الموضوع: هو اللى عايز يسافر يعمل اية

المشاركة الأصلية كتبت بواسطة wael30003

هاقولك نصيحة واسمعها منى لأنى اكبر سنا منك واتخرجت قبلك ب 16 سنة كلية تجارة برده
ممكن تشتغل 3 سنوات فى مكتب محاسبة محترم ومش مهم هتاخد كام المهم الخبرة وياريت لو تقوى نفسك فى اللغة يعنى تمسك كتاب تجارة english تترجمه مش بسرعة حتى لو كل يوم صفحة فى المحاسبة المالية
طبعا الكلام لو سمعته هتقول انا لسه هاعمل واتدرب واشتغل ويا فرصة جت او ماجتش
قال الله تعالى (ان الله لا يضيع اجر من احسن عملا)
اتعب الاول وبعدين دور انت لسه شاب وفريش
وما تسمعش لاى حد يحاول يحبطك هتلاقى منهم كتير زى الهم على القلب
السفر فى الخارج على 1700 ريال مش هيكفوك دى غير المعاملة السيئة والمهينة فى البلاد العربية
وفى البلاد الاوروبية مش مضمون اى حاجة طالما مفيش هدف محدد اوشغل محدد تسافر عشانه
ودايما تذكر قول الله تعالى
(ان الله لا يضيع اجر من احسن عملا )
ده ربنا اللى بيقول مش اى حد تانى
اتعب الاول وبعدين ان شاء الله اكيد هتلاقى الخير ات لا محالة
قوم صلى ركعتين كده وادى ربنا يقويك وتوكل على الله وابدأ المشوار وربنا هيقويك بأذن الله

شكرا جدا لعى نصيحة حضرتك
على فكرة انا شغال من وانا فى اعدادى لغاية ما خلصت جامعة مش من الناس اللى بتقعد وعايزة الشغل يجيى لغاية عندها وبجد من اللى الواحد شافة هنا مش متفائل خالص
وكمان اية المطلوب منى انى اعملة علشان انمى نفسى فى الوقت دا مع العلم ان الفلوس مقصرة شوية اليومين دول ياعنى هتبقى حاجات بالمجهود الذاتى

والله انا متشكر جدا على نصائحكم الغالية
بس دلوقتى انا عايز اعرف استفاد بوقتى ازاى فى انى احسن من مستوايا بس حاليا من غير كورسات غاليةغ لسوء الحالة المالية