ممكن يكون 40 *80 مش دولاب
فرقع صوت والغطا طار مع شرارة
ده من رحمة ربنا بيهم كمان ان معندهمش غاز طبيعي والحمد لله
الحمد لله , و ربنا يحمى الجميع
المتهم الاول فى هذا الحدث هو مفاتيح الفصل الاتوماتيكية و ليس الماس الكهربى
المفاتيح دى دورها تفصل فى حاجتين الحمل الزائد عن قدرة المفتاح + فى حالة حدوث قفلة لا قدر الله
كون ان المفاتيح مفصلتش و ان القفلة تسمع لحد الكوفرية السفلى فهى كارثة
و كون انه يفصل بالطريقة دى - فاكيد الفيوزات اللى فيه متشعرة لتوفير تكلفة تغييرها - فدى الكارثة الاكبر
الكهرباء هى العدو اللذى لا تراه الاعين ........ ربنا يعافينا جميعا
الحمد لله ان ربنا ستر والحمد لله ان الناس احياء
الحمد لله وربنا يعفينا جميعا من الامتحان الصعب دا
الحمد لله ان ربنا ستر عليهم وربنا يكون فى عونهم وينسيهم اليوم ده
انا لما العربيه اتقلبت بيا فضلت اكتر من سنه تعبان نفسيا من المنظر بس
الحمد لله ربنا ستر
من اصعب التجارب واكثرها ايلاما احتراق المنزل
للاسف في ناس كتير بتستخسر في موضوع الفيوزارت ده
انا شوفت عربيات ولعت عشان عملو تشعيرة بدل مايجيبو فيوز بشلن
ويقولو اصله بيضرب كل شويه
طيب ماهو بيضرب بييقولك ان فيه مشكلة في الضفيرة
وكذلك كهرباء البيت
بس بصراحة المشتركات الصيني لعنة في المنازل خاصة مع تعدد الاحمال
الكهربائي اللي عملي الشقة عشان خليت مهندس عندي في الشركة هو اللي يصمم خريطة الاحمال ونوعية المينتشر اللي تركيب بيقوللي هو انت ايه ناوي تشغل في البيت مخرطة
ايه كمية السلوك والخطوط دي
اقوله مالكش دعوة اشتغل ونفذ الخريطة وبس
الفيوزات اللي هي ايه بالظبط
هل هي المفاتيح الاتوماتيك
ولا المفتاح اللي بيكون برة الشقة وبيفصصل الكهربا ولا حاجة تانية خالص
انا عندي مشكلتين في الكهربا واستهتار زي معظم المصريين
الاولى ان المفتاح اللي برة كان بيفصصل ولغناه ووربطنا السلوك ببعضها
التاني ان كهربا الشقة كلها على مفتاح اتوماتيك واحد
قارفني طول الصيف لو التكييفين قاموا سوا يفصل
لشغلت اكتر من حاجتين مولدة لحرارة يفصل
يعني مقدرش اشغل دفايتين وسخان وغسالة الطباق مثلا لازم افصل حاجتين
دلوقت لانا عايزة اجيب الكهربائي يصلح الدنيا
هل لو زودت مفتاح ولا 2 اتوماتيك هايحتاج يغير السلوك ولا ايه
الحمد لله
لسه موضوع المشترك ده حاصل عندنا من كام يوم بس ربنا ستر بفضل الله ، مع انه نوع كويس وبقاله سنين :|
المشترك جنب باب أوضة والدي وهو نايم ، وجنبه ستاره والأرض كلها مفروشه و فوقه بشوية رف عليه أزايز سبراي طبعا كانت هتبقي قنابل
والدي صحي قدرا كده لقي ازاز باب الأوضه منور اصفر من النار بتاع المشترك ، والحمد لله لحقه قبل ما تمسك في أي حاجه
يا لطيف الالطاف نجنا مما نخاف
اللهم اجرنا من النار
انا زوجي الله يبارك له
عنده وسواس كهربا
طول ماهو ماشي يشيل اي فيشة محطوطة والود وده لو يشيل فيشة التلاجة والديب فريزر كمان
انا باقول له انت مزودها اوي
بس بصراحة اكتر من مصيبة تحصل بسبب المشتركات
والواحد يلف مصر كلها عشان يلاقي مشترك محترم بطلوع الروح
مرة كنت حاطة راديو في المطبخ و السلك كان رفيع وردئ واحنا واقفين لاقيناه طلع شرارة وبعدين نار
قال لي شفتي اني عندي حق لما باتمم عالفيش
مفتاح الاتوماتيك لازم كهربائي كويس يعمله
ما يقعدش يفصل عالفاضية والمليانة
وفي نفس الوقت لازم يفصل عشان هوا الدليل على ان في تحميل
مهم جدا