تقسيط سيارات مباشر بدون بنك

**تامر.محمد** · 02-02-2012 11:27 PM

المشاركة الأصلية كتبت بواسطة أحمد كمال

جبت الارقام من ال yellowpages

المسعود بيهزروا الصراحة

الفايدة 12% سنويا ..... معقول مش وحش بالنسبة لانه بيتحمل مخاطر الائتمان

العربية مثلا اللوجان فول اوبشن في التوكيل ب 71900 (بس حجز 3 شهور للامانة)

قال لي لو هاجيبها دلوقتي حاضرة هتبقى ب 74 بس لو هاقسطهالك هتبقى ب 79

قلت له ده غير الفوايد؟؟ قال لي ايوة !!! :)

قلت له ازاي يعني ؟؟؟؟؟؟؟؟؟ قال لي فيه 5% ضريبة تمويل ذاتي

كنت هاقول له حضرتك شايفني داقق عصفورة و لا ايه ... اولا 5% من 74 الف اقل من 5000 ثانيا مفيش حاجة اسمها كده

حسبي الله و نعم الوكيل يعني يزود 7000 جنيه فوق سعر العربية عشان لسه كمان يزود مرابحة التقسيط :(

القرش بيقول لي التقسيط المباشر مقدم 60% و الباقي على سنتين و رفض يقول بفايدة كام و قال لي تيجي تقابل صاحب المعرض بس

ارجوكم الموضوع مستعجل :(

القرش فايدتهم بتعادل 20% فيما اذكر لو ما كانوش غيروها من ساعة ما سألت (من حوالي سنة)

**أبو إياد** · 06-02-2012 07:47 AM

المشاركة الأصلية كتبت بواسطة abdalah_hashem

والعربية اللى بيكون عليها اقساط دية لما الواحد يا خدها بياخدها على تمن معين يدفع جزء منة مقدم والباقى اقساط
وللا بياخدها ويدفع القسط بس ؟؟ وهل تمنها فعلا بيكون قليل كتير ؟؟؟

بالنسبه للمشترى هايدفع حاجتين
اولا جميع الاقساط المتاخره على المالك القديم وانت هاتكمل نفس مبلغ القسط على نفس المده المتبقيه ( ياعنى نفس نظام المالك القديم )
الحاجه التانيه المبلغ اللى عاوزه المالك القديم وده اللى بيكون فيه التفاوض

**teefa1985** · 30-01-2014 01:40 PM

المشاركة الأصلية كتبت بواسطة mahmoud az

فى مشكله فى عقد المعرض ده انه بعد العقد بيطلب من الشارى توكيل بالعربيه وده بينفى حق التملك وده بيبطل العقد شرعا طبقا للمجامع الفقهيه ونقلا عن الشيخ على السالوس المتخصص فى فقه المعاملات ودى نفس المشكله اللى عند شركة contact
انا اتصدمت بالشرط ده لما كلمتهم وكنت حاطط امل عليهم وجالى احباط بصراحه

طب لو الواحد عاوز يشتري بالتقسيط و يكون حلال يشتري منين؟؟؟
انا بصراحة كنت ناوي اشتري من المباشر لأني اعرف انهم محترمين و بفايدة قليلة و كمان واحد زميلي في الشغل لسه شاري منهم عربية و مستلمها من يومين
افيدونا في هذا الموضوع

**M.ABDEEN** · 30-01-2014 01:49 PM

انا كنت في القرش من يومين وقاللي انهم بطلوا التقسيط المباشر من ساعة الثورة من 2011 وكانوا بيعملوه قبل كده بفايدة 18 في المية

**hossam_elwani** · 30-01-2014 04:54 PM

الشركة العالمية عبد اللطيف جميل من الاخر

**falcon44** · 04-02-2014 12:39 PM

المشاركة الأصلية كتبت بواسطة mahmoud az

فى مشكله فى عقد المعرض ده انه بعد العقد بيطلب من الشارى توكيل بالعربيه وده بينفى حق التملك وده بيبطل العقد شرعا طبقا للمجامع الفقهيه ونقلا عن الشيخ على السالوس المتخصص فى فقه المعاملات ودى نفس المشكله اللى عند شركة contact
انا اتصدمت بالشرط ده لما كلمتهم وكنت حاطط امل عليهم وجالى احباط بصراحه

طيب لو الواحد قدامه عربيه عليها اقساط وخدها وكملت اقساطها فى البنك مش كده برضه هيبقا مخالف للشرع
لان كده صاحب العربيه مش هو مالك العربيه واللى بيملكها البنك وهو بكده بيبعلى حاجه ميملكهاش وعشان كده بكمل انا القسط فى البنك
ايه رايك فى الكلام ده وهو صح ولا غلط