الموضوع: حريقة عند الجيران .. الحمد لله الذي عافانا مما ابتلى به غيرنا

لا حول ولا قوه الا بالله ربنا يعوض عليهم

الكلام ده نبهنى لحاجه مهمه انا عندى مشترك بقاله كام يوم بيشرز وفيشه برضه بتعمل كده وانا مطنش لانى واخد على كده فى الشغل
لكن الاهمال بيسبب كوارث والواحد بيفتكر ان الموضوع سهل وبسيط


انا شاكك ان ممكن الاطفال هما عملو حاجه فى الكهربا عملت كده لان فيه شقه فى عماره جنبنا ولعت بسبب طفل كان بيلعب بكبريت او ولاعه واهله نايمين و الشقه جزء كبير منها اتحرق بس الحمد لله اللى فيها طلعو بسلام

ولسه دلوقتى لقيت ابنى حاطط حاجه جوه فيشه التليفون اللى فى الحيطه وساددها وده نبهنى انه ممكن يحط حاجه فى فيشه الكهربا المره الجايه
الاطفال ملهمش امان

ربنا يسترها معانا كلنا

المشاركة الأصلية كتبت بواسطة Karim_Monir

من اصعب التجارب واكثرها ايلاما احتراق المنزل

للاسف في ناس كتير بتستخسر في موضوع الفيوزارت ده
انا شوفت عربيات ولعت عشان عملو تشعيرة بدل مايجيبو فيوز بشلن
ويقولو اصله بيضرب كل شويه
طيب ماهو بيضرب بييقولك ان فيه مشكلة في الضفيرة
وكذلك كهرباء البيت
بس بصراحة المشتركات الصيني لعنة في المنازل خاصة مع تعدد الاحمال
الكهربائي اللي عملي الشقة عشان خليت مهندس عندي في الشركة هو اللي يصمم خريطة الاحمال ونوعية المينتشر اللي تركيب بيقوللي هو انت ايه ناوي تشغل في البيت مخرطة
ايه كمية السلوك والخطوط دي
اقوله مالكش دعوة اشتغل ونفذ الخريطة وبس

هى المشتركات الصينى ظالم و مظلوم يعنى فيه مشتركات مضروبة بالنار و ضعيفة جدا و فيه مشتركات كويسة و ممكن تكون مطابقة لمواصفات كمان بس تلاقى المشترك مكتوب عليه 5 امبير و تلاقى المستخدم عامل عليه حفلة و موصل اجهزة تتجاوز قدرته فلازم ينهار

المشكلة تكمن فى انتشار مشتركات و تجهيزات كهربائية مضروبة + غياب الواعى لدى المستخدم عن كيفية الاختيار و الاستخدام

اما الكهربائية فالله ينور كل واحد ماشى بمواصفة دماغه و اخر علاقته بالمفتاح هو يشيل كام امبير و بس

انا شوفت مهازل من الصنايعى اللى كان بيعمل شقة صاحبى و كانت تصميمنا , بس العيب مش عليه العيب انه ملقاش حد يعرفه او يعلمه

المشاركة الأصلية كتبت بواسطة نور القمر

الفيوزات اللي هي ايه بالظبط
هل هي المفاتيح الاتوماتيك
ولا المفتاح اللي بيكون برة الشقة وبيفصصل الكهربا ولا حاجة تانية خالص
انا عندي مشكلتين في الكهربا واستهتار زي معظم المصريين
الاولى ان المفتاح اللي برة كان بيفصصل ولغناه ووربطنا السلوك ببعضها
التاني ان كهربا الشقة كلها على مفتاح اتوماتيك واحد
قارفني طول الصيف لو التكييفين قاموا سوا يفصل
لشغلت اكتر من حاجتين مولدة لحرارة يفصل
يعني مقدرش اشغل دفايتين وسخان وغسالة الطباق مثلا لازم افصل حاجتين
دلوقت لانا عايزة اجيب الكهربائي يصلح الدنيا
هل لو زودت مفتاح ولا 2 اتوماتيك هايحتاج يغير السلوك ولا ايه

الفيوزات دى تبع شركة الكهرباء

هو لازم يكون على الاقل فيه مفتاحان وراء بعض يعنى مفتاح عمومى و بعديه مفاتيح فرعية للاحمال علشان لو مفتاح مشتغلش اللى وراءه يفصل

المفتاح اللى عندك غالبا 25 ~ 32 امبير و العداد 40 امبير

الصح اللى مفروض يتعمل مفتاح عمومى و مفتاح فرعى لكل تكييف و مفتاح فرعى للسخان و كذلك للغسالة الاتوماتيك + مفاتيح فرعيه بعدد دوائر الاضاءة و الباور فى الشقة .

بالنسبة للسلوك فكل جهاز او حمل ليه سلوكه وواخدة مسارها لحد العداد فدى مش هتمثل مشكلة و مش هتحتاج تتغير , لكن السلك العمومى اللى جاى من بره لحد العداد غالبا هيحتاج يتغيير مع تغيير المفاتيح

يبقى المطلوب تجيبى كهربائى هيحدد :

1- هل السلك العمومى هيحتاج يتغيير ؟؟

2- هيحدد عدد المفاتيح المطلوبة زى ما ذكرنا فوق تبعا للاحمال

3- هتشترى المفاتيح ماركة ( مار جرين - abb - مولر ) بلاش اى ماركة مجهولة زى جاد و هاجر و الحاجات دى و يكون مكتوب عليها 10KA

لو عاوزة اى استفسار او اى مساعدة فى اختيار قدرات المفاتيح و السلك انا تحت امرك

المشاركة الأصلية كتبت بواسطة misoalex

لا حول ولا قوه الا بالله ربنا يعوض عليهم

الكلام ده نبهنى لحاجه مهمه انا عندى مشترك بقاله كام يوم بيشرز وفيشه برضه بتعمل كده وانا مطنش لانى واخد على كده فى الشغل
لكن الاهمال بيسبب كوارث والواحد بيفتكر ان الموضوع سهل وبسيط


انا شاكك ان ممكن الاطفال هما عملو حاجه فى الكهربا عملت كده لان فيه شقه فى عماره جنبنا ولعت بسبب طفل كان بيلعب بكبريت او ولاعه واهله نايمين و الشقه جزء كبير منها اتحرق بس الحمد لله اللى فيها طلعو بسلام

ولسه دلوقتى لقيت ابنى حاطط حاجه جوه فيشه التليفون اللى فى الحيطه وساددها وده نبهنى انه ممكن يحط حاجه فى فيشه الكهربا المره الجايه
الاطفال ملهمش امان

ربنا يسترها معانا كلنا

الشرز ده بيحصل من حاجتين , الاولى ان السوكيت - البريزة - يبقى واسع فالفيشة تتهز جوها و الثانية ان الجهاز يكون مفتاح الباور بتاعه شغال و تحط فيشته فى الكهرباء

لكن المشترك لو جاب اخره مش هيشرز لكن عزله هينهار فورى و يتحرق

المشاركة الأصلية كتبت بواسطة maka

[b][color="blue"][size="4"]



الشرز ده بيحصل من حاجتين , الاولى ان السوكيت - البريزة - يبقى واسع فالفيشة تتهز جوها و الثانية ان الجهاز يكون مفتاح الباور بتاعه شغال و تحط فيشته فى الكهرباء

لكن المشترك لو جاب اخره مش هيشرز لكن عزله هينهار فورى و يتحرق

فعلا البريزه كذا مره توسع واغيرها بس الشرز بيطلع من البريزه والمشترك لان تقريبا هو كمان بقى واسع مع انى مش باجى جنبه خالص
انا حريح دماغى وحغير الاتنين مع بعض

وعندك حق فى موضوع المشتركات الصينى ده
المشترك بيبقى مكتوب عليه كام امبير ومحدش بياخد باله من الكلام ده وبعمل عليه حفله فعلا هههههههه

المشاركة الأصلية كتبت بواسطة نور القمر

الف شكر يا بشمهندس عل الرد الوافي

اشكرك

المشاركة الأصلية كتبت بواسطة misoalex

فعلا البريزه كذا مره توسع واغيرها بس الشرز بيطلع من البريزه والمشترك لان تقريبا هو كمان بقى واسع مع انى مش باجى جنبه خالص
انا حريح دماغى وحغير الاتنين مع بعض

وعندك حق فى موضوع المشتركات الصينى ده
المشترك بيبقى مكتوب عليه كام امبير ومحدش بياخد باله من الكلام ده وبعمل عليه حفله فعلا هههههههه

ههههههههه

بص هو فيه طريقة علشان السوكيتات لما توسع بس عاوزة دماغ ووقت و هى بتفك المشترك او البريزة و تجيب سلك نحاس رفيع و تحزم بارة النحاس بس لازم تعملها بحرفية و مضيقهاش اكتر من اللازم

و لو هتجيب برايز متجبش باتشينو علشان مبقاتش بتعمر زى زمان

المشاركة الأصلية كتبت بواسطة A.Saad

السويدى كانت بتنزل مشتركات
بس مبقتش الاقيها
ممكن تشوفوا التركى
المفاتيح ممكن تتجاب من السويدى برده فى ش الالفى

اخطف رجلك للمنطقة الصناعية بالاسماعلية عندك مصنع مشتركات السويدى بحاله

عموما لما تجيب مشترك حاول تجيبه بامبير كويس و يكون البلاستك بتاعه عامل زى البلاستيك بتاع جسم المفاتيح او الكاسيت الباناسونيك , لان الابلاستيك ده مقاوم للحريق عكس البلاستيك العادى لو شم النار يحلف ما يسيبها