محتاج نصيحه عاجله من شباب البومه

**himaa** · 29-01-2012 11:52 PM

الحمد لله عملت حادثه بالعربيه (بومه 2007 أوتوماتيك 1600) وللأسف عشان طلعت على الرصيف العفشه بالكامل باظت يعنى مثلا محتاج أغير المساعدين والكبالن والبارات وعلبة الدركسيون والمقصات والميزان والطنابير والبلى .الميكانيكى اقترح عليا انى اجيب عفشه كامله استيراد من الحرفيين سؤالى هو هل يكون احسن انى أنفذ اقتراح الميكانيكى ولا اجيب بعض الحاجات استيراد والباقى جديد (يابانى بس مش أصلى) ولو هاجيب العفشه استيراد فين احسن مكان وافضل سعر.كمان محتاج طاره جديده عشان للأسف الأير باج فتحت وهل لو جبت طاره استيراد بالأيرباج هتشتغل عادى ولا لازم تتظبط فى التوكيل. أرجو الإفاده وجزاكم الله خيرا

**M.Elgergawy** · 30-01-2012 10:11 AM

ربنا معاك
بس الافضل طبعا الحاجة تكون جديدة واصلي
عشان دي العفشة الامامية عشان العربية تظبط تاني
غير كدا هتتعبك جامد ومش هتبقى عارف العيب منين لو جبت حاجة استيراد وحاجة مش اصلي

**mody1221** · 31-01-2012 05:26 PM

الحمد لله على كل حال .بالنسبة للايرباج دة موضوعة سهل حتتشترى طارى تانية بالايرباج وتعملة عند حد بتاع كمبيوتر
اما موضوع العفشة بيتهيألى انك تجيب اليابانى افضل حتى لو مش الاصلى دة ف حالة لو ناوى تقعد العربية معاك اما لو ناوى تبيع هاتها كلها استيراد.