الموضوع: الجواز وسنينه ! محتاج مشورتكم !

1- انت والدتك خربت لك الموضوع خالص و هي اللي اتكلمت في كل حاجة و انت ساكت و خلت شكلك وحش

*دخلنا واتكلمنا وكدة فأول ما اتكلمنا جت سيرة الشغل والدتي قالت هو شرطه الاساسي انها مشتشتغلش دا شرط ومفيش فيه كلام طبعا مش شرط انتي بس اللي ربنا هيكرمه بيها يعني
*بعد كدة اتكلمنا فانا شقتي في بيت والدي يعني في نفس العمارة لأنها بتاعته فماما بتقلها هي القعدة كلها هتبقا عندنا هتطلع شقتها على النوم بس
طبعا والدتها قالت مينفعش يعني وكدة انا حماتي تعبانة بنزلها في اول اليوم بعملها الفطار ولما بتحتاجني عاملالها جرز جنبها ترن عليا بيه
المهم يعني كل دا انا ساكت فبيقولولي انت ساكت يعني انت المفروض بتتكلم كتير فقلتلهم اه فعلا انا شغلي كلام بس انا مستمع للحوار اللي بيتقال
ماما قالتلهم اه مهو تعبان من الكلام فبيسمع دلوقتي

و ممكن جدا تكون رايحة اساسا عشان تفشكل القصة و انت تبطل زن عليهم (لأسباب انا ما اعرفهاش) , و والدك برده كان بيماطل معاك في التأجيل و التأخير , و غالبا الاتنين اسبابهم نفس الاسباب


2- الراجل لو على دي بس ما شتمش , و طبعا طريقته في الكلام تفرق كتير , و انت بس اللي شفتها

والدتي بتقول ان والدها بيشتم -عشان لما جت سيرة الصنايعيه قال انهم زبالة وعايزين قطم رقابيهم -

3- والدتها هي اللي ممشية البيت , مش هاعرف افتيك بصراحة خصوصا انك ما قلتش ملاحظاتك


4- بخصوص موضوع الشقة المستقلة ده, و عدم زيارة الاهل , اي واحدة هاتسمع والدتك بتقول كده هاتنفر , مافيش بنت بيعجبها كده , صح فيه ناس بتخاف من ان الزوجة تلزق على طول في بيت اهلها , بس مش لدرجة مش بازور اهلي خالص , زائد ان والدتك باللي عملته في نقطة (1) وصلت فكرة ان هي اللي ممشياك شخصيا :) , و توقع ان الناس دول لو وافقوا يشترطوا شقة في مكان تاني و الموضوع ده شائع جدا , و بعد الصورة اللي شافوها للأسف مش هايبقوا غلطانين

5- بخصوص نقطة السلام باليد , واضح ان فيه فرق نوعا ما بينكم و بينهم في مسألة التقاليد , اللي بالمناسبة للأسف كتير اوي بيتم اقتطاع اجزاء من الدين عشانها , لكن حجم الفرق ده ما وضحش لسه و بالتالي مش عارفين هل يسبب مشكلة ولا لأ, و هل فيه امكانية للتغيير من ناحيتك او ناحية البنت ولا لأ (بصفة عامة) و خلينا عارفين ان امكانية التغيير محدودة دايما حتى لو موجودة

6- موضوع شغلها لازم تتفقوا عليه نهائيا و تقفلوه عشان تبقوا على نور , صحيح الستات بيرجعوا في كلامهم هههههههههههههههه بس برده لازم تتفقوا عليه بصيغة واضحة