حد يعرف معارض؟
و بياخدوا مقدم كام و ضمانات ايه؟
عرض للطباعة
حد يعرف معارض؟
و بياخدوا مقدم كام و ضمانات ايه؟
معارض المسعود
تقسيط مباشر بدون بنك او غرامة تاخير و بخيرك و انتا بتشترى عايز العربية بأسمك ولا باسم المسعود و ناس حقيقة محترمين جدا
المعرض اللى اعرفة جمب فودفون فى ميدان سفنكس المهندسين
دول الناس الوحيدة اللى لقيتهم فعلا بيقسطوا مباشر من غير لف ولا دوارن
و ممكن تلاقى عربيات مرتجع يعنى عربية عليها اقساط و صاحبها تعثر و هما خدوها منه و بتتعرض للبيع تانى
دكتور معرفة خد منهم هيونداى جيتز كان عليها اقساط و طبعا هو خدها بكلام فارغ و دفع قسط 725 جنيه على سنتين بس دة انتا و حظك ممكن تلاقى و ممكن لاء و بالتوفيق ان شاء الله
بكرة اكلمهم ان شاء الله
عندك فكرة بيحتاجوا ضمانات و اوراق ايه؟
ابقي طمنا يابوكمال وقولنا علي النظام
على ما افتكر صورة البطاقة و وصل نور حديث و بياخد النسخة التانية من مفتاح السيارة
فيه معرض اسمه القرش في شارع الميرغني , بس بيزود جامد على المبلغ
الشركة العالمية اللى هى وكيل دايهاتسو
بتاخد 9.5 % لو العربية مش دايهاتسو
و 9 % لو دايهاتسو
ودلوقتى فتحو قسم جديد للمستعمل
طب حد معاه ارقام تلفونات للمعارض دي اصلي ناوي برده بس مستحرم البنووك
مودرن موتورز بردو سمعت أنهم عاملين نظام التقسيط المباشر للصني
عاوزين النمر
يا ريت اللي يعرف تفاصيل أي شركه يقول يا جماعه خصوصا اللي بيقسطو مستعمل
زي مثلا حظر البيع و التأمين الاجباري
ياريت اللي يكلمهم فعلا يقولنا التفاصيل للأفادة
جبت الارقام من ال yellowpages
المسعود بيهزروا الصراحة
الفايدة 12% سنويا ..... معقول مش وحش بالنسبة لانه بيتحمل مخاطر الائتمان
العربية مثلا اللوجان فول اوبشن في التوكيل ب 71900 (بس حجز 3 شهور للامانة)
قال لي لو هاجيبها دلوقتي حاضرة هتبقى ب 74 بس لو هاقسطهالك هتبقى ب 79
قلت له ده غير الفوايد؟؟ قال لي ايوة !!! :)
قلت له ازاي يعني ؟؟؟؟؟؟؟؟؟ قال لي فيه 5% ضريبة تمويل ذاتي
كنت هاقول له حضرتك شايفني داقق عصفورة و لا ايه ... اولا 5% من 74 الف اقل من 5000 ثانيا مفيش حاجة اسمها كده
حسبي الله و نعم الوكيل يعني يزود 7000 جنيه فوق سعر العربية عشان لسه كمان يزود مرابحة التقسيط :(
القرش بيقول لي التقسيط المباشر مقدم 60% و الباقي على سنتين و رفض يقول بفايدة كام و قال لي تيجي تقابل صاحب المعرض بس
ارجوكم الموضوع مستعجل :(
ما تجيب .. حاجه مستعلمه .. سعرها .. معقول يا كمال ... او شوف كونتاكت تقسيط اسلامى كويس جدا .. زميلى لسه جايب منهم فيرنا
انا مانصحكش بالمسعود فى الزيرو بالذات انما لو احلال ماشى بس دى هاتمشى على نظامها القديم ياعنى حسب المالك الاول فى قيمه وعدد الاقساط ولو مالقتش غيرهم هاجى معاك وباذن الله ربنا يقدرنى واخلصلك كل حاجه مش هتحتاج اكتر من ايصال نور وشيكات بنكيه وبطاقه شخصيه
بالظبط بس بيديك اكتر من فرصة انك تدفع لكن لو لقاك مش ناوى بيجى ياخد العربية و بيكون فيه توكيل بالبيع لصالحه
عشان كدة بقولك شوف عنده اى عربية عليها اقساط و خدها انتا و قسطك هايبقى مش كبير
احمد شوف الشركة العالمية عبد اللطيف جميل في شارع السودان
هما بيقسطوا مباشر بدون بنوك بنفس فوايد البنك و بدون اي زيادة علي سعر العربية
ااة فهمت يعنى مش مضمون ان الواحد يعرف ياخد جزء من المقدم ؟؟
والعربية اللى بيكون عليها اقساط دية لما الواحد يا خدها بياخدها على تمن معين يدفع جزء منة مقدم والباقى اقساطاقتباس:
hacker5 بالظبط بس بيديك اكتر من فرصة انك تدفع لكن لو لقاك مش ناوى بيجى ياخد العربية و بيكون فيه توكيل بالبيع لصالحه
عشان كدة بقولك شوف عنده اى عربية عليها اقساط و خدها انتا و قسطك هايبقى مش كبير
وللا بياخدها ويدفع القسط بس ؟؟ وهل تمنها فعلا بيكون قليل كتير ؟؟؟
بس الفايده كام
فى مشكله فى عقد المعرض ده انه بعد العقد بيطلب من الشارى توكيل بالعربيه وده بينفى حق التملك وده بيبطل العقد شرعا طبقا للمجامع الفقهيه ونقلا عن الشيخ على السالوس المتخصص فى فقه المعاملات ودى نفس المشكله اللى عند شركة contact
انا اتصدمت بالشرط ده لما كلمتهم وكنت حاطط امل عليهم وجالى احباط بصراحه
انا كنت في القرش من يومين وقاللي انهم بطلوا التقسيط المباشر من ساعة الثورة من 2011 وكانوا بيعملوه قبل كده بفايدة 18 في المية
الشركة العالمية عبد اللطيف جميل من الاخر
طيب لو الواحد قدامه عربيه عليها اقساط وخدها وكملت اقساطها فى البنك مش كده برضه هيبقا مخالف للشرع
لان كده صاحب العربيه مش هو مالك العربيه واللى بيملكها البنك وهو بكده بيبعلى حاجه ميملكهاش وعشان كده بكمل انا القسط فى البنك
ايه رايك فى الكلام ده وهو صح ولا غلط
من الاخر شكلها كدة مفيش حد بيقسط اسلامي
كله بيخالف بطريقة او باخرى
زي حكاية الزوج المحلل
سم الشركة: الدولية للسيارات العنوان: 52 ش عباس العقاد
المنطقة السادسة , مدينة نصر, القاهرة
التليفون: 02-24014759, 02-22632807
اريد شراء سيارة فولكس باسات بحالة نظيفة مو 2002 - 2003 ماشيه اقى من 100 الف او بعد 100 الف بقليل وهدفع 35000 مقدم والباقى على سنة تلفونى 01005805473
المسعود عنده ميزة انك لو اتوفر معاك كاش و حبيت تدفع باقي ثمن العربية بيشيل الفائدة
من افضل معارض سيارات بالتقسيط معرض الملك للسيارات معرض محترم يستاهل اننا نتكلم عنه