شغل الفبر

**mabdelrahim** · 29-01-2012 04:14 PM

السلام عليكم

أزيكم يا شباب و أزاي احوالكم بقالي كتير مابشاركش للأسف بس عشان مشغوليات والله

أنا عندي سؤال بعد إذنكم ، كنت عايز اعرف مين اللي بيعمل شغل الفبر اللي جوه العربية هل هو السروجي بتاع الفرش برضه و لا فيه ناس متخصصة للفبر ده ..

المشكلة ان عندي غطا صنوق الفيوزات اللي تحت رجل السواق ضايع و الفبرة اللي راكب فيها مفكوكة و سايبة و فيه فبرة بتاعة عتبة باب السواق مكسورة

يا ترى مين اللي بيعمل الحاجات دي و بتتكلف ازاي ... يعني بالمتر ولا بالشغلانة و خلاص

سؤال تاني يا شباب الله يكرمكم ... انا اللانوس اللي معايا 99 و بصراحة محتار مابين اني ابيعها و اشتري لانوس زيرو شيفروليه و مابين اني اخليها و اوضبها ، و كنت عاوز اعرف ياترى لو بعتها تعمللها كام تقريبا

**biomedo** · 29-01-2012 05:12 PM

الحاجات دي تجيبها من عند بتوع الاستيراد أحسن

و اعتقد لو عربيتك بقت صياناتها كتير و بتصرف جامد و قرفاك
يبقى تجيب عربيه جديده أحسن

**popahly** · 29-01-2012 05:18 PM

الفبر هتلاقيه عند بتوع الإستيراد، تروح تستنضفلك كدا حتتين فبر كويسين، وإنت وشطارتك فى الفصال معاه، وتركبهم بنفسك الموضوع بسيط جداً مش محتاج صنيعى يعملهالك..

**mabdelrahim** · 30-01-2012 09:09 AM

المشاركة الأصلية كتبت بواسطة biomedo

الحاجات دي تجيبها من عند بتوع الاستيراد أحسن

و اعتقد لو عربيتك بقت صياناتها كتير و بتصرف جامد و قرفاك
يبقى تجيب عربيه جديده أحسن

و الله إن شاء الله أنا ناوي أجيب أختها جديد ... بس محتاج اظبط حاجات الشكل شوية عشان برضه تشد زبون ... هي من ناحية المكنة ممتازة و من ناحية العفشة تمام يعيبها بس الشكل من برة عشان عايزة تترش و من جوه الحاجات اللي بقولك عليها دي

المشاركة الأصلية كتبت بواسطة popahly

الفبر هتلاقيه عند بتوع الإستيراد، تروح تستنضفلك كدا حتتين فبر كويسين، وإنت وشطارتك فى الفصال معاه، وتركبهم بنفسك الموضوع بسيط جداً مش محتاج صنيعى يعملهالك..

و الله مش مشكلة حتة الصنايعي دي لانه مادام حاجة بسيطة يبقى مش حايكلف بس هو يفهم احسن مني في تركيبهم عشان يطلع شكلهم نظيف ... طب مين يا باشا بتوع استيراد حاجات الدايو المعروفين هنا و اسعارهم حنينة ... أنا من سكان القاهرة في المعادي

**ahmed_mido1889** · 30-01-2012 11:02 AM

في ناس في صقرقريش بتوع استيراد

يا اما تنزل المريوطيه محور اللبيني (الحاج سوسو / الشيخ)

**biomedo** · 30-01-2012 11:09 AM

في واحد عند صقر قريش انا سمعت ان اسعاره معقوله بس ماتعاملتش معاه

و في واحد في المعصره كورنيش و على ايدك اليمين و انت خارج من المعادي قدام شركة التليفونات انا كنت سألت عندوا على حاجه و كان سعره معقول

**popahly** · 30-01-2012 11:39 AM

المشاركة الأصلية كتبت بواسطة mabdelrahim

و الله مش مشكلة حتة الصنايعي دي لانه مادام حاجة بسيطة يبقى مش حايكلف بس هو يفهم احسن مني في تركيبهم عشان يطلع شكلهم نظيف ... طب مين يا باشا بتوع استيراد حاجات الدايو المعروفين هنا و اسعارهم حنينة ... أنا من سكان القاهرة في المعادي

أنا قصدى ان الموضوع بسيط جداً مش محتاجة صنيعى خالص، عموماً دى حاجة بتاعتك إنت، بالنسبة لبتوع الإستيراد اللى أعرفهم سوسو فى المريوطية، وشارع العشرين فى فيصل.

**tarek_2005** · 30-01-2012 11:45 AM

انزل الحرفيين جنبك وهتلاقي كتتتتتتتتتتتتتتتتتتتتتتير اوي

**biomedo** · 30-01-2012 12:16 PM

المشاركة الأصلية كتبت بواسطة mabdelrahim

الف شكر يا شباب على الأهتمام ... ممكن يا باشا اسم الراجل بتاع صقر و مكانه بالظبط ، و انت بتقول في واحد و انا خارج من المعادي على ايدي اليمين أنهو مخرج ده اللي تقصده ممكن توصفهولي اكتر

اللي في صقر:

بص حضرتك وانت جاي من الاوتوستراد اول ما تعدي مت تحت كوبري الدائري عد سادس مدخل يمين او قبل مدخل صقر بشارعين تقريباً في اوله واحد بتاع زجاج

المهم ادخل في الشارع دا

عد تالت بلوك هوا فيه

اللي في المعصره:

انت تخرج على الكورنيش من اي مخرج و تمشي في اتجاه المعصره قبل شركة التليفونات "كويك تل" بحاجه بسيطه هتلاقيه هتميزه من انصاص العربيات اللي معروضه عالشارع

الوصف دا بقاله فتره كبيره فممكن تلاقيه مش مظبوط قوي

عالعموم طالما انت رايح تجيب كذا حاجه مع بعض مش حاجه ولا اتنين يبقى غالباً البياع مش هيضرب فالعالي و هتلاقي السعر في اللذيذ