الموضوع: شكر خاص جدا لسيادة العقيد خالد

السلام عليكم ورحمة الله وبركاته
من فترة و انا عندي شوية شغل سمكرة في الرفرف اليمين و تغيير اكصدام عشان كنت واخد خبطة كسرته و طبعا محتاج ارش الرفرف و الاكصدامات
المهم
بما اني جربت التوكيل قبل كده في السمكرة و الدوكو و مكانش قد كده غير طبعا التكلفة الخرافية
قررت اني اعمل الكلام ده بره التوكيل
و قد كان روحت اشتريت الاكصدام الجديد من التوكيل و مشيت نصف الطريق الدائري تقريبا لغاية الحرفيين
و انا في الطريق كلمت سيادة العقيد خالد و الراجل الصراحة جالي مخصوص رغم عدم وجود سابق معرفة لكن انا قلتله كلمة السر ( نايل موتورز )
الصراحة انا كنت خايف على العربية عشان اول مرة اعمل فيها حاجة برة التوكيل
لكن بعد مقابلة العقيد خالد و كلامي معاه حسيت فعلا ان الراجل ده فاهم و هوا الصراحة طمني
و عليها اتفقنا على شغل السمكرة عنده في الورشة و طلعنا على بتاع الدوكو من طرفة و كان الاتفاق كأنه بيتفق على عربيته مش واحد اول مرة يشوفه

الحمد لله الشغل طلع كويس جدا و العقيد خالد كان معايا خطوة بخطوة و يوم الاستلام الراجل فضل معايا طول اليوم و استلم معايا العربية من البوهيجي و كمان وقف معايا عند بتاع الزوايا و انا بظبط الزوايا

اخيرا شكرا جزيلا يا سيادة العقيد و جزاك الله خيرا

حاجة مش جديدة ومتوقعة من الجنرال