها الصوت اللي تخيلتو فرامل طلع العربيه بتزحف بالعرض
عربيه بولنيز وقف بعد ما شاف الموقف ومش عارف خلاص يروح فين وفي ثانيه يحدث الاصطدام وش الاوبترا في قايم السواق بتاع البلونيز وبعدين لفت الاوبترا لفتين وخبطت جنب عربيه اوكتافيا مركونه كل دا في ثواني معدوده وكل شيء انتهي
الناس بتجري علي العربيتين الاوبتر متدمره من قدام بس مش بالقوه اللي ممكن تتخيلها بس قوه الصدمه خلعت فرده الشاسيه من مكانها
البلونيز رحم الله قائدها
راجل كبير في السن راجع بيته لولاده بالعشاء اللي كان فارش الاسفلت الله يرحمه
قبل ما تفكر تجري وتشد مع اصحابك اعرف انك ممكن تضيع البسمه من عيون ناس ما لهاش ذنب وتعيش عمرك عارف انك قضيت علي امال ناس
كفايه بجد لاني قلبي لسه وجعني

والله عندك حق

الف سلامة عليك
و نتمني ان الجميع يتعظ و يفهموا حاجة زي كده
لكن برده لازم تلاقي الاقلية المتمردة او اللي حاسيين نفسهم مفيش زيهم و هم كبار السواقة و السواقة اساسا ملهاش كبيير في الأول و الاخر حتة حديدة ماشية ع الارض
محترفي قيادة السيارات اي حاجة خطيرة بيعملوها في مكان فاضي مفيهوش ناس عشان لو حصل ضرر يبقي للعربية فقط او ليه لكن ميضرش ناس تانية ملهاش ذنب
و برده كل شئ نصيب و مكتوب و كل واحد هيعيش العمر اللي مكتوبله لكن برده ربنا ادانا عقل نفكر فيه محدش يقف قدام القطر

رحم الله المتوفي ، فقد حياته بلا ذنب
الإستهتار نهايته موت ، و صاحب الأوبترا حسابه عند ربه

انا اول حادثه ليا كانت بسبب السرعه الجنونيه العربيه اتقلبن علي 200 بدون فرامل ولا اي حاجه اتقلبت اربع قلبات علي الوش والظهر فقط بدون الجناب وكنا 4 في العربيه سبحان الله طلعت منها ازاي مش عارف الحمد الله ومن ساعتها بطلت جري بس الصراحه ساعات كده بجري شويه بس بقالي فتره لا اتعدي 120 الحمد الله والله لو سابقت اي عربيه صاحبها مش هاينزل يديلك جايزه ولما عربيتك تتخبط مش هاينزل يقولك انا هادفع معاك في تصلحها ربنا يستر طرقنا يارب

ربنا يسترها علينا كلنا
من اسبوع ماشى على الدائرى 110 و فجاه لقيت اللى قدامى ضرب فرامل باقصى قوه و كان بينى و بينه 2 متر فقط .ضربت فرامل باقصى قوه و حسيت انى هلبس هلبس و اخدت شمال و دخلت ما بينه و بين سور الدائرى الاسمنت .و العربيه وقفت جنبه بالظبط الحمد لله .و ببص للراجل لقيته مش مصدق نفسه و بيحمد ربنا انى مدخلتش فيه .لان كان فى ترله وقفه اصاده و كان هيتفعص ما بينا .و قدام التريله لقيت عربيتين ملاكى وقفى (و كل ده فى الحاره الشمال بتاعة المشى السريع )و عملت انتظار و حاولت اخد يمين و مشيت انا و العربيه اللى جنبى
و ببص و فاكر الاتنين الملالاكى اللى قصاد التريله عملين حد ثه .هههههههههه لقيتهم مفيش ولا خدش و لا الهوا و البهوات وقفين بيتكلموا عادى جدا جدا و مفيش مشاكل و سيبين الناس تلبس و تعمل حوادث بسبب انهم قفلين الحاره الشمال
حسبى الله و نعم الوكيل لا اله الا الله
منهم لله
كل واحد بيعمل اللى هو عوزه دلوقتى و مبقاش فى حد بيعمل الصح
المشكله مش فى الجرى بس
لا دا كمان فى التصرفات و العادات الغلط
ربنا يسترها علينا كلنا

ربنا يرحمه يارب ويدخله فسيح جناته

اهم حاجه انك اخدت الدرس السواقه مالهاش كبير وملوش لازمه الجري في وسط البلد والدائري والكلام ده خطر جدا اي تعوميه هتلبس في 3 او 4 عربيات بالميت حرام تاذي ناس تانيه

انا عموما ربنا سترها معايا كتير اوي الحمد لله لدرجه اني والله العظيم العريبه في يوم عومت مني على 160 في صلاح سالم الساعه 1 الضهر والحمد لله لا لبست في حد ولا حد اتاذى هتقولي ازاي 160 في صلاح سالم الضهر اقولك معرفش وازاي قعدت تعوم لحد ما وقفت من غير ما تلمس حد اقولك معرفش
العربيه عومت اكتر من 5 قلبات كل لفه في اتجاه ووقفت قاطعه الطريق ببص لقيت الطريق كله واقف ومتي الاستوبات بتاعته

من ساعتها بطلت اجري تماما الا بصراحه اسكندريه الصحراوي وهو فاضي بقفل العداد

لا حول ولا قة الا بالله
فعلا السرعه مالهاش كبير
يوم الجمعه اللي فاتت في تمام الساعه 4 تقريبا امام ابو قير بتاع الاسماك و امام المالكي من الناحيه التانيه وانت داخل علي ميدان سانت فاطيمه
سواق ميركروباص بيجري دخل في سيريون واقفه قدام المالكي و السيريون و كالم عربيه تانيه بس الحمد لله الاصابات تقريبا كافيس بس السيريون بقيت كفته .... حتي والناس واقفه مش سالمين من حوادث السرعه