يا جماعة انا قررت اشتر ى نيسان بس محتار بين التيدا و الصنى ... لو هجيب تيدا هتكون كسر زيرو 2011 او 2010 و لو صنى هتكون زيرو
ايه رايكم؟
و هل الصنى صوبر صالون بتنزل بفرش جلد؟
عرض للطباعة
يا جماعة انا قررت اشتر ى نيسان بس محتار بين التيدا و الصنى ... لو هجيب تيدا هتكون كسر زيرو 2011 او 2010 و لو صنى هتكون زيرو
ايه رايكم؟
و هل الصنى صوبر صالون بتنزل بفرش جلد؟
لو قدامك تيدا كسر زيرو بسعر لقطة ومفهاش مشاكل وفبريكة بجد .. وسعرها قريب للصنى يبقا حيكون التيدا افضل من الصنى طبعا
لان التيدا اعطالها ومشاكلها قليلة جدا .. ونادر ما حد اشتكى منها ..
ده غير الماتور افضل وتقفيل العربية افضل ووسع العربية فى السيدان او الهاتش باك افضل
تحياتى
:hlopaet_prv::hlopaet_prv::hlopaet_prv:اقتباس:
المشاركة الأصلية كتبت بواسطة Ahmed.TV
تيدا طبعا
طبعا لو واثق في التيدا تبقى هاتها من غير كلام
تيدا لو واثق من الراجل اللي هتشتري منه العربية طبعا ً
المستعمل هو المستعمل مهما كانت الا فى استثناءات
انا مع رأى الزيرو طبعاااااااا ايا كان ماركته
والصنى كلها بتنزل بفرش مخملى مش جلد ومش مشكلة اعمل حسابك فى 1000-1500 ج تركب اجدع فرش جلد من عند جينز كار
مبدئياً التيدا افضل .. لكن خيار انك تجيب تيدا او صني ده متوقف على حالة التيدا
محتآآر وقلقآآن !! .. هآت الزيرو (:
كل الكلام اللي فات صح - التيدا احسن بس لو مضمونة ان مافيهاش مشاكل
تيدا احسن واحدث عامة في كل حاجة .. بس الصني برضه هتبقى زيرو وسعر اعادة بيعها افضل واكيد قطع غيارها ارخص عشان منتشرة
الزيرو موجود فى اى وقت انما المشكله انك تلاقى كسر زيرو للبيع من التيدا لانها قليله شويه
أضم صوتي لصوت السيد الفاضل في معرفة ايهما افضل و خاصة ان التيدا قليلة الانتشار و الصني ضيقة جدا و بنسمع عن موضوع الاستهلاكالعالي لبنزين
التيدا أفضل طبعا ، والفيصل في حالتها هو الكشف عليها في التوكيل
:hlopaet_prv::hlopaet_prv:اقتباس:
المشاركة الأصلية كتبت بواسطة AhmdDomar
تيدا افضل كتير جدا مفيش وجه مقارنة بينهم
مش للدرجة دي، مش لدرجة مافيش وجه مقارنة، والصني بتتفوق في حاجتين على التيدا الثبات والفرامل يبقى ازي ما فيش وجه مقارنة !!!!!!!اقتباس:
المشاركة الأصلية كتبت بواسطة mohaismail
:hlopaet_prv::hlopaet_prv::hlopaet_prv: ..اقتباس:
المشاركة الأصلية كتبت بواسطة Sehsss
و الشنطة كمان أوسع ..عفشة الصني تستحمل أكتر .. الصني عملية اكتر
:tumb::tumb:اقتباس:
المشاركة الأصلية كتبت بواسطة Ahmazong
التيدا افضل بشرط الحالة
انا معايا تيدا .. نفخها فى طرق كتير والحمد لله وبسم الله ماشاء الله مفيش مشكلة فى العفشة بتعها
ومفيش وجه مقارنة فعلا بين الاتنين .. والتيدا افضل بكل المراحل لان سوقت الاتنين ورفعت الاتنين .. ودوست فى الاتنين بمشاكلهم فى التوكيل .. ونزلت تحت العربتين وهما مرفعين .. وشوفت كمان العربيتين وهما مفكوكين فى الصالون
وفى النهاية لقيت التيدا بدون تحيز وكلام بجد بعيد عن التهريج والتحيز .. كسبت
الصنى افضل بالنسبالى فقط فى الثبات بعد 140 .. لان التيدا ثبات اقل .. لان طبعا العربية عالية من على الارض ومن جوة القعد فيها اكنك قاعد فى اتوبيس نقل عام .. وسع كبير
والتيدا الناس اللى بتتكلم على قطع غيار مش منتشرة .. لا منتشرة فى التيدا .. وكمان فى منها استيراد وتايوانى كتير .. لان لفيت كتير ودوست وسالت وعندكم فى الموضوعات المثبتة الاسعار
والتيدا انتشارها بالمستوى الجيد دلوقتى .. ولكن اه الصنى بالمستوى الممتاز .. نظرا فقط لسعرها التنافسى
وطبعا ماتور افضل .. وعزل افضل .. وحاجات مميزات كتيرة .. حتى الفرامل بتعها معايا هايلة
العربية معايا وشريها مستعملة كمان .. وداخل بيها على 50 الف كيلو والحمد لله بدون مشاكل
ولو رجع بيه الزمن كنت جبتها تانى .. بس ميكنش فى الزمن اللى حيرجع بيه يكون فيه قاشقاى .. لان ممكن وقتها اغير رائى
وعلى فكرة وقت ما كنت بشترى .. كنت اقدر اجيب صنى وسوبر صالون كمان واوفر كمان حوالى 5 الاف !!!
والتيدا بتخسر فى البيع زيها زى اى عربية حتى لو كانت منتشرة ..
انا عربيتى 20 الف كيلو و2009 ونقص من تمنها 20 الف وقت ما اشترتها
تحياتى للجميع
طيب بعد أذنك يا أحمد باشا . هل نزل موديل التيدا 2012 لآنى شايف فى المواقع أن الموجود حاليا موديل 2011 .
ولو مش موجود أية السبب ؟؟؟؟
النيسان صنى نزل موديل السنة الحالية 2012
وأنا كمان اللى عرفتوا منكم أن هينزل موديل جديد للنيسان صنى بعد شهر 6 ....... بس مش دة المهم .... المهم ماذا عن التيدا ؟؟؟
؟؟؟؟؟ أو على الآقل خالص فين موديل السنة الحالية 2012 موجود ولا مش موجود . ولماذا ؟ معلش كترت شوية عليكم فى الكلام .. يا ريت يا هندسة
وجزاكم الله خيرا
معلش السؤال ما كملش مضبوط ودة التعديل اللى فوقاقتباس:
المشاركة الأصلية كتبت بواسطة abdm
وجزاكم الله خيرا
بس والنبي ما تقولش ما فيش وجه مقارنة علشان ما أزعلش منك، انت بتقارن صني بتيدا مش صني بمرسيدس :angry26:اقتباس:
المشاركة الأصلية كتبت بواسطة Ahmed.TV
ياجدعان الصني حلوة اه وعلي عيني وراسي
بس التيدا تكنولوجيا مختلف ... فتيس مختلف .... عزل محترم ... صالون واسع ... قاعدم مريحة ... كراسي بنت ناس ... شنطتها واسعه مش صغيرة زي ما باين عليها بس واسعه لتحت.
---------------------------------------------------
لو العربية كسر زيرو يعني بقالها سنه مثلا ...... يعني اكيد عمل صيانة الالف ولسه في الضمان
شوف الكتيب بتاعها مختوم من اني مركز خدمة ورحله شوف تاريخها ايه معاه
واكشف عليها كشف كويس و استخر الله وتوكل علي الله
غير كده يبقي زيرو وطبعا ..... وهاتتكيف من الصني برده ان شاء الله
اقعد بالعافية :)
شكرا على المشاركات
بطل تكنش فيه .. طلعتنى واحنا قاعدين فى جروبى انى متحيز للتيدااقتباس:
المشاركة الأصلية كتبت بواسطة sehsss
التيدا فعلا مشاكلها واعطالها الحمد لله قليلة جدااا
ومش حقولك تنكولوجيا اعلى زى حسين سونة قالك
بس الماتور عزمه اقوى .. تقفيل العربية اعلى .. عزل العربية كويس جدا .. ولا بتسمع جوة العربية صوت الماتور ولا صوت هواء ولا دوشة بسبب كفاءة العزل .. ده غير العربية من تحت معزول بلاك فى اماكن اكتر من الصنى .. لان قولتلك العربتين كانوا مرفوعين قدامى .. وتعالى التوكيل ونرفع الاتنين ونشوف ونكتشف مع بعض
ده غير السماعات مش جولدى !! وعايز تولع فيها .. والسمغ يايل على السماعة .. ها فاكر ولالا !!! ههههههه
الكاسيت دبل دن والسماعات محترمة والكراسى تنجيدها رائع .. والوسع اللى فى العربية
والباور الكهرباء .. وغيره وغيره .. كل ده بيعمل فرق فى العربتين لصالح التيدا
وحتى موضوع الفرامل .. اللى بيسوق التيدا لمرة واحدة او لفترات متقطعة ومش متعود على العربية .. بيتهياله انها ضعيفة .. نظرا لحجم العربية الكبير .. فبيجيله احساس ان العربية مش امان .. والعربية معايا على طول ..
فمش حكابر فى اى نقطة مش عشان متحيز والله .. عشان حتسال فى كل نصيحة بقولها لوجه الله .. لان لو كانت مش سليمة حتحاسب عليها
لكن امتياز الصنى فى سعرها التنافسى
وثبات العربية على سرعات عشان العربية طبعا اقصر واقرب على ا لارض .. وده انا بعترف بيه
ولكن سبق وقولنا مقابل الوسع اللى بتاخده فى التيدا فى كل شى
العربية فعلا محترمة التيدا .. بس مظلومة حقها .. بسبب سعرها .. كفاية لما سعرها بينزل حوالى 5000 جنيه على الموديلات القديمة عشان تتباع ويخلصوا منها .. بتتخطف .. ومن كلام مسئولين المبيعات .. ان ساعتها الصنى بتتاثر .. وبالاخص السوبر صالون .. لان سعرها بيقرب للتيدا
والناس بتلاقيها فرصة وبيخطفوا العربية
ففعلا العربية دى لو سعرها نزل مثلا من 5000 الى 7000 .. حتعمل شغل جبار
فصدقنى مش تحيز والله
احنا اتكلمنا وهزرنا مع بعض لما شوفتك .. وقولنا حنشد وجنعمل وحاخد افرجك فى التوكيل .. وقولتلى انى متحيز
على الطبيعة وبينا ممكن اغلس عليك واتحيز .. لكن فى نصيحة لوجه الله للاعضاء .. والكلام ده بيفضل متسجل هنا .. لازم يكون مظبوط عشان عشان الهزار والتحيز لو دخلته فى نصيحتى وكان غلط حتحاسب عليه فى يوم الدين
وبعدين انا ابيع عربيتى يا محمد التيدا عشان خاطر عيونك وعيون ملاك الصنى
واجيب اتنين صنى
ههههههههههههههههههههههههه ه
وبعدين باذن الله .. نبيع كلنا العربيات ونجيب قاشقاى او جوك .. اوباااااااااااااااااااا