-
حادثه وتحذير (محور صفط)
النهارده حصلت حادثه على محور صفت قبل نهايته بشويه من ناحية الدائري والسبب كان الجواجز الفيبر اللي بتبقي على اجناب الطريق حاجز منهم كان واقع بعد ملف من ملفاته الرخمة البنت اللي سايقه العربية حاولت تفاديه العربية لفت منها ولبست في السور العربيه جن تو وشها ضاع البنت طلعت سليمه عدا بعض الكدمات زقينا العربية ركناها واطمنا على البنت وكلمنا اهلها حد تطوع ووداها المستشفى وانا فضلت جنب العربيه شويه بس كنت مستعجل فاضطريت امشي
العبرة
محور صفت ملفاته سخيفه جدا حاولوا تكونوا في الحارة الوسطى لا يمين ولا شمال لأن احيانا كتير ممكن تلاقي مفاجأه بعد الملف عربية عطلانه او حاجز من الحواجز دي واقع وياريت بلاش السرعه الجامده على محور صفت حتى لو كنت حافظ ملفاته زيي لأن بيبقى في مفاجأت
وربنا يستر طريقنا جميعا
-
والله انا كنت ماشي علية انبارح باليل وكنت هلبس في نفس الحاجز بس ربنا ستر انا حدفت على الي جنبي وجت سلمات على كل حال ياريت ياجماعة فعلا بلاش السرعة على محزر صفت لان فعلا ملفاته في منتهى الغباء
الف شكر ياباشا على التنبيه وربنا يستر طريقنا
-
اه فعلا الملفات فيه سئيله اوى زى مايكون واحد دايخ هو اللى مصمم المحور ده بجد ربنا يسترها علينا وكويس انها جت على قد كدا والبنت خرجت سليمه
-
-
سبحان الله انا كمان كنت هلبس فى الحاجز ده امبارح بالليل لولا ان سرعتى كانت بطيئه بس كده انا عايز اقول حاجة انا كده وغيرى اللى مر مقصرين كان لازم نتصل بالنجدة ونبلغهم يعنى نعمل اللى علينا انا لما قريت الموضوع ده حسيت بالذنب بس والله مجتبش فبالى الموضوع ده خالص احنا معندناش ثقافة التصرف فى المواقف دى انا كنت هنزل واحاول اشيل الحاجز الفيبر ده خفت تيجى عربية مسرعة تصدمنى لان الوقت كان متاخر جدا والعربيات جاية بسرعة
-
حصل معايا نفس الموقف التيت ده والحمد لله جات سليمة وكويس ان محدش حصله حاجة
-
انا حصل معايا حاجة شبة كدة... من كام شهر كان مرمى مخلفات بناء على جنب الطريق و فى الحارة اللى فى الشمال خالص و انا داخل الملف فى الحارة اللى فى النص و الراجل اللى على شمالى لقى المخلفات راح رامى فى الحارة بتاعتى بس انا لحت الم وش العربية عشان منخبطش بعض
بالنسبة للحواجز دى انا مش فاهم اية لزمتها اصلا... دى مش اول مرة يكون فية حاجز واقع على الطريق... انا فاكر ان بعد المطلع فية ملفين شمال فى يمين و بعد كدة حتة مستقيمة بعدها ملف شمال... فية حاجز واقع على الحارة اليمين و انت خارج من الملف... و بعد كدة فى الملف اليمين المفتوح و بعدة طريق مستقيم طويل فى اخرة ملف يمين فى شمال... و امت خارج من الشمال الحارة الشمال خالص فيها حاجز واقع برضة
غالبا الحواجز بتقع نتيجة عربيات بتضرب فى سور الكوبرى بس برضة السؤال المهم... اية لزمة الحواجز دى اصلا؟؟؟؟؟
MMamdouh
-
دي بتمنع الصوت شويه عن العمارات الاي علي الناحيتين
-
الحواجز دى معموله علشان الناس تعمل حوادث
يارب استرها معانا
-
طيب مش المفروض بقى البنت دي يتصرفلها تعويض من ادارة الطرق اللي مهملة في الحاجز ده وسايباه؟
Content Relevant URLs by
vBSEO 3.6.0 PL2