الموضوع: تحذير من مطب لوز

انا لما بلاقى مطبات زى كدا للاسف بنزل الناس اللى راكبه معايا بس طبعا الكلام ده لو صحابى او اى حد انما حد كبير او كدا بلف من شارع تانى وامرى لله وبجد انا زهقت خصوصا بعد الثوره كل واحد شارعو مسفلت وحلو يعمل مطب وكل 3-4 متر تلاقى مطب حاجه تقرف وخصوصا المطبات اللى اتعملت قدام البلاد على الطريق الزراعى الاهالى اللى عاملينها وبتقطم العربيات الملاكى مطبات مفيها ش ريحة القانون

هههههههه ده مطب قديم اوى بقالو كتير ده حبيبى كل يوم بعدى من عليه وبسلم عليه وهو ماشاء الله بياكل كويس وبيكبر كل يوم عن الى قبلو لدرجه ان الحته الى بنعدى منها بدات تصغر بسببو بس هنعمل ايه بقى

من خلال تعليق مدير النشرة الجوية أقصد المطبية الأستاذ / mesaharaty- ننتقل من مطب إلى مطب - جزاك الله خير على أنك بتعرفنا على شوارع القاهرة - وبعد الموضوع دا والموضع السابق على المطبات أيضاً - يرجى توضيح الشوارع اللي من غير مطبات أسهل لك ، وعلى رأي محمد صبحي في مسرحية من مسرحياته - فيها أيه لو الشارع المظلم كل واحد من الشعب يمسك شمعة الشارع هيبقى منور - وعلى نفس الطريقة - فيها أيه لو كل واحد يحط في شنطة عربيته شوية أسمنت وجبس وزجاجة مياة - وكل ما تلاقي مطب تجبسه .